ଶ୍ରୀନଗର: ଜମ୍ମୁକାଶ୍ମୀରରେ ସୁରକ୍ଷାକର୍ମୀଙ୍କୁ ସଫଳତା । ରଜୌରୀରୁ ଏକ ଅଫୁଟା IED ଜବତ କଲେ ସୁରକ୍ଷାକର୍ମୀ । ଆଜି (ଶନିବାର) ସକାଳ ସମୟରେ IEDଟିକୁ ଜବତ କରାଯାଇ ନିଷ୍କ୍ରିୟ କରାଯାଇଛି ।
ସୂଚନା ଅନୁଯାୟୀ ଆଜି ସକାଳ ସମୟରେ ରଜୌରୀ-ଗୁରଡାନର ଚାଓ୍ବା ଗ୍ରାମରେ ଏକ ଆଇଡି ଖଞ୍ଜା ଯାଇଥିବା ନେଇ ବିଶେଷ ସୁତ୍ରରୁ ସୂଚନା ପାଇଥିଲା ସୁରକ୍ଷାକର୍ମୀ । ଏହାପରେ ଉକ୍ତ ଅଞ୍ଚଳରେ ପୋଲିସକର୍ମୀ ଓ ଆର୍ମୀ ମିଳିତ ଭାବେ ସର୍ଚ୍ଚ ଅପରେସନ ଆରମ୍ଭ କରିଥିଲେ । ଏହି ସମୟରେ ରାସ୍ତା ଉପରେ ଏକ ସନ୍ଦିଗ୍ଧ ବସ୍ତୁ ପଡିଥିବା ଦେଖିବାକୁ ପାଇଥିଲେ । ଯାହା ପରୀକ୍ଷଣ ପରେ ଏହା IED ବୋଲି ଜଣାପଡିଥିଲା । ଆଇଡି ଉଦ୍ଧାର ପରେ ପୁରା ଅଞ୍ଚଳକୁ କର୍ଡନ କରାଯାଇଛି ।
ଏହାପରେ ଏକ ବୋମା ନିଷ୍କ୍ରିୟକାରୀ ଦଳ ପହଞ୍ଚି ଆଇଡିଟିକୁ ନିଷ୍କ୍ରିୟ କରିଥିଲେ । ତେବେ IEDଟି ଏହି ସ୍ଥାନକୁ କିପରି ଆସିଲା ଓ କିଏ ରଖିଲା ସେନେଇ ତଦନ୍ତ ଆରମ୍ଭ କରିଛି ପୋଲିସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
