ଚଣ୍ଡିଗଡ଼: ହରିୟାଣା ପୋଲିସକୁ ବଡ ସଫଳତା । ଧରାପଡିଲେ ୪ ସନ୍ଦିଗ୍ଧ ଆତଙ୍କବାଦୀ । ପଞ୍ଜାବ ହରିୟାଣା କର୍ଣ୍ଣାଲରୁ ଏମାନଙ୍କୁ ଗିରଫ କରିଛି IB । ସେମାନଙ୍କ ନିକଟରୁ ବିପୁଳ ପରିମାଣର ଗୋଳାବାରୁଦ ସହ ବନ୍ଧୁକ ଜବତ କରାଯାଇଛି । ଏହା ସହ ଏକ ବାରୁଦ ଭର୍ତ୍ତି କଣ୍ଟେନର ମଧ୍ୟ ଜବତ ହୋଇଛି ।
ବର୍ତ୍ତମାନ କର୍ଣ୍ଣାଲ ପୋଲିସର ଏକ ଟିମ୍ ମାମଲାର ତଦନ୍ତର କରୁଛି । ପୋଲିସର କହିବା ଅନୁଯାୟୀ, ଏହି ଆତଙ୍କବାଦୀମାନେ ଅନେକ ସ୍ଥାନରେ ବଡ଼ ଧରଣର ବିସ୍ଫୋରଣ ଘଟାଇବା ପାଇଁ ଷଡଯନ୍ତ୍ର ଚରିଥିଲେ । ଗିରଫ ସମସ୍ତ ସନ୍ଦଗ୍ଧଙ୍କ ନାମ ଗୁରୁପ୍ରୀତ, ଅମାନଦୀପ, ପରମିନ୍ଦର, ଏବଂ ଭୁପିନ୍ଦେ ହୋଇଥିବା ବେଳେ ସମସ୍ତେ ପଞ୍ଜାବର ବାସିନ୍ଦା ଅଟନ୍ତି ।
ଏମାନଙ୍କୁ ଧରିବା ପାଇଁ ଇଣ୍ଟେଲିଜେନ୍ସ ବ୍ୟୁରୋ ପଞ୍ଜାବ ପୁଲିସ ଏବଂ ହରିୟାଣା ପୁଲିସ ମିଳିତ ଭାବେ ଅପରେସନ୍ ଚଳାଇଥିଲା । ଆଜି(ଶୁକ୍ରବାର) ସକାଳେ ଦିଲ୍ଲୀ ଅଭିମୁଖେ ଯାଉଥିବା ବେଳେ କରନାଲ ଟୋଲ ପ୍ଲାଜା ନିକଟରେ ପୋଲିସ ଲଗାଇଥିବା ବ୍ୟାରିକେଟରେ ଧରାପଡିଛନ୍ତି ।
