ଚଣ୍ଡିଗଡ଼: ଆମେରିକା ଯିବା ଲାଗି ଭିସା ମିଳି ଖୁସିରେ ଆତ୍ମବିଭୋର ହୋଇଥିଲେ ଯୁବକ । ମାତ୍ର ଏହି ଖୁସି ବେଶି ସମୟ ରହିନଥିଲା । ଅତ୍ୟଧିକ ଉତ୍ସାହିତ ହୋଇଯିବା ପରେ ତାଙ୍କର ହୃଦଘାତରେ ମୃତ୍ୟୁ ଘଟିଛି (Youth dies of cardiac arrest after US VISA approved) । ଏଭଳି ଅଭାବନୀୟ ଘଟଣା ପଞ୍ଜାବ ଲେହରାଗାଗା ଅଞ୍ଚଳରେ ରବିବାର ଘଟିଛି ।
ମୃତ ଯୁବକଙ୍କ ନାମ ରଞ୍ଜୋଧ ସିଂ ବୋଲି ଜଣାପଡ଼ିଛି । ମୃତକଙ୍କ ପିତାଙ୍କ କହିବାନୁସାରେ ଆମେରିକାରେ ପାଠ ପଢିବା ଲାଗି ଛାତ୍ର ଜଣକ ସ୍ବପ୍ନ ଦେଖିଥିଲେ । ଏଥିଲାଗି ସେ ଭିସା ପାଇଁ ମଧ୍ୟ ଆବେଦନ କରିଥିଲେ । ଆସନ୍ତା ୨୪ ତାରିଖରେ ଆମେରିକା ଯିବା ଲାଗି ତାଙ୍କର ବିମାନ ରହିଥିଲା । ଏଥିଲାଗି ସେ ବେଶ ଖୁସି ଥିଲେ । ସାଙ୍ଗସାଥୀଙ୍କ ଲାଗି ପାର୍ଟିର ମଧ୍ୟ ଆୟୋଜନ କରିଥିଲେ । ଏହାପରେ ସେ ପଟିଆଲା ଜିନିଷ କିଣାକିଣି କରିବା ଲାଗି ଆସିଥିବା ବେଳେ ସେ ହୃଦଘାତ ଶିକାର ହୋଇଥିଲେ ।
ଏହା ବି ପଢନ୍ତୁ- ପୁଣି ବିହାରରେ ଭୁଶୁଡି଼ଲା ପୋଲ, ଉଦଘାଟନ ପୂର୍ବରୁ ନଦୀରେ ଭାସିଗଲା ୧୩କୋଟି
ଏହାପରେ ସଙ୍ଗେ ସଙ୍ଗେ ରଞ୍ଜୋଧଙ୍କୁ ହସ୍ପିଟାଲ ନିଆଯାଇଥିଲା । ମାତ୍ର ଡାକ୍ତର ସେଠାରେ ତାଙ୍କୁ ମୃତ ଘୋଷିତ କରିଥିଲେ । ଡାକ୍ତରଙ୍କ କହିବାନୁସାରେ ମୃତ ଯୁବକ ଜଣକ ଅତ୍ୟଧିକ ଖୁସି ସହ୍ୟ କରିପାରିନଥିଲେ । ଯାହାଦ୍ବାରା ସେ ହୃଦଘାତର ଶିକାର ହୋଇଛନ୍ତି । ଏଭଳି ଘଟଣା ହଜାରେ ଜଣଙ୍କ ମଧ୍ୟରେ ଜଣଙ୍କଠାରେ ଦେଖିବାକୁ ମିଳିଥାଏ ।
