ହାଇଦ୍ରାବାଦ: ସାତ ଜନ୍ମ ପାଇଁ ମୁଁ ତୋର ଆଉ ତୁ ମୋର । ଜୀବନରେ ଯେତେ ଝଡ ତୋଫାନ ଆସୁ ତୁ ମୋତେ କେବେ ବି କରିବୁନି ପର, ଅଧାବାଟରେ ଛାଡିବୁନି ହାତ । ଏମିତି କେତେ କଣ ମନର ଅକୁହା କଥାକୁ ଆଜି ଦିନର ମୌକା ନେଇ ପ୍ରେମୀମାନେ କହିଦିଅନ୍ତି ନିଜ ମନର ମଣିଷକୁ । ତେବେ ଏ ପ୍ରତିଶୃତି ଦିବସଟି ଖାଲି ପ୍ରେମୀଙ୍କ ପାଇଁ ନକହି ଦୁନିଆର ସମସ୍ତ ସମ୍ପର୍କ ପାଇଁ କହିଲେ ବି ଅତ୍ୟୁକ୍ତି ହେବ ନାହିଁ । ସ୍ବାମୀ-ସ୍ତ୍ରୀ, ବାପା-ଝିଅ, ମା-ପୁଅ, ଭାଇ-ଭଉଣୀ ଅବା ସାଙ୍ଗ-ସାଥୀ ସବୁ ସମ୍ପର୍କର ଗାଡି ଆଗେଇନେବାକୁ ବା ଦୃଢ କରିବାକୁ ଆମେ ହୋଇଥାଉ ପ୍ରତିଶୃତିବଦ୍ଧ ।
ତେଣୁ ଆଜିର ଏହି ସ୍ପେଶାଲ ଦିନରେ ସୁଖ ହେଉ ଅବା ଦୁଃଖ ସବୁ ପରିସ୍ଥିତିରେ ନିଜ ମଣିଷ ସାଥ୍ ଦେବାକୁ ସମସ୍ତେ ନେବେ ଶପଥ । ପରୋକ୍ଷରେ ହେଉ ଅବା ପ୍ରତ୍ୟକ୍ଷରେ ପ୍ରେମକୁ ସୁଦୃଢ କରିବାକୁ ଆଉ ଏକ ଚେଷ୍ଟା କରିବେ ପ୍ରେମୀ । ଆଉ ଏହି ଦିନକୁ ସେଲିବ୍ରେଟ କରିବାକୁ ବିଭିନ୍ନ ପ୍ରକାରର ପନ୍ଥା ଆପଣାଇବେ ପ୍ରେମୀ ଯୁଗଳ । କୌଣସି ଏକ ସୁନ୍ଦର ସ୍ଥାନକୁ ଯାଇ ତ, କେଉଁ ଭିନ୍ନ ଉପାୟରେ ସରପ୍ରାଇଜ ଦେଇ ସେଲିବ୍ରେଟ କରିବେ ଏହି ଦିନ । ଏବେ ଫୋନ ହେଉଛି ଆଉ ଏକ ଉପାୟ । ଯାହା ମାଧ୍ୟମରେ ଫୋନରେ ସୁନ୍ଦର ଭିଡିଓ କରି ତ ସୋସିଆଲ ମିଡିଆରେ ପୋଷ୍ଟ କରି ଶପଥ ନେବେ ।