ଗାନ୍ଧୀନଗର: ଗୁଜୁରାଟ ମହାନଗର ନିଗମ ନିର୍ବାଚନ ପାଇଁ ଜାରି ରହିଛି ମତଗଣନା । ସମସ୍ତ 6ଟି ମହାନଗର ନିଗମରେ ପୁଣି ଥରେ ବିଜୟ ଧ୍ବଜା ଉଡାଇବାକୁ ଯାଉଛି ଭାରତୀୟ ଜନତା ପାର୍ଟି । ସେହିପରି ଗୁଜୁରାଟର ପୌରପାଳିକା ନିର୍ବାଚନରେ ଆମ ଆଦମୀ ପାର୍ଟିର ଗୃହ ପ୍ରବେଶ ହୋଇସାରିଥିବା ବେଳେ ସୁରଟରେ ଦଳ 8ଟି ଆସନରେ ବିଜୟ ହାସଲ କରିଛି ।
ବର୍ତ୍ତମାନର ଟ୍ରେଣ୍ଡ ଅନୁଯାୟୀ ଅହମଦାବାଦରେ ବିଜେପି 80ଟି ଆସନରେ ଆଗୁଆ ଥିବା ବେଳେ କଂଗ୍ରେସ 15ଟି ଆସନରେ ଲିଡ୍ କରୁଛି । ସେହିପରି ଜାମଗରରେ ବିଜେପି 26 ସିଟ ଓ କଂଗ୍ରେସ 7 ଆସନରେ ଆଗୁଆ ଅଛି । ରାଜକୋଟରେ ବିଜେପି 30 ଓ କଂଗ୍ରେସ 8 ଆସନ ଆଗରେ ଅଛି । ସୁରଟରେ ବିଜେପି 45 ଓ କଂଗ୍ରେସ 10 ଆସନରେ ଆଗୁଆ ଅଛି । ସେପଟେ ଭଦୋଦରାରରେ ବିଜେପି 30 ଓ କଂଗ୍ରେସ 8ଟି ସିଟରେ ଆଗୁଆ ଥିବା ଜଣାପଡିଛି ।
ଅନ୍ୟପକ୍ଷେ ସୁରଟରେ ଆମ ଆଦମୀ ପାର୍ଟି 16ଟି ଆସନରେ ଆଗୁଆ ଥାଇ ଦ୍ବିତୀୟ ବୃହତ ଦଳ ହୋଇ ଉଭା ହୋଇଛି । ରାଜକୋଟରେ 72 ସିଟରେ ବିଜେପି ବିଜୟ ହାସଲ କରିସାରିଥିବା ବେଳେ 24 ସିଟରେ ଆଗୁଆ ରହିଛି ଦଳ ।
