ବେଙ୍ଗାଲୁର: କର୍ଣ୍ଣାଟକରେ ମର୍ମନ୍ତୁଦ ସଡକ ଦୁର୍ଘଟଣା । ଟ୍ରକ-ଅଟୋ ମୁହାଁମୁହିଁ ଧକ୍କାରେ ଘଟଣାସ୍ଥଳରେ ଗୋଟିଏ ପରିବାରର ୫ ମୃତ । ଏଭଳି ଅଭାବନୀୟ ଘଟଣା ଘଟିଛି କର୍ଣ୍ଣାଟକର ମାଣ୍ଡିଆ ଜିଲ୍ଲାରେ । ଦୁର୍ଘଟଣାରେ ୨ ଶିଶୁଙ୍କ ସମେତ ୫ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ମୃତକମାନେ ହେଉଛନ୍ତି ବାନ୍ଦୁର ଗ୍ରାମପଞ୍ଚାୟତର ମୁତାମ୍ମା ତାଙ୍କ ଝିଅ ବାସାମମାନି, ପୁଅ ଦାଦାପୁରା ଭେଙ୍ଗଟେଶ , ତାଙ୍କ ନାତୁଣୀ ଚାମୁଣ୍ଡେଶ୍ବରୀ ଓ ଜଣେ ୨ ବର୍ଷର ଶିଶୁ ।
ସୂଚନାଅନୁଯାୟୀ ଟ୍ରକଟି ମାଲାୱାଲୀରୁ ମଦଦୁର ପଟକୁ ଆସୁଥିବା ବେଳେ ଅଟୋଟି ବିପରୀତ ଦିଗରୁ ଆସୁଥିବାରୁ ମୁହାଁମୁହିଁ ଧକ୍କା ହୋଇଥିଲା । ଫଳରେ ଅଟୋଚି ଟ୍ରକ ତଳେ ଚାପି ହୋଇଯାଇଥିଲା । ତେବେ ୩ ଜଣଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ୨ ଜଣଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଥିଲା । ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ଏନେଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
