ଶ୍ରୀନଗର: ବେମିନାରୁ ୬ଟି ଅଫୁଟା ଗ୍ରେନେଡ ଜବତ । ଏହି ସବୁ ଗ୍ରେନେଡକୁ ଜବତ କରିଛି ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସ (CRPF) । ତେବେ ବେମିନା ଅଞ୍ଚଳରୁ ଗ୍ରେନେଡ ଉଦ୍ଧାର ହୋଇଥିବା ନେଇ ଇଟିଭି ଭାରତକୁ ସୂଚନା ଦେଇଛନ୍ତି ସିଆରପିଏଫ ମୁଖପାତ୍ର ଅଭିରାମ ।
ସେ କହିଛନ୍ତି ଯେ ସିଆରପିଏଫର କୁଇକ ଆକ୍ସନ ଟିମ୍ ଆଜି ବେମିନା ଅଞ୍ଚଳ ଏକ ବଙ୍କର ନିକଟରୁ ୬ଟି ଗ୍ରେନେଡ ଉଦ୍ଧାର କରିଛି । ଉକ୍ତ ଅଞ୍ଚଳରେ ଗ୍ରେନେଡ ପୋତା ଯାଇଥିବା ନେଇ ପ୍ରଥମେ ସନ୍ଦେହ ହେବାରୁ ବୋମା ନିଷ୍କ୍ରିୟକାରୀ ଦଳକୁ ଡକାଯାଇ ଏହି ସବୁ ଗ୍ରେନେଡକୁ ଉଦ୍ଧାର କରାଯାଇଥିଲା ।
ତେବେ ଚେକ ପଏଣ୍ଟରେ କଡା ଯାଞ୍ଚ ପରେ ସେଠାରେ କେହି ଗ୍ରେନେଡ ଲୁଚାଇଥିବା ଜଣାପଡିଥିଲା । ଏନେଇ ଏବେ ଅଧିକ ତଦନ୍ତ ଜାରି ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
