ପାଣାଜୀ: ଗୃହମନ୍ତ୍ରୀ ଅମିତ ଶାହାଙ୍କ ସହ କେନ୍ଦ୍ର ଆଦିବାସୀ ମନ୍ତ୍ରୀ ଅର୍ଜୁନ ମୁଣ୍ତାଙ୍କୁ ଆଜି ଭେଟିବେ ଗୋଆର ମୁଖ୍ୟମନ୍ତ୍ରୀ ଡକ୍ଟର ପ୍ରମୋଦ ସାଓ୍ବନ୍ତ । ଗୋଆରେ ଥିବା ଦଙ୍ଗର ଗୋଷ୍ଠୀକୁ ଆଦିବାସୀ ଶ୍ରେଣୀରେ ଅର୍ନ୍ତଭୁକ୍ତ କରିବା ନେଇ ଆଲୋଚନା କରିବେ ପ୍ରମୋଦଙ୍କ ଏକ ପ୍ରତିନିଧି ଦଳ । ଦଙ୍ଗର ଗୋଷ୍ଠୀ ଆଦିବାସୀ ଶ୍ରେଣୀରେ ସାମିଲ ହେଲେ କେନ୍ଦ୍ର ସରକାରଙ୍କର ଆଦିବାସୀ ମାନଙ୍କ ପାଇଁ ଥିବା ସମସ୍ତ ଯୋଜନାରେ ଲାଭବାନ ହେବେ ।
ଏହି ଗୋଷ୍ଠୀ ଆଦିବାସୀ ଶ୍ରେଣୀରେ ସାମିଲ ହେବା ନେଇ ଦୀର୍ଘ ଦିନଧରି ଦାବି ହୋଇ ଆସୁଥିଲା । ଯାହାକୁ ନେଇ ଦୀର୍ଘ ଦିନ ପରେ ଆଜି ଗୋଆ ମୁଖ୍ୟମନ୍ତ୍ରୀ କେନ୍ଦ୍ର ଆଦିବାସୀ ମନ୍ତ୍ରୀଙ୍କୁ ଭେଟିବାର କାର୍ଯ୍ୟକ୍ରମ ରହିଛି ।ଏନେଇ ଗୋଆ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ତରଫରୁ ଏକ ବିଜ୍ଞପ୍ତି ପ୍ରକାଶ ପାଇଛି ।
ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତଙ୍କ ନେତୃତ୍ବରେ ଏହି ପ୍ରତିନିଧି ଦଳରେ ଉପମୁଖ୍ୟମନ୍ତ୍ରୀ ବାବୁ କଭଲେକର ଏବଂ ନଗର ଉନ୍ନୟନ ମନ୍ତ୍ରୀ ମିଲିନ୍ଦ ନାଏକ ଏବଂ ବାଚସ୍ପତି ରାଜେଶ ପାଟନେକର ରହିଛନ୍ତି । ଏହା ବ୍ୟତୀତ କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରୀ ନୀତିନ ଗଡକରୀଙ୍କୁ ଭେଟିବାର କାର୍ଯ୍ୟକ୍ରମ ରହିଛି । ମୁଖ୍ୟମନ୍ତ୍ରୀଙ୍କ ସମେତ ପିଡବ୍ଲ୍ୟୁଡି ମନ୍ତ୍ରୀ ଦୀପକ ପାଉସର, ମନ୍ତ୍ରୀ ମିଲିନ୍ଦ ନାଏକ ଗଡକରୀଙ୍କୁ ଭେଟି ଗୋଆରେ ଜାତୀୟ ରାଜପଥ ପ୍ରକଳ୍ପ ସହ ଜଡିତ ସମସ୍ତ ପ୍ରସଙ୍ଗ ଉପରେ ଆଲୋଚନା କରିବେ।
@ANI
