ନୂଆଦିଲ୍ଲୀ: ଯୁକ୍ତରାଷ୍ଟ୍ର(United Nations)ର ଉଚ୍ଚସ୍ତରୀୟ ବୈଠକକୁ ସମ୍ବୋଧିତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବୈଠକରେ ପ୍ରଧାନମନ୍ତ୍ରୀ କହିଛନ୍ତି, ଭୂମି ସମସ୍ତ ଜୀବନ ଓ ଜୀବୀକାର ସମର୍ଥନ ପାଇଁ ମୌଳିକ ନିର୍ମାଣ ଖଣ୍ଡ ।
ପ୍ରଧାନମନ୍ତ୍ରୀ କହିଛନ୍ତି, ମାନବ ଗତିବିଧି ଯୋଗୁଁ ଭୂମିକୁ ହୋଇଥିବା କ୍ଷତିକୁ ପୁନର୍ବାର ଭରଣା କରିବା ମାନବ ସମାଜର ସାମୁହିକ ଦାୟିତ୍ବ । ଆମେ ଗାମାମୀ ପୀଢିକୁ ଏକ ସୁସ୍ଥ ଧରିତ୍ରୀ ଦେବା ଆମର ଦାୟିତ୍ବ ବୋଲି କହିଛନ୍ତି ପ୍ରଧାନମନ୍ତ୍ରୀ ।
ମୋଦି କହିଛନ୍ତି, ଲ୍ୟାଣ୍ଡ୍ ଡିଗ୍ରେଡେସନ ଯୋଗୁଁ ବିଶ୍ବର ଦୁଇ ତୃତୀୟାଂଶ କ୍ଷେତ୍ରରେ ପ୍ରଭାବ ପଡିଛି । ଏହା ଉପରେ ଧ୍ୟାନ ଦିଆଯାଇନାହିଁ । ଏହା ଆମ ସମାଜ, ଅର୍ଥବ୍ୟବସ୍ଥା, ଖାଦ୍ୟ ସୁରକ୍ଷା ଓ ଗୁଣାତ୍ମକ ଜୀବନ ଉପରେ ପ୍ରଭାବ ପକାଇବ । ଏଥିପାଇଁ ଆମକୁ ମାଟି ଓ ଏହାର ଉତ୍ସର ଅତ୍ୟଧିକ ଡିଗ୍ରେଡେସନ ହ୍ରାସ କରିବାକୁ ପଡିବ ।
ପିଏମ କହିଛନ୍ତି, ଭାରତରେ ଆମେ ସବୁବେଳେ ଭୂମିକୁ ଗୁରୁତ୍ବ ଦେଇ ଆସୁଛୁ ଏବଂ ପବିତ୍ର ପୃଥିବୀକୁ ଆମର ମା' ବୋଲି ବିବେଚନା କରୁଛୁ | ଆନ୍ତର୍ଜାତୀୟ ଫୋରମରେ ଭୂମି କ୍ଷରଣ ପ୍ରସଙ୍ଗକୁ ଆଲୋକିତ କରିବାରେ ଭାରତ ଅଣ୍ଟା ଭିଡିଛି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ ଗତ 10 ବର୍ଷ ମଧ୍ୟରେ ଭାରତରେ ପ୍ରାୟ 30 ଲକ୍ଷ ହେକ୍ଟର ଜଙ୍ଗଲ କ୍ଷେତ୍ର ଯୋଡାଯାଇଛି । ଏହା ଜଙ୍ଗଲ କ୍ଷେତ୍ରକୁ ଦେଶର ସମୁଦାୟ କ୍ଷେତ୍ରର ପ୍ରାୟ 1/4କୁ ବୃଦ୍ଧି କରିଛି | ଜମି ଅବକ୍ଷୟ ନିରପେକ୍ଷତା ପାଇଁ ଆମର ଜାତୀୟ ପ୍ରତିବଦ୍ଧତା ହାସଲ କରିବା ଦିଗରେ ଅଛୁ ବୋଲି କହିଛନ୍ତି ମୋଦି ।