ଶ୍ରୀନଗର: କଶ୍ମୀର ଅନନ୍ତନାଗ ଜିଲ୍ଲାରେ ନିଖୋଜ ଥିବା ଟ୍ୟୁରିଷ୍ଟ ଗାଇଡଙ୍କର ମୃତଦେହ ଠାବ କରାଯାଇଛି । ଅନ୍ୟ ଜଣେ ନିଖୋଜ ପର୍ଯ୍ୟଟକଙ୍କର ଏବେ ଯାଏ କୌଣସି ପତ୍ତା ମିଳି ପାରିନାହିଁ । ଗତକାଲି 11 ପର୍ଯ୍ୟଟକଙ୍କ ସମେତ 3 ଗାଇଡଙ୍କୁ ମିଶାଇ ମୋଟ 14 ଜଣ ନିଖୋଜ ହୋଇଥିଲେ । ପରବର୍ତ୍ତୀ ସମୟରେ 10 ପର୍ଯ୍ୟଟକ ଓ 2 ଗାଇଡଙ୍କୁ ଠାବ କରିଥିଲା ଉଦ୍ଧାରକାରୀ ଟିମ । ଅନ୍ୟ ଦୁଇ ଜଣ ନିଖୋଜଙ୍କ ସର୍ଚ୍ଚ ପ୍ରକ୍ରିୟା ଜାରି ରହିଥିଲା । ଆଜି ନିଖୋଜ ଗାଇଡଙ୍କ ମୃତଦେହ ଠାବ ହୋଇଛି ।
ମୃତଦେହ ଉଦ୍ଧାର ହୋଇଥିବା ଗାଇଡଙ୍କ ନାମ ସକିଲ ଅହମ୍ମଦ ଓ ଏବେ ବି ନିଖୋଜ ଥିବା ଅନ୍ୟ ଜଣେ ପର୍ଯ୍ୟଟକଙ୍କ ନାମ ମହେଶ ବୋଲି ସ୍ପଷ୍ଟ ହୋଇଛି । ମହେଶ ସ୍ଥାନୀୟ ବାସିନ୍ଦା । ଏବ ବି ମହେଶଙ୍କୁ ଠାବ କରିବା ପାଇଁ ସର୍ଚ୍ଚ ଅପରେସନ ଜାରି ରଖିଛି ଉଦ୍ଧରକାରୀ ଟିମ । ତାପମାତ୍ରା ହ୍ରାସ ଓ ପ୍ରବଳ ତୁଷାରପାତ ଫଳରେ ଟ୍ରାକିଂ ପାଇଁ ଯାଇଥିବା ପର୍ଯ୍ୟଟକମାନେ ଫସି ରହିଥିଲେ । ସେମାନଙ୍କ ସହ ଯୋଗାଯୋଗ ମଧ୍ୟ ହୋଇପାରି ନଥିଲା । ପରେ ସ୍ଥାନୀୟ ପ୍ରଶାସନ ଉଦ୍ଧାର କାର୍ଯ୍ୟ ପାଇଁ ପ୍ରକ୍ରିୟା ଆରମ୍ଭ କରି 12 ଜଣଙ୍କୁ ଉଦ୍ଧାର କରିବାରେ ସଫଳ ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
