ନୂଆଦିଲ୍ଲୀ: ଶେଷରେ ସବୁ ଅପେକ୍ଷାର ଅନ୍ତ ଘଟିଲା । ଭାରତୀୟ ନୌସେନାକୁ ଖୁବଶୀଘ୍ର ମିଳିବ ପ୍ରଥମ ବ୍ୟାଚ୍ ରୋମିଓ ମଲ୍ଟିରୋଲ୍ ହେଲିକପ୍ଟର । ତେବେ ଭାରତୀୟ ନୌସେନାର ପ୍ରଥମ ଏୟାରକ୍ରିଉ MH 60R (MH 60R ‘Romeo’ aircrew) ତାଲିମ ଶେଷ କରିଛନ୍ତି । ଆଜି ଭାରତୀୟ ନୌସେନାର ଏହି ପ୍ରଥମ ବ୍ୟାଚ୍ର ରୋମିଓ ଏୟାରକ୍ରିଉ MH 60R(MH 60R ‘Romeo’ aircrew)ର ସମସ୍ତ ସଦସ୍ୟ ତାଲିମ ସଫଳତାର ସହ ସମାପ୍ତ କରିଛନ୍ତି । ତେବେ ଆସନ୍ତା ଜୁନରେ ପ୍ରଥମ ପର୍ଯ୍ୟାୟରେ 4ଟି ରୋମିଓ ଭାରତକୁ ମିଳିବ ଏବଂ ବାକି 20ଟି ପର୍ଯ୍ୟାୟ କ୍ରମେ ମିଳିବ ବୋଲି ସୂଚନା ରହିଛି ।
ତେବେ ଆମେରିକାର ସାନ୍ ଡିଏଗୋ ସ୍ଥିତ ନାଭାଲ ଏୟାର ଷ୍ଟେସନରେ ଗତ ବର୍ଷ ଏପ୍ରିଲ ୧ତାରିଖରୁ ଏହି ଟିମ ତାଲିମ ନେଉଥିଲେ । ଏଥିସହ ୧୦ ମାସ ପରେ ଏହି ତାଲିମ ସମାପ୍ତ କରିଛନ୍ତି, ଭାରତୀୟ ନୌସେନାର ଏହି ଯୋଦ୍ଧା । ଏହି ୧୦ ମାସର ପାଠ୍ୟକ୍ରମରେ ରୂପାନ୍ତର ତାଲିମ ଏବଂ MH 60R ହେଲିକପ୍ଟରରେ ଅନ୍ୟାନ୍ୟ ଉନ୍ନତ ଯୋଗ୍ୟତା ଅନ୍ତର୍ଭୁକ୍ତ ରହିଥିବା ବେଳେ ଭାରତୀୟ ନୌସେନାର ସମସ୍ତ ଯୋଦ୍ଧା ଏହାକୁ ସଫଳତାର ସହ ସମାପ୍ତ କରିଛନ୍ତି ।
ସୂଚନା ଅନୁସାରେ ଭାରତୀୟ ନୌସେନା ଆମେରିକା ଠାରୁ ଏହି ମଲ୍ଟି ରୋଲ ହେଲିକପ୍ଟର(Multi Role Helicopters-MRH) କିଣିବା ପାଇଁ ଆମେରିକା ସହ ଚକ୍ତି କରିଥିଲା । ତେବେ ପ୍ରଥମ ପର୍ଯ୍ୟାୟର ଭାରତୀୟ ନୌସେନାକୁ ଏହି ହେଲିକପ୍ଟର ଦୁଇଟି ମିଳିଥିବା ବେଳେ ନୌସେନାର ଯବାନମାନେ ସାନ ଡିଏଗୋ ସ୍ଥିତ ନାଭାଲ ଏୟାର ଷ୍ଟେସନରେ ଏହା ଦ୍ବାରା ତାଲିମ ନେଉଥିଲେ । ଏଥିସହ ଏହି ୨୪ଟି ମଲ୍ଟି ରୋଲ ହେଲିକପ୍ଟର(Multi Role Helicopters-MRH) ଭାରତ ଆମେରିକା ଠାରୁ କିଣିବାକୁ ଥିବା ବେଳେ ଭାରତକୁ ୨.୪ ବିଲିୟନ ଆମେରିକୀୟ ଡଲାର ଖର୍ଚ୍ଚ କରିବାକୁ ପଡିଛି ।
ଅନ୍ୟପଟେ ଭାରତୀୟ ନୌସେନାରେ ଏହା ସାମିଲ ହେବା ପରେ ଦକ୍ଷିଣ ଚାଇନା ମହାସାଗରରେ ସେନା ବାହିନୀର ଦକ୍ଷତା ବୃଦ୍ଧି ପାଇବା ସହ ଚୀନକୁ ପ୍ରତିହିତ କରିବାରେ ବଡ ସଫଳତା ମିଳିବ । ତେବେ ଆମେରିକା କେବଳ ଭାରତ ଲାଗି ଏହି ସ୍ବତନ୍ତ୍ର ମଲ୍ଟି ରୋଲ ହେଲିକପ୍ଟର(Multi Role Helicopters-MRH) ତିଆରି କରିଛି ।
ଏହି ହେଲିକପ୍ଟରର କ୍ଷମତା ହେଲା ଏହାକୁ ଉଦ୍ଧାର, ସ୍ପେଶାଲ ଅପରେସନ୍, ବୁଡାଜାହଜ ନିରୋଧୀ ଏବଂ ଯୁଦ୍ଧଜାହଜ ନିରୋଧୀ ଅପରେସନରେ ବ୍ୟବହାର ହୋଇପାରିବ ।
@ANI
