ଅମରାବତୀ: ମାଡ୍ରାସର ପୂର୍ବତନ ବିଚାରପତି ବି. କନାଗରାଜ ରବିବାର ଆନ୍ଧ୍ରପ୍ରଦେଶ ପୋଲିସ ଅଭିଯୋଗ ପ୍ରାଧିକରଣର ଅଧ୍ୟକ୍ଷ ଭାବେ ନିଯୁକ୍ତ ହୋଇଛନ୍ତି । ପୂର୍ବରୁ ସୁପ୍ରିମକୋର୍ଟଙ୍କ ଆଦେଶ ଅନୁସାରେ ତାଙ୍କୁ ଆନ୍ଧ୍ରପ୍ରଦେଶ ନିର୍ବାଚନ ଆୟୋଗ ପଦରୁ ହଟାଯାଇଥିଲା । ତେବେ ପ୍ରାୟ 1 ବର୍ଷ ପରେ ତାଙ୍କୁ ଆନ୍ଧ୍ରପ୍ରଦେଶ ପୋଲିସ ଅଭିଯୋଗ ପ୍ରାଧିକରଣର ଅଧ୍ୟକ୍ଷ ଭାବେ ନିଯୁକ୍ତି ମିଳିଛି ।
ରାଜ୍ୟର ୱାଇ.ଏସ ଜଗନ ମୋହନ ରେଡ୍ଡୀ ସରକାର ଗତ ବର୍ଷ ଅକ୍ଟୋବରରେ କନାଗରାଜଙ୍କୁ ନୂତନ ପଦବୀରେ ନିଯୁକ୍ତ କରିବା ପାଇଁ କରିଥିବା ନିୟମକୁ ସଂଶୋଧନ କରିଥିଲେ । ଆନ୍ଧ୍ରପ୍ରଦେଶ ରାଜ୍ୟ ସ୍ତରୀୟ ପୋଲିସ ଅଭିଯୋଗ ପ୍ରାଧିକରଣ (ପ୍ରଶାସନ ଏବଂ ପ୍ରକ୍ରିୟା) ନିୟମ 2020 ଅନୁଯାୟୀ, କେବଳ 65 ବର୍ଷ ବୟସର ବ୍ୟକ୍ତି ଏହି ପ୍ରାଧିକରଣର ନେତୃତ୍ବ ନେବାକୁ ଯୋଗ୍ୟ ଅଟନ୍ତି। ବିଚାରପତି କନାଗରାଜ 20 ବର୍ଷ ପୂର୍ବେ ଏହି ବୟସ ସୀମା ଅତିକ୍ରମ କରିସାରିଛନ୍ତି । ଏଣୁ ତାଙ୍କୁ ଏହି ପଦରେ ନିଯୁକ୍ତି ପାଇଁ ନିୟମ 4 (କ)ରେ ସଂଶୋଧନ କରିଥିଲେ।
ପୂର୍ବତନ ବିଚାରପତିଙ୍କ ନିଯୁକ୍ତି ସମ୍ପର୍କରେ ମୁଖ୍ୟ ଶାସନ ସଚିବ କୁମାର ବିଶ୍ବଜିତ ନିର୍ଦ୍ଦେଶ ଦେଇଛନ୍ତି ଏବଂ ପରେ କର୍ତ୍ତୃପକ୍ଷଙ୍କ ଅନ୍ୟ 3 ଜଣ ସଦସ୍ୟଙ୍କୁ ନିଯୁକ୍ତ କରାଯିବ ବୋଲି କହିଛନ୍ତି। ଆନ୍ଧ୍ରପ୍ରଦେଶ ରାଜ୍ୟ ପୋଲିସ ଅଭିଯୋଗ ପ୍ରାଧିକରଣ ଅତିରିକ୍ତ ପୋଲିସ ଅଧୀକ୍ଷକ ପଦବୀ ଏବଂ ଏହାର ଉପରିସ୍ଥ ଅଧିକାରୀଙ୍କ ବିରୋଧରେ ହୋଇଥିବା ଅଭିଯୋଗ ଉପରେ ଦୃଷ୍ଟି ଦେବାକୁ ଅନୁମତି ଦିଆଯାଇଛି।
@PTI
