ହାଇଦ୍ରାବାଦ: ଜାନୁଆରୀ ଶେଷ ବେଳକୁ ଆହୁରି ବଢିପାରେ କରୋନା ସଂକ୍ରମଣ । ଏଭଳି ସୂଚନା ଦେଲେ କିମ୍ସ ନିର୍ଦ୍ଦେଶକ ଡ. ସମ୍ବିତ ସାହୁ । କହିଲେ 'ବିଶ୍ବ ଠାରୁ ଆମେ ଅଲଗା ନୁହେଁ' ।
ଦିନକୁ ଦିନ ସାରା ବିଶ୍ବରେ ଏବେ ହୁ ହୁ ହୋଇ କୋରୋନା ସଂଖ୍ୟା ବୃଦ୍ଧି ପାଇବାରେ ଲାଗିଛି । ଯେଉଁଭଳି ଭାବରେ ଦେଶରେ ସଂକ୍ରମଣ ବୃଦ୍ଧି ପାଉଛି, ଏନେଇ କିମ୍ସ ନିର୍ଦ୍ଦେଶକ ଡ. ସମ୍ବିତ ସାହୁ ଏକ ଚିନ୍ତା ଜନକ ସୂଚନା ଦେଇଛନ୍ତି । ସାରା ବିଶ୍ବ ଏବେ କରୋନା ମହାମାରୀ ଦେଇ ଗତି କରୁଛି, ଯେହେତୁ ଭାରତ ବିଶ୍ବଠାରୁ ଅଲଗା ନୁହେଁ ତେଣୁ ଭାରତ ମଧ୍ୟ ଏହାର ସମ୍ମୁଖିନ ହେବ । ଏଥିସହ ୨୦୨୨ ଜାନୁଆରୀ ଶେଷ ବେଳକୁ ଦେଶରେ ସଂକ୍ରମଣ ଆହୁରି ଦୃତ ଗତିରେ ବୃଦ୍ଧି ପାଇଥିବ ବୋଲି କହିଲେ ଡ. ସମ୍ବିତ ସାହୁ । ଏହା ସହିତ ଆସିଥିବା ନୂଆ ଭାରିଆଣ୍ଟ ଓମିକ୍ରନ ଏବେ ସାରା ବିଶ୍ବରେ କୋକୁଆ ଭୟ ସୃଷ୍ଟି କରିଛି । ଭାରତରେ ଏଯାଏଁ ମୋଟ ୪୧୫ ଓମିକ୍ରନ ଭାରିଏଣ୍ଟ ଚିହ୍ନଟ ହେବାସହ ଏହା ୧୭ ରାଜ୍ୟକୁ ଛୁଇଁସାରିଲାଣି । ମହାରାଷ୍ଟ୍ରରେ ସର୍ବାଧିକ ୧୦୮ ଆକ୍ରାନ୍ତ ଚିହ୍ନଟ ହୋଇଥିବାବେଳେ , ଦିଲ୍ଲୀରେ ୭୯ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ତାମିଲନାଡ଼ୁରେ 34, ତେଲେଙ୍ଗାନାରେ ୩୮, ରାଜସ୍ଥାନରେ ୨୨ ,କର୍ଣ୍ଣାଟକରେ ୩୧,କେରଳରେ ୩୭,ଗୁଜୁରାଟରେ ୪୩,ଜମ୍ମୁ ଓ କାଶ୍ମୀରରେ ୩ ଜଣ, ଓଡ଼ିଶା, ହରିୟାଣା ଓ ଆନ୍ଧ୍ର ପ୍ରଦେଶରେ ୪ ଜଣ, ୟୁପିରେ ୨ ଜଣ ଲେଖାଏଁ ଚିହ୍ନଟ ହୋଇଛନ୍ତି ଓମିକ୍ରନ ଭାରିଏଣ୍ଟ ।
ଗତ ସପ୍ତାହରେ ସିସିଏମବିର ପୂର୍ବତନ ନିର୍ଦ୍ଦେଶକ ଡ. ରାକେଶ କୁମାର ମିଶ୍ର ଇଟିଭି ଭାରତକୁ ସ୍ବତନ୍ତ୍ର ସାକ୍ଷାତକାରରେ କହିଥିଲେ, ଭାରତରେ ଏବେ ସ୍ଥିତି ଭଲ ଅଛି । ଯେଉଁଭଳି ଭାବରେ ଦେଶରେ ଟୀକୀକରଣ ଫଳପ୍ରଦ ହେଉଛି, କିଛିଟା ମାତ୍ରାରେ ସଂକ୍ରମଣକୁ ରୋକା ଯାଇପାରିବ ।
ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍ବାସ୍ଥ୍ୟ ନିୟନ୍ତ୍ରଣ ଓ କରୋନା ମହାମାରୀ ନେଇ ଏକ ବୈଠକ କରିଥିଲେ । ଯେଉଁ ବୈଠକରେ କୋରନା ସମ୍ପର୍କିତ ଆଲୋଚନା ଓ ସ୍ବାସ୍ଥ୍ୟ ବିଭାଗ, ଔଷଧ, ଅକ୍ସିଜେନ ସିଲିଣ୍ଡର, ଆଇସିୟୁ, ଭେଣ୍ଟିଲେଟର, ବେଡ ବୃଦ୍ଧି ଓ ଟୀକାକରଣ ନେଇ ଆଲୋଚନା ହୋଇଥିଲା । ଦେଶରେ ଓମିକ୍ରନର ବୃଦ୍ଧି ନେଇ ଟୀକାକରଣ ମାତ୍ରାକୁ ବୃଦ୍ଧି କରିବାକୁ ପ୍ରଧାନମନ୍ତ୍ରୀ ନିର୍ଦ୍ଦେଶ ଦେଇଥିଲେ ।
ଦେଶରେ ନୂଆ ଭାରିଏଣ୍ଟ ବୃଦ୍ଧି ପାଉଥିବାବେଳେ ସାରା ଦେଶକୁ ସାବଧାନ ଓ ସତର୍କ ରହିବାକୁ କହିଛନ୍ତି ପ୍ରଧାନମନ୍ତ୍ରୀ । ସାରା ଦେଶ ଏକାଠି ହୋଇ ଏହି ମହାମାରୀକୁ ହରାଇବାକୁ ଏବଂ ସମସ୍ତ ନିୟମ ମାନି ରହିବାକୁ ମୋଦି କହିଛନ୍ତି । ଏହାସହ ଆବଶ୍ୟକ ଅନୁଯାୟୀ ଅକ୍ସିଜେନ ଯୋଗାଇ ଦେବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି ।
@ANI
