ନୂଆଦିଲ୍ଲୀ: ଆସନ୍ତାବର୍ଷ ୫ଟି ରାଜ୍ୟରେ ହେବ ବିଧାନସଭା ନିର୍ବାଚନ (Assembly Election 2022) । ଏନେଇ ନିର୍ବାଚନ ଆୟୋଗ (Election Commission of India) ପ୍ରସ୍ତୁତି ଆରମ୍ଭ କରିଥିବା ବେଳେ ଆଜି କୋରୋନା ସ୍ଥିତି ନେଇ କେନ୍ଦ୍ର ସ୍ବାସ୍ଥ୍ୟ ସଚିବ ରାଜେଶ ଭୂଷଣଙ୍କ ସହ ଆଲୋଚନା କରିବେ ।
ଦେଶରେ କୋରୋନା ସ୍ଥିତି (Covid Situation in India) ଓ ବୃଦ୍ଧି ହେଉଥିବା ଓମିକ୍ରନ (Omicron)ମାମଲାକୁ ନେଇ ସ୍ବାସ୍ଥ୍ୟ ସଚିବଙ୍କଠାରୁ ଅବଗତ ହେବେ ନିର୍ବାଚନ ଆୟୋଗ । ଏହାପରେ ନିର୍ବାଚନ ନେଇ ପ୍ରସ୍ତୁତି ଆରମ୍ଭ କରିବେ ନିର୍ବାଚନ କମିଶନ । ଆସନ୍ତାବର୍ଷ ଗୋଆ, ପଞ୍ଜାବ, ଉତ୍ତରପ୍ରଦେଶ, ଉତ୍ତରାଖଣ୍ଡ ଏବଂ ମଣିପୁରରେ ବିଧାନସଭା ନିର୍ବାଚନ ରହିଛି । ତେବେ ଏହା ପୂର୍ବରୁ ଆଜି କୋରୋନା ଓ ଓମିକ୍ରନ ସ୍ଥିତି ବିଷୟରେ ଅବଗତ ହେବେ ନିର୍ବାଚନ ଆୟୋଗ । ଅବଗତ ହେବା ପରେ ନିର୍ବାଚନ ମତଦାନ ତାରିଖ ଘୋଷଣା କରିପାରନ୍ତି ଇସି । ଆଜି ହେବାକୁ ଥିବା ବୈଠକରେ ସ୍ବାସ୍ଥ୍ୟ ବିଭାଗର ବରିଷ୍ଠ ଅଧିକାରୀମାନେ ମଧ୍ୟ ବୈଠକରେ ଉପସ୍ଥିତ ରହିବେ ।
