ରାଞ୍ଚି: ପ୍ରବର୍ତ୍ତନ ନିର୍ଦ୍ଦେଶାଳୟ (ED) କାର୍ଯ୍ୟାଳୟରେ ହାଜର ହେଲେ ଝାଡଖଣ୍ଡ ଖଣି ସଚିବ ପୂଜା ସିଙ୍ଗଲ । ସେ ଆଜି (ସୋମବାର) ସ୍ବାମୀ ଅଭିଶେକ ଝାଙ୍କ ସହ ରାଞ୍ଚି ସ୍ଥିତ ଇଡି କାର୍ଯ୍ୟାଳୟରେ ହାଜର ହୋଇଛନ୍ତି । ପୂଜାଙ୍କ ଚାର୍ଟାର୍ଡ ଆକାଉଣ୍ଟାଣ୍ଟଙ୍କ ଘରୁ 19 କୋଟି ଟଙ୍କା ଜବତ ପରେ ହାଜର ହେବା ପାଇଁ ସମନ ଜାରି କରିଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ । ଆଜି ପୂଜା ଓ ତାଙ୍କ ସ୍ବାମୀ ହାଜର ହେବା ପରେ ସେମାନଙ୍କୁ ପଚରାଉଚରା ଜାରି ରହିଥିବା ସୂଚନା ମିଳିଛି ।
ବିପୁଳ ଟଙ୍କା ଜବତ ହେବା ପରେ ପ୍ରବର୍ତ୍ତନ ନିର୍ଦ୍ଦେଶାଳୟ ଆଇଏଏସ୍ ପୂଜା ସିଙ୍ଗଲଙ୍କ CA ସୁମନ ସିଂ, ତାଙ୍କ ସ୍ୱାମୀ ଅଭିଷେକ ଝାଙ୍କୁ ପଚରାଉଚରା କରୁଥିଲା । କିନ୍ତୁ ଆଜି ପୂଜା ସିଙ୍ଗଲଙ୍କୁ ମଧ୍ୟ ଜେରା ପାଇଁ ଡାକିଥିଲା ଇଡି । ପୂଜା ଇଡି କାର୍ଯ୍ୟାଳୟରେ ପହଞ୍ଚିବା ପରେ ସେଠାରେ ଭିଡ ସହ ଉତ୍ତେଜନା ମଧ୍ୟ ପ୍ରକାଶ ପାଇଥିଲା । ତଦନ୍ତକାରୀ ଇଡି ମଧ୍ୟ ସ୍ଥାନୀୟ ପୋଲିସର ସହଯୋଗ ମାଗିଥିଲା । ବ୍ୟାପକ ଫୋର୍ସ ମୁତୟନ ହେବା ପରେ କାର୍ଯ୍ୟାଳୟରେ ପଚରାଉଚୁରା ଆରମ୍ଭ ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
