ନୂଆଦିଲ୍ଲୀ: ପୂର୍ବ ଅବସ୍ଥାକୁ ଫେରୁଛି କୋରୋନାର କାୟା । ଦେଶରେ ପୁଣି 50 ହାଜର ଆଡକୁ ମୁହାଁଉଛି ଦୈନିକ ସଂକ୍ରମଣ । କାରଣ ଆଜି ଗୋଟିଏ ଦିନରେ 43 ହଜାର 846 ଜଣ ନୂତନ କୋରୋନା ସଂକ୍ରମିତ ଚିହ୍ନଟ ହୋଇଛନ୍ତି । 24 ଘଣ୍ଟାରେ ଯାଇଛି 197 ଆକ୍ରାନ୍ତଙ୍କ ଜୀବନ ।
ଅନ୍ୟପଟେ, 22 ହଜାର 956 ଜଣ କୋରୋନାରୁ ସୁସ୍ଥ ହୋଇଛନ୍ତି । ଦୈନିକ ସଂକ୍ରମଣ ମାମଲା ବଢୁଥିବାରୁ ଏବେ ସକ୍ରିୟ ମାମଲା 3 ଲକ୍ଷ ପାର କରିଯାଇଛି । ଏନେଇ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ ଟ୍ବିଟ କରି ସୂଚନା ଦିଆଯାଇଛି ।
ସେପଟେ, ଦେଶରେ ମୋଟ ସଂକ୍ରମିତ ସଂଖ୍ୟା 1 କୋଟି 15 ଲକ୍ଷ 99 ହଜାର 130ରେ ପହଞ୍ଚିଛି । ବର୍ତ୍ତମାନ ସୁଦ୍ଧା 1 କୋଟି 11 ଲକ୍ଷ 30 ହଜାର 288 ଜଣ ସୁସ୍ଥ ହୋଇସାରିଲେଣି । ମୋଟ ମୃତ୍ୟୁ ସଂଖ୍ୟା 1 ଲକ୍ଷ 59 ହଜାର 755 ରେ ପହଞ୍ଚିଛି ।
