ନୂଆଦିଲ୍ଲୀ: ରାଜଧାନୀ ଦିଲ୍ଲୀର ବୱାନ ଅଞ୍ଚଳସ୍ଥିତ ଜେଜେ କଲୋନୀରେ ଭୟାବହ ଅଗ୍ନିକାଣ୍ଡ । ଅଗ୍ନିକାଣ୍ଡରେ 200 ବସ୍ତି ପୋଡି ପାଉଁଶ ହୋଇଯାଇଛି । ଘଟଣାସ୍ଥଳରେ 15ଟି ଦମକଳ ବାହିନୀ ମୁତୟନ ଅଛନ୍ତି । ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି ।
ସୂଚନାଯୋଗ୍ୟ ମଙ୍ଗଳବାର ଅପରାହ୍ନରେ ଜେଜେ କଲୋନୀରେ ହଠାତ୍ ନିଆଁ ଲାଗିଥିଲା । ଏହି ନିଆଁରେ ପ୍ରାୟ 200 ବସ୍ତି ଭସ୍ମୀଭୂତ ହୋଇଯାଇଛି । ନିଆଁ ଲାଗିବା ମାତ୍ରେ ଏହାକୁ ଆୟତ୍ତ କରାଯାଇଥିବାରୁ ଆଖପାଖରେ ଥିବା ହଜାର ହଜାର ବସ୍ତିକୁ ଅଗ୍ନିକାଣ୍ଡରୁ ରକ୍ଷା କରାଯାଇ ପାରିଛି । ନିଆଁରେ ବସ୍ତିବାସିନ୍ଦାଙ୍କ ଖାଦ୍ୟ ବସ୍ତ୍ର ସମେତ ସମସ୍ତ ଆସବାବପତ୍ର ପୋଡି ଜଳି ପାଉଁଶ ହୋଇଯାଇଛି ।
ବିପର୍ଯ୍ୟୟ ପରିଚାଳନା ବିଭାଗ ସହ ଦିଲ୍ଲୀ ପୋଲିସ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରୁଛନ୍ତି । ଅଗ୍ନିବିପନ୍ନଙ୍କୁ ଥଇଥାନ ପାଇଁ ନିବେଦନ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
