ଚଣ୍ଡିଗଡ: ପଞ୍ଜାବର ଲୁଧିଆନା ଅଞ୍ଚଳରେ ବଢୁଥିଲା ଲୁଟପାଟ । ଲୋକଙ୍କ ନିଦ ଉଡାଉଥିଲେ ଲୁଟେରା । ପୋଲିସ ଏକ ଲୁଟେରା ଗ୍ୟାଙ୍ଗ ଉପରେ ଚଢାଉ କରି 7ଜଣ ଲୁଟେରାଙ୍କୁ କାବୁ କରିଛି ।
ଗିରଫ ଲୁଟେରା ସହରରେ ଅନେକ ଲୁଟପାଟରେ ସଂପୃକ୍ତ ଥିବା କହିଛି ପଞ୍ଜାବ ପୋଲିସ । ଲୋକଙ୍କୁ ବନ୍ଧୁକ ମୁନରେ ଭୟ ଦେଖାଇ ଲୁଟ କରୁଥିଲେ । ଗିରଫ ଲୁଟେରା ସହରରେ 45ଟି ଜାଗାରେ ଲୁଟ କରିଥିବା ନେଇ ସ୍ବୀକାର କରିଛନ୍ତି । ବିଭିନ୍ନ ଜାଗାରେ ଲୁଟ କରି ଲୋକଙ୍କ ନିଦ ଉଡାଇଥିଲେ ଲୁଟେରା ।
ସେମାନଙ୍କୁ କାବୁ କରିବା ପୋଲିସ ପାଇଁ ଏକ ଚ୍ୟାଲେଞ୍ଜ ହୋଇଥିଲା । ବୁଧବାର ପୋଲିସ ଏକ ଲୁଟେରା ଗ୍ୟାଙ୍ଗ ଉପରେ ଚଢାଉ କରିଥିଲା । ଚଢାଉରେ ସାତଜଣ ଲୁଟେରାଙ୍କୁ ଧରିବାରେ ସଫଳ ହୋଇଛି ପୋଲିସ । ଗିରଫ ପରେ ସେମାନଙ୍କଠାରୁ ଗୋଟିଏ ବନ୍ଧୁକ, ଚାରିଟି ଧାରୁଆ ମାରଣାସ୍ତ୍ର,ଛଅଟି ବାଇକ ଓ ସାତଟି ମୋବାଇଲ ଫୋନ ଜବତ ହୋଇଥିବା କହିଛନ୍ତି ଲୁଧିଆନା ପୋଲିସ କମିଶନର ରାକେଶ ଅଗ୍ରୱାଲ ।
ସେ ଆହୁରି କହିଛନ୍ତି,ସେମାନେ ଆଗରୁ ଲୁଟ ଘଟଣାରେ ଗିରଫ ହୋଇ ଜେଲ ଯାଇଥିଲେ । ବେଲରେ ଆସି ପୁଣି ସହରରେ ଲୁଟପାଟ କରୁଥିଲେ ।
@ANI
