ନୂଆଦିଲ୍ଲୀ: ଭାରତର ପରବର୍ତ୍ତୀ ମୁଖ୍ୟ ନିର୍ବାଚନ କମିସନର ସୁଶୀଲ ଚନ୍ଦ୍ରା । ଆସନ୍ତାକାଲି ସେ ମୁଖ୍ୟ ନିର୍ବାଚନ କମିସନର ଭାବେ ଦାୟିତ୍ବ ଗ୍ରହଣ କରିପାରନ୍ତି । ସିଇସି ପାଇଁ ସବୁଠାରୁ ବରିଷ୍ଠ ଅଧିକାରୀ ଭାବେ ତାଙ୍କୁ ଚୟନ କରାଯାଇଛି । ଏନେଇ ଖୁବଶୀଘ୍ର ଖୁବଶୀଘ୍ର ଏକ ଆଦେଶ ଜାରି ହେବ ।
ବର୍ତ୍ତମାନ ଭାରତର ମୁଖ୍ୟ ନିର୍ବାଚନ କମିସନର ସୁନୀଲ ଅରୋରାଙ୍କ କାର୍ଯ୍ୟକାଳ ଏପ୍ରିଲ 13 ତାରିଖରେ ଶେଷ ହେଉଛି । ତାଙ୍କ ସ୍ଥାନରେ ସୁଶୀଲ ଚନ୍ଦ୍ର ହେବେ ମୁଖ୍ୟ ନିର୍ବାଚନ କମିସନର ।
2019 ମସିହା 14 ଫେବୃୟାରୀରେ ନିର୍ବାଚନ କମିସନର ଭାବେ ନିଯୁକ୍ତ ହୋଇଥିଲେ ସୁଶୀଲ । ପୂର୍ବରୁ ସେ ସିବିଡିଟିର ଅଧ୍ୟକ୍ଷ ରହିଥିଲେ । ମୁଖ୍ୟ ନିର୍ବାଚନ କମିସନର ଭାବେ ସେ 2022 ମସିହା ମାର୍ଚ୍ଚ 14 ତାରିଖ ପର୍ଯ୍ୟନ୍ତ ଦାୟିତ୍ବ ତୁଲାଇବେ ।
ସୁଶୀଲ ଚନ୍ଦ୍ରାଙ୍କ ଅଧୀନରେ ମଣିପୁର, ଉତ୍ତରାଖଣ୍ଡ, ଗୋଆ, ପଞ୍ଜାବ ଓ ଉତ୍ତରପ୍ରଦେଶ ବିଧାନସଭା ନିର୍ବାଚନ ଅନୁଷ୍ଠିତ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
