ଭୁବନେଶ୍ବର: ବରିଷ୍ଠ ଓଡିଆ IPS ଘନଶ୍ୟାମ ଉପାଧ୍ୟାୟ ହେଲେ CBIର ଯୁଗ୍ମ ନିର୍ଦ୍ଦେଶକ । କେନ୍ଦ୍ର ସରକାରଙ୍କ ପକ୍ଷରୁ ନିଯୁକ୍ତ ହୋଇଥିବା CBIର 3 ନୂତନ ଯୁଗ୍ମ ନିର୍ଦ୍ଦେଶକଙ୍କ ମଧ୍ୟରୁ ଅନ୍ୟତମ ହେଉଛନ୍ତି ଘନଶ୍ୟାମ । 1999 ବ୍ୟାଚ୍ IPS ଘନଶ୍ୟାମ ଓଡିଶା କ୍ୟାଡରର ଅଧିକାରୀ ।
ଘନଶ୍ୟାମ ପୂର୍ବରୁ ରାଜ୍ୟରେ ବିଭିନ୍ନ ପଦ ପଦବୀରେ ନିଯୁକ୍ତି ହୋଇଛନ୍ତି । କେନ୍ଦ୍ରୀୟ ଡେପୁଟେସନ ପୂର୍ବରୁ ଘନଶ୍ୟାମ IG Vigilance ଓ ପୂର୍ବାଞ୍ଚଳ IG ଭାବେ ସଫଳତାର ଦାୟିତ୍ୱ ତୁଲାଇଛନ୍ତି । ଚଳିତବର୍ଷ ପ୍ରାରମ୍ଭରେ ସେ ଡେପୁଟେସନ ଲାଗି ଆବେଦନ କରିଥିଲେ । ଘନଶ୍ୟାମଙ୍କ ସହ ଅନ୍ୟ ୨ ଜଣ CBI ର ଯୁଗ୍ମ ନିର୍ଦ୍ଦେଶକ ଭାବେ ନିଯୁକ୍ତି ପାଇଥିବା ଅଧିକାରୀ ହେଉଛନ୍ତି 1995 ବ୍ୟାଚ୍ IPS ନୱାଲ ବଜାଜ ଓ 1998 ବ୍ୟାଚ୍ IPS ବିଦ୍ୟା ଜୟନ୍ତ କୁଲକର୍ଣ୍ଣି ।
IPS ବଜାଜ ମହାରାଷ୍ଟ୍ର କ୍ୟାଡରର ହୋଇଥିବାବେଳେ କୁଲକର୍ଣ୍ଣି ତାମିଲନାଡୁ କ୍ୟାଡରର ଅଧିକାରୀ । କ୍ୟାବିନେଟର ନିଯୁକ୍ତି କମିଟି (ACC) ସେଣ୍ଟ୍ରାଲ୍ CBI ର ଯୁଗ୍ମ ନିର୍ଦ୍ଦେଶକ ଭାବେ ଏହି 3 ଜଣ IPS ଅଧିକାରୀଙ୍କ ଆବେଦନକୁ ଅନୁମୋଦନ କରିଛନ୍ତି ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
