କୋଲକାତା: ପଶ୍ଚିମବଙ୍ଗରେ ଜାରି ରହିଛି ନିର୍ବାଚନ ତାତି । 6ଟି ପର୍ଯ୍ୟାୟ ମତଦାନ ଶେଷ ହୋଇଥିବା ବେଳେ ଆଉ ମାତ୍ର 2ଟି ପର୍ଯ୍ୟାୟ ମତଦାନ ବାକି ରହିଥିବା ବେଳେ ଭିଡିଓ କନଫରେନ୍ସିଂ ଜରିଆରେ ମମତାଙ୍କ ଉପରେ ବର୍ଷିଛନ୍ତି ବିଜେପି ରାଷ୍ଟ୍ରିୟ ଅଧ୍ୟକ୍ଷ ଜେପି ନଡ୍ଡା ।
ଆଜି ମମତାଙ୍କୁ ଟାର୍ଗେଟ କରି ଜେପି ନଡ୍ଡା କହିଛନ୍ତି କି ବଙ୍ଗବାସୀ ଏବେ ଆପଣଙ୍କ ଅତ୍ୟାଚାରରୁ ମୁକ୍ତ ହେବାକୁ ଚାହୁଁଛନ୍ତି । ଲୋକ ଏବେ ଆପଣଙ୍କୁ ଆଉ ଡରୁନାହାନ୍ତି । ସପ୍ତମ ଏବଂ ଅଷ୍ଟମ ପର୍ଯ୍ୟାୟ ମତଦାନରେ ଲୋକେ ପଦ୍ମକୁ ଭୋଟ ଦେବେ । ଆସନ୍ତା 26 ଓ 29 ଏପ୍ରିଲରେ ସପ୍ତମ ଓ ଅଷ୍ଟମ ପର୍ଯ୍ୟାୟ ମତଦାନ ଥିବା ବେଳେ ଆଜି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଟାର୍ଗେଟ କରି ଏମିତି କହିଛି ବିଜେପି ।
ବ୍ୟୁରୋ ରିପୋର୍ଟ, ଇଟିଭି ଭାରତ
