ଶ୍ରୀନଗର: ଜମ୍ମୁ କାଶ୍ମୀରର ଅପନି ପାର୍ଟି(JKAP)ରେ ସାମିଲ ହୋଇଛନ୍ତି ପୂର୍ବତନ ବିଜେପି ରାଜ୍ୟ ଉପସଭାପତି ଦାନିଶ ଇକବାଲ । ନିକଟରେ ଜମ୍ମୁ କାଶ୍ମୀର ବିକାଶ ପରିଷଦ ତଥା ଡିଡିସି ନିର୍ବାଚନରେ ବନିହାଲରୁ ସ୍ବାଧିନ ପ୍ରାର୍ଥୀ ଭାବରେ ଲଢିଥିବା ଇକବାଲ ସୋମବାର ନିଜର ଅନେକ ସମର୍ଥକଙ୍କ ସହ ଅପନି ପାର୍ଟିରେ ଯୋଗ ଦେଇଥିବା ଦଳର ମୁଖପାତ୍ର ତଥା ପୂର୍ବତନମନ୍ତ୍ରୀ ମହମ୍ମଦ ଦିଲୱାର ମୀର ସୂଚନା ଦେଇଛନ୍ତି ।
ଅପନି ପାର୍ଟିରେ ସାମିଲ ହେବା ପରେ ଇକବାଲ କହିଛନ୍ତି, ସେ ଓ ତାଙ୍କ ସମର୍ଥକ ଘାଟିର ପଛୁଆ ଅଞ୍ଚଳରେ ସମସ୍ୟା ବିଷୟରେ ସ୍ବର ଉତ୍ତୋଳନ କରିବେ । ବିକାଶ ଏବଂ ପ୍ରାଗତୀର ରାଜନୀତି କ୍ଷେତ୍ରରେ ଅପନି ପାର୍ଟିର ଦୃଷ୍ଟିକୋଣ ସହ କାର୍ଯ୍ୟ କରିବାକୁ ସେ ଆହୁରି ଅନେକ ଲୋକଙ୍କୁ ପ୍ରେରଣା ଦେବେ ବୋଲି ମୀର ଆତ୍ମବିଶ୍ୱାସ ପ୍ରକାଶ କରିଛନ୍ତି ।
