ନୂଆଦିଲ୍ଲୀ: ଇଣ୍ଡିଆନ୍ ସାର୍ସ କୋଭିଡ ଜେନୋମିକ୍ସ କନ୍ସୋର୍ଟିୟମ୍ (INSACOG) ପ୍ରକାଶ କରିଛି ନୂଆ ତଥ୍ୟ । ଭାରତରେ କୋଭିଡ ଭୂତାଣୁର BA.4 ଏବଂ BA.5 ନାମକ ଦୁଇ ନୂଆ ଭ୍ଯାରିଆଣ୍ଟ ଚିହ୍ନଟ ହୋଇଛି । ତାମିଲନାଡୁର ଜଣେ 19 ବର୍ଷୀୟା ଯୁବତୀଙ୍କ ଠାରେ ସାମାନ୍ୟ ଲକ୍ଷଣ ପ୍ରକାଶ ପାଇଥିବାବେଳେ ତାଙ୍କ ନମୁନା ପରୀକ୍ଷଣରୁ ତାଙ୍କ ଠାରେ କୋଭିଡ ଭୂତାଣୁର BA.4 ଭ୍ୟାରିଆଣ୍ଟ ଚିହ୍ନଟ ହୋଇଛି । ସେହିପରି ତେଲେଙ୍ଗାନାର ଜଣେ 80 ବର୍ଷୀୟ ଆକ୍ରାନ୍ତଙ୍କ ଠାରେ ମଧ୍ୟ କୋଭିଡର BA.5 ପ୍ରକାର (ଭ୍ୟାରିଆଣ୍ଟ) ଚିହ୍ନଟ କରାଯାଇଥିବା INSACOG ସ୍ପଷ୍ଟ କରିଛି ।
-
INSACOG confirms BA.4 & BA.5 variants of #COVID19 in India. pic.twitter.com/YJsoSuLt5f
— ANI (@ANI) May 22, 2022 " class="align-text-top noRightClick twitterSection" data="
">INSACOG confirms BA.4 & BA.5 variants of #COVID19 in India. pic.twitter.com/YJsoSuLt5f
— ANI (@ANI) May 22, 2022INSACOG confirms BA.4 & BA.5 variants of #COVID19 in India. pic.twitter.com/YJsoSuLt5f
— ANI (@ANI) May 22, 2022
ଅନ୍ୟ ଏକ ଚିନ୍ତାଜନକ କାରଣ ଏହାକି ଯେ, ଉଭୟ ନୂଆ ପ୍ରଜାତିର ଭୂତାଣୁରେ ଆକ୍ରାନ୍ତ ହୋଇଥିବା ବ୍ୟକ୍ତି ସମ୍ପୂର୍ଣ୍ଣ ଅର୍ଥାତ ଦୁଇଟି ଟିକା ଗ୍ରହଣ କରିସାରିଛନ୍ତି । ସେମାନଙ୍କ ନିକଟରେ କେବଳ ସାମାନ୍ୟ ଲକ୍ଷଣ ଦେଖାଯାଉଥିବାବେଳେ ପରୀକ୍ଷାରୁ ଏହା ନୂଆ ପ୍ରଜାତି ବୋଲି ଜଣାପଡିଛି । ତେବେ ସଂକ୍ରମଣ ସତ୍ତ୍ବେ ମଧ୍ୟ ସ୍ବାସ୍ଥ୍ୟଗତ ଜଟିଳତା ପ୍ରକାଶ ନପାଇବା ଆଶ୍ବସ୍ତିକର ବିଷୟ ବୋଲି କୁହଯାଉଛି ।
ଉଭୟ ଆକ୍ରାନ୍ତଙ୍କୁ ନିରୀକ୍ଷଣରେ ରଖାଯାଇଛି । ସେମାନଙ୍କ ଠାରେ ପ୍ରକାଶ ପାଉଥିବା ପ୍ରତ୍ୟେକ ପରିବର୍ତ୍ତନକୁ ତଦାରଖ କରାଯାଉଛି । ସେମାନଙ୍କ ସଂସ୍ପର୍ଷରେ ଆଉ କେଉଁମାନେ ଆସିଛନ୍ତି ତାହା ମଧ୍ୟ ଚିହ୍ନଟ ହେବାର ପ୍ରକ୍ରିୟା ମଧ୍ୟ ଜାରି ରହିଛି । ଗତକାଲି ପ୍ରଥମ ମାମଲା ସାମ୍ନାକୁ ଆସିବା ପରେ ଆଜି ଆଉ ଜଣଙ୍କୁ ମିଶାଇ ମୋଟ ଆକ୍ରାନ୍ତଙ୍କ ସଂଖ୍ୟା 2ରେ ପହଞ୍ଚିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
