ଭୋପାଳ: ଏମିତି କିଛି ଘଟଣା ନଜରକୁ ଆସିଛି, ଯାହାକି ଆପଣଙ୍କୁ ଚକିତ କରିପାରେ । ହସପିଚାଲରେ ବେଡ୍ ନ ମିଳିବାରୁ ଗଛ ତଳେ ଚାଲିଛି ରୋଗୀ ଚିକିତ୍ସା । ମଧ୍ୟପ୍ରଦେଶର ଅଗର ମାଲୱା ଜିଲ୍ଲାର କିଛି ଆଶ୍ଚର୍ଯ୍ୟଜନକ ଚିତ୍ର । ଯାହାକି କୋରୋନାର ଭୟାବହତାକୁ ପ୍ରକାଶ କରିଛି । ଜିଲ୍ଲାରେ ଦିନକୁ ଦିନ କୋରୋନା ରୋଗୀଙ୍କ ସଂଖ୍ୟା ଥିବାରୁ ଏହି ଅଞ୍ଚଳର ସ୍ବାସ୍ଥ୍ୟ ସେବା ବିପର୍ଯ୍ୟସ୍ତ ଅବସ୍ଥାରେ ହୋଇପଡିଛି । ପରିସ୍ଥିତି ଏତେ ଭୟଙ୍କର ହୋଇଯାଇଛି ଯେ ଗ୍ରାମାଞ୍ଚଳର ଘରୋଇ ଡାକ୍ତରମାନେ କ୍ଷେତରେ ଥିବା ଗଛ ଡାଳରେ ସାଲାଇନକୁ ବାନ୍ଧି ରୋଗୀମାନଙ୍କର ଚିକିତ୍ସା କରୁଛନ୍ତି ।
ସୂଚନାନୁସାରେ ସୁସନର୍ ଅଞ୍ଚଳର କମଳା ବଗିଚାରେ ଚିକିତ୍ସା କରାଯାଉଥିବା କୁହାଯାଉଛି । ଏହି ଚମତ୍କାର ଦୃଶ୍ୟ ଗୁଡ଼ିକ ଧାନିଆଖେଡି ଗାଁ ଠାରୁ ସୁସନର୍ ପିଡାଭା ରାଜସ୍ଥାନକୁ ଯାଉଥିବା ରାସ୍ତାରେ ପ୍ରାୟ ଅଧ କିଲୋମିଟର ଦୂରରେ । ଯେଉଁଠାରେ ରୋଗୀମାନେ ବେସରକାରୀ ଡାକ୍ତରଙ୍କ ଦ୍ବାରା ଚିକିତ୍ସିତ ହେଉଛନ୍ତି । ପାଖାପାଖି 10ଟି ସ୍ଥାନରେ ବହୁ ସଂଖ୍ୟାରେ ଜଣେ ରୋଗୀ ସେମାନଙ୍କର ଚିକିତ୍ସା କରିବାକୁ ଚେଷ୍ଟା ବି କରୁଛନ୍ତି ।
ଚିକିତ୍ସିତ ହେଉଥିବା ରୋଗୀମାନଙ୍କର କୋରୋନା ଯୋଗୁଁ କୌଣସି ଅସୁବିଧା ହେଉ ନ ଥିବା ଭଳି ଦେଖିଲେ ମନେହୁଏ । ନାଁ ଅଛି ମୁହଁରେ ମାସ୍କ ନାଁ ପାଳନ କରୁଛନ୍ତି ସାମାଜିକ ଦୂରତ୍ବ , ଡାକ୍ତରଖାନା ଯିବାବେଳେ ଗ୍ରାମବାସୀ କରୋନା ୱାର୍ଡରେ ଭର୍ତ୍ତି ହେବାକୁ ଡରୁଛନ୍ତି ବୋଲି କୁହାଯାଉଛି । ସେମାନଙ୍କ ପରିବାର ସଦସ୍ୟଙ୍କୁ ବାଇକରେ ଆଣି ଗଛତଳେ ଚିକିତ୍ସା କରିଥିବାର ଦେଖିବାକୁ ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
