ଶ୍ରୀନଗର: ଘାଟିରୁ ପାକିସ୍ତାନ ଆତଙ୍କବାଦୀ ସଂଗଠନ ଲଶ୍କର-ଏ-ତୋଇବାର ଜଣେ ସହଯୋଗୀକୁ ଗିରଫ କରିଛି ଜମ୍ମୁକାଶ୍ମୀର ପୋଲିସ । ଦକ୍ଷିଣ କାଶ୍ମୀରର ଅବନ୍ତୀପୁରାରୁ ଗିରଫ ଆତଙ୍କବାଦୀ ସହଯୋଗୀ ନିକଟରୁ ଅସ୍ତ୍ରଶସ୍ତ୍ର ଜବତ ହୋଇଛି ।
ଅବନୀପୁରା ପୋଲିସ, 50 ଆରଆର ଓ 110 ବାଟାଲିୟନ ସିଆରପିଏଫର ମିଳିତ ଅପରେସନରେ ଏଲଇଟିର ଏହି ଆତଙ୍କବାଦୀ ସହଯୋଗୀକୁ ପୋଲିସ ଗିରଫ କରିଛି । ଗିରଫ ଆତଙ୍କବାଦୀ ସହଯୋଗୀ ଜଣକ ପୋମ୍ପର କୋନିବାଲ ଅଞ୍ଚଳର ଜୁନୈଦ ଅଲତଫ ବୋଲି ଜଣାପଡିଛି । ସୂଚନା ଅନୁୟାୟୀ ଗିରଫ ଆତଙ୍କବାଦୀ ସହଯୋଗୀ ଉପରେ ଆତଙ୍କବାଦୀଙ୍କୁ ଘରେ ରଖିବା ଓ ଅସ୍ତ୍ରଶସ୍ତ୍ର ଯୋଗାଇବାର ରହିଛି ଅଭିଯୋଗ ।
ଏହାସହ ଜୁନୈଦ ଅଲତଫ ବିଭିନ୍ନ ସୋସିଆଲ ମିଡିଆ ଜରିଆରେ ପାକିସ୍ତାନ ଆତଙ୍କବାଦୀ ସଂଗଠନର କମାଣ୍ଡର ସହ ସମ୍ପର୍କରେ ଥିବା ପୋଲିସ କହିଛି । ଘଟଣାରେ ପୋଲିସ ଏତଲା ଦାଏର କରି ତଦନ୍ତ ଆରମ୍ଭ କରିଛି ।
