ଲକ୍ଷ୍ନୌ: ରାଷ୍ଟ୍ରୀୟ ଲୋକଦଳର ନୂଆ ସଭାପତି ଭାବେ ଜୟନ୍ତ ଚୌଧୁରୀଙ୍କୁ ନିଯୁକ୍ତ କରାଯାଇଛି । ସଭାପତି ପଦବୀ ପାଇଁ ରାଷ୍ଟ୍ରୀୟ ମହାସଚିବର ତ୍ରଲୌକୀ ସିଂହ ଜୟନ୍ତଙ୍କ ନାମକୁ ସୁପାରିଶ କରିଥିଲେ । ତେବେ ଦଳର ନେତାମାନେ ତାଙ୍କୁ ସଭାପତି ପାଇଁ ସର୍ବସମ୍ମତି ଦେଇଛନ୍ତି ।
ଏନେଇ ମଙ୍ଗଳବାର ଦଳର ବୈଠକ ବସିଥିଲା । ପୂର୍ବତନ ପ୍ରଧାନମନ୍ତ୍ରୀ ଚୌଧୁରୀ ଚରଣ ସିଂଙ୍କ ଉତ୍ତରାଧିକାରୀ ତଥା ପୂର୍ବତନ କେନ୍ଦ୍ରମନ୍ତ୍ରୀ ଅଜିତ ସିଂଙ୍କ କୃଷକଙ୍କ ରାଜନୀତି ବର୍ତ୍ତମାନ ଜୟନ୍ତ ଚୌଧୁରୀଙ୍କ ହାତରେ ରହିଛି। ବିଶେଷଜ୍ଞମାନେ କହିଛନ୍ତି ଯେ ଜେଜେବାପା ଏବଂ ପିତାଙ୍କ ପରି ଜୟନ୍ତ ମଧ୍ୟ କୃଷକଙ୍କ ରାଜନୀତିକୁ ବୁଝିଥାନ୍ତି । ଚାଷୀମାନେ କୃଷି ଆନ୍ଦୋଳନ ଦ୍ବାରା ଆରମ୍ଭ କରିଥିବା ସଂଘର୍ଷ ଜାରି ରହିବ ବୋଲି ବିଶେଷଜ୍ଞମାନେ ମତ ରଖିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
