ପାନାଜୀ: ଗୋଆରେ ଆରମ୍ଭ ହୋଇଛି ବିଜେପି ବିଧାୟକ ଦଳ ବୈଠକ । ବସିଥିବା ବୈଠକରେ ଲାଗି ରହିଥିବା ମୁଖ୍ୟମନ୍ତ୍ରୀ ଦ୍ବନ୍ଦ ନେଇ ଚିତ୍ର ସ୍ପଷ୍ଟ ହେବା ନେଇ ଆଶା କରାଯାଉଛି । କିଛି ସମୟ ପୂର୍ବରୁ ବର୍ତ୍ତମାନର କାମଚଳା ମୁଖ୍ୟମନ୍ତ୍ରୀ ପ୍ରମୋଦ ସାଓ୍ବନ୍ତ ଦଳୀୟ କାର୍ଯ୍ୟାଳୟରେ ପହଞ୍ଚିଛନ୍ତି ।
-
Goa | Caretaker CM Pramod Sawant reach party office, ahead of BJP's legislature party meeting today. pic.twitter.com/aGOD1tMHB7
— ANI (@ANI) March 21, 2022 " class="align-text-top noRightClick twitterSection" data="
">Goa | Caretaker CM Pramod Sawant reach party office, ahead of BJP's legislature party meeting today. pic.twitter.com/aGOD1tMHB7
— ANI (@ANI) March 21, 2022Goa | Caretaker CM Pramod Sawant reach party office, ahead of BJP's legislature party meeting today. pic.twitter.com/aGOD1tMHB7
— ANI (@ANI) March 21, 2022
ଆଜିର ଏହି ବୈଠକରେ ଗୋଆ ବିଜେପି ଅଧ୍ୟକ୍ଷ ସଦାନନ୍ଦ ତାତାଭଡେ, କେନ୍ଦ୍ରୀୟ ପର୍ଯ୍ୟବେକ୍ଷକ ଦାୟିତ୍ବରେ ଥିବା କେନ୍ଦ୍ରମନ୍ତ୍ରୀ ନରେନ୍ଦ୍ର ସିଂ ତୋମାର ଓ ଏଲ.ମୁରୁଗନଙ୍କ ସମତେ କାମଚଳା ମୁଖ୍ୟମନ୍ତ୍ରୀ ପ୍ରମୋଦ ସାଓ୍ବନ୍ତଙ୍କ ସହ ଅନ୍ୟ ସମସ୍ତ ନିର୍ବାଚିତ ବିଧାୟକମାନେ ମଧ୍ୟ ଉପସ୍ଥିତ ରହିଛନ୍ତି ।
ତେବେ ନିର୍ବାଚନରେ ବହୁମତ ମିଳିବା ପରେ ବିଜେପି ସରକାର ଗଠନ କରିବା ସ୍ପଷ୍ଟ ହୋଇଥିବାବେଳେ ମୁଖ୍ୟମନ୍ତ୍ରୀ ପଦ ନେଇ ଦ୍ବନ୍ଦ ଆରମ୍ଭ ହୋଇଥିଲା । ଗତଥରର ମୁଖ୍ୟମନ୍ତ୍ରୀ ପ୍ରମୋଦ ସାଓ୍ବନ୍ତ ଦାବିଦାରଙ୍କ ମଧ୍ୟରେ ସର୍ବାଗ୍ରେ ରହିଛନ୍ତି । ତେଣୁ ପ୍ରମୋଦଙ୍କ ନାମରେ ମୋହର ଲାଗିବାର ସର୍ବାଧିକ ସମ୍ଭାବନା ରହିଥିବା ମଧ୍ୟ ଚର୍ଚ୍ଚା ହେଉଛି । ଏହାରି ମଧ୍ୟରେ ବୈଠକ ଆରମ୍ଭ ହୋଇ ସାରିଥିବା ବେଳେ ଆଉ କିଛି ସମୟ ମଧ୍ୟରେ ମୁଖ୍ୟମନ୍ତ୍ରୀ ସସପେନ୍ସରୁ ପରଦା ହଟିବ ।
ତେବେ କିଛି ସମୟ ପୂର୍ବରୁ ମଣିପୁରର ମୁଖ୍ୟମନ୍ତ୍ରୀ ଭାବେ ବୀରେନ ସିଂ ଶପଥ ନେଇଥିବାବେଳେ ଉତ୍ତରାଖଣ୍ଡରେ ପୁଷ୍କର ସିଂ ଧାମି ପରବର୍ତ୍ତୀ ମୁଖ୍ୟମନ୍ତ୍ରୀ ହେବା ନେଇ ମଧ୍ୟ ବିଜେପି ସ୍ପଷ୍ଟ କରିଛି । ବିଜେପି ସରକାର ଗଠନ କରିବାକୁ ଥିବା ରାଜ୍ୟମାନଙ୍କରେ ଲାଗି ରହିଥିବା ମୁଖ୍ୟମନ୍ତ୍ରୀ ଦ୍ବନ୍ଦର ଅବସାନ ଘଟିସାରିଥିବା ବେଳେ କେବଳ ଗୋଆର ଚୂଡାନ୍ତ ନିଷ୍ପତ୍ତି ଆସିବା ବାକି ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
