ଜରୁରୀ ଅବତରଣ କଲା ଶ୍ରୀ ଶ୍ରୀ ରବିଶଙ୍କରଙ୍କ ହେଲିକପ୍ଟର

ଖରାପ ପାଗ ଯୋଗୁ ତାମିଲନାଡୁର ଏକ ଅଭୟାରଣ୍ୟରେ ଜରୁରୀ ଅବତରଣ କଲା ଶ୍ରୀ ଶ୍ରୀ ରବିଶଙ୍କରଙ୍କ ହେଲିକପ୍ଟର । ଏକ ଘଣ୍ଟା ପରେ ପୁଣି ଭରିଲା ଉଡାଣ । ଅଧିକ ପଢନ୍ତୁ

ହାଇଦ୍ରାବାଦ: ଆଧ୍ୟାତ୍ମିକ ଗରୁ ତଥା ଆର୍ଟ ଅଫ ଲିଭିଂ ଫାଉଣ୍ଡେସନର ପ୍ରତିଷ୍ଠାତା ଶ୍ରୀ ଶ୍ରୀ ରବିଶଙ୍କରଙ୍କ ହେଲିକପ୍ଟର ତାମିଲନାଡୁର ଏକ ଅଭୟାରଣ୍ୟରେ ଜରୁରୀ ଅବତରଣ କରିଛି । ଆଜି (ବୁଧବାର) ସକାଳେ ତାମିଲନାଡୁର ଆଦିବାସୀ ବହୁଳ ଏରୋଡେ ଜିଲ୍ଲାର ସତ୍ୟମଙ୍ଗଲମ ଟାଇଗର ରିଜର୍ଭ ଏରିଆରେ ହେଲିକପ୍ଟରଟି ଜରୁରୀ ଅବତରଣ କରିଛି । ହେଲିକପ୍ଟରରେ ରବିଶଙ୍କରଙ୍କ ବ୍ୟତୀତ ଅନ୍ୟ କିଛି ସହଯୋଗୀ ମଧ୍ୟ ଥିଲେ । ସମସ୍ତେ ସୁରକ୍ଷିତ ଅଛନ୍ତି । କୌଣସି ଯାନ୍ତ୍ରିକ ତ୍ରୁଟି ନୁହେଁ ବରଂ ଏହା ପ୍ରତିକୂଳ ପାଗ ଯୋଗୁ ହୋଇଥିବା ସୂଚନା ମିଳିଛି । ହେଲିକପ୍ଟରଟି ସ୍ଥାନୀୟ ସତ୍ୟମଙ୍ଗଳମ ଟାଇଗର ରିଜର୍ଭ ଅନ୍ତର୍ଗତ ୟୁକିନିୟମ ଜଙ୍ଗଲରେ ଏକ ଖୋଲା ସ୍ଥାନରେ ଅବତରଣ କରିଥିଲା । ଖବର ପାଇ ସ୍ଥାନୀୟ କଦମ୍ବୁର ପୋଲିସ ଓ ପ୍ରଶାସନର କିଛି ଅଧିକାରୀ ଘଟଣାସ୍ଥଳରେ ପହଞ୍ଚିଥିଲେ ।

• Tamil Nadu | A helicopter carrying Art of Living's Sri Sri Ravi Shankar and four others made an emergency landing due to bad weather at Sathyamangalam in Erode today morning. All passengers safe. The helicopter took off after 50 minutes once the weather cleared. pic.twitter.com/KiQJ30irUn

  — ANI (@ANI) January 25, 2023 " class="align-text-top noRightClick twitterSection" data="

  Tamil Nadu | A helicopter carrying Art of Living's Sri Sri Ravi Shankar and four others made an emergency landing due to bad weather at Sathyamangalam in Erode today morning. All passengers safe. The helicopter took off after 50 minutes once the weather cleared. pic.twitter.com/KiQJ30irUn

  — ANI (@ANI) January 25, 2023

  ">

  Tamil Nadu | A helicopter carrying Art of Living's Sri Sri Ravi Shankar and four others made an emergency landing due to bad weather at Sathyamangalam in Erode today morning. All passengers safe. The helicopter took off after 50 minutes once the weather cleared. pic.twitter.com/KiQJ30irUn

  — ANI (@ANI) January 25, 2023

ସୂଚନା ଅନୁସାରେ ଶ୍ରୀ ଶ୍ରୀ ରବିଶଙ୍କର ଏକ ଘରୋଇ ହେଲିକପ୍ଟରରେ ବେଙ୍ଗାଲୁରୁରୁ ତାମିଲନାଡୁର ତିରିପୁର ଅଭିମୁଖେ ଉଡାଣ ଭରିଥିଲେ । ହେଲିକପ୍ଟରରେ ପାଇଲଟଙ୍କ ବ୍ୟତୀତ ଶ୍ରୀ ଶ୍ରୀଙ୍କ ସମତେ ତାଙ୍କର ଦୁଇ ସହଯୋଗୀ ମଧ୍ୟ ଥିଲେ । ତେବେ ପୂର୍ବାହ୍ନ ପ୍ରାୟ 10.45 ରେ ହେଲିକପ୍ଟରଟି ଏସଟିଆର ଉପରେ ଉଡୁଥିବା ବେଳେ ଖରାପ ପାଗ ଯୋଗୁ ଏହାକୁ ଆଗକୁ ଉଡାଇବା ବପଜ୍ଜନକ ଅନୁଭବ କରିଥିଲେ ପାଇଲଟ । ତେଣୁ ସେ ଅବତରଣ କରିବା ପାଇଁ ନିଷ୍ପତ୍ତି ନେଇଥିଲେ । ହେଲିକପ୍ଟରଟି ସ୍ଥାନୀୟ ସତ୍ୟମଙ୍ଗଳମ ଟାଇଗର ରିଜର୍ଭ ଅନ୍ତର୍ଗତ ୟୁକିନିୟମ ଜଙ୍ଗଲରେ ଏକ ଖୋଲା ସ୍ଥାନରେ ଅବତରଣ କରିଥିଲା । ପୋଲିସ ଓ ପ୍ରଶାସନର ଅଧିକାରୀଙ୍କ ସହ କିଛି ସ୍ଥାନୀୟ ରାଜନେତା ମଧ୍ୟ ଉକ୍ତ ସ୍ଥାନରେ ପହଞ୍ଚିଥିଲେ । ହେଲିକପ୍ଟରଟି ସୁରକ୍ଷିତ ଅବତରଣ କରିଥିବା ବେଳେ କିଛି ସମୟ ଘଣ୍ଟା ବ୍ୟବଧାନରେ ପାଗରେ ସୁଧାର ଆସିଥିଲା । ପ୍ରାୟ ଏକଘଣ୍ଟା ଅପେକ୍ଷା କରିବା ପରେ 11.30 ରେ ହେଲିକପ୍ଟରଟି ପୁନର୍ବାର ଗନ୍ତବ୍ୟସ୍ଥଳ ଅଭିମୁଖେ ଉଡାଣ ଭରିଥିଲା ।

ଖରାପ ପାଗ କାରଣରୁ ପୂର୍ବତନ ତଥା ପ୍ରଥମ ପ୍ରତିରକ୍ଷା ପ୍ରମୁଖ ଜେନେରାଲ ବିପିନ ରାଓ୍ବତଙ୍କ ହେଲିକପ୍ଟର ମଧ୍ୟ ତାମିଲନାଡୁରେ ଦୁର୍ଘଟଣାଗ୍ରସ୍ତ ହୋଇଥିଲା । ସିଡିଏସ ଦମ୍ପତିଙ୍କ ସମେତ ମୋଟ 14ଜଣଙ୍କୁ ନେଇ ଯାଉଥିବା ଭାରତୀୟ ବାୟୁସେନାର ଏମ.ଆଇ-17 ହେଲିକପ୍ଟରଟି ପ୍ରତିକୂଳ ପାଗ ଓ ଲୋଭିଜିବିଲିଟି କାରଣରୁ କ୍ରାସ ହୋଇ ଏକ ଜଙ୍ଗଲରେ ଖସି ପଡିଥିଲା । ଏଥିରେ ସମସ୍ତ 14 ଜଣ ପ୍ରାଣ ହରାଇଥିଲା । ପ୍ରତିକୂଳ ପାଗ ହେଲିକପ୍ଟର ଉଡାଣରେ ଏକ ପ୍ରମୁଖ ଆହ୍ବାନ ସୃଷ୍ଟି କରିଆସିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ