ରାଞ୍ଚି: ରେଳ ବିଭାଗରେ ଚରମ ଅବହେଳା ପାଇଁ ଭୋଗୁଛନ୍ତି ଚାଷୀ । ଗରିବଙ୍କ ପେଟକୁ ମୁଠାଏ ଦାନା ରେଳ ବିଭାଗରେ ଅବହେଳା ପାଇଁ ମାଟିରେ ମିଶିଛି । ହଜାରୁ ଅଧିକ ବସ୍ତା ଚାଉଳ ମାଟିରେ ପୋତା ଯାଇଛି । ଆଉ ଏବେ ଏଫସିଆଇକୁ ଏହାର କ୍ଷତିପୂରଣ ଦେବାକୁ ପଡିବ । ଏହି ଚାଉଳ ବସ୍ତା କିଛି ଦିନ ତଳେ ଛତିଶଗଡରୁ ଏଫସିଆଇ ନୂତନ ଗୋଦାମ ହୋଇଥିବା ଗିରିଡିହ ରେଳ ଷ୍ଟେସନରେ ରଖାଯାଇଥିଲା । ଚାଉଳ ଗୁଡ଼ିକ ଖରାପ ହୋଇଥିବା ଦର୍ଶାଇ ତାକୁ ନେବାକୁ ମନା କରିଥିଲେ ।
ଗତ ବର୍ଷ ଚାଉଳବସ୍ତା ଆଣି ବାହାରିଥିଲା ରେଳ...
ଛତିଶଗଡରୁ ଚାଉଳ ବସ୍ତା ଆଣି 2021 ମସିହାରେ ଗିରିଡିହକୁ ବାହାରିଥିଲା ରେଳ । ହେଲେ ଗନ୍ତବ୍ୟସ୍ଥଳରେ ପହଞ୍ଚିବାକୁ ବହୁତ ସମୟ ଲାଗିଥିଲା ଏବଂ ଚାଉଳ ନଷ୍ଟ ହୋଇଯାଇଥିଲା । ବର୍ତ୍ତମାନ ଖାଦ୍ୟ ଶସ୍ୟ ନଷ୍ଟ ହେତୁ ଏଫସିଆଇ ଖାଦ୍ୟ ଶସ୍ୟ ନେବାକୁ ମନା କରିଦେଇଥିବାରୁ ରେଳ ଅଧିକାରୀମାନେ ମଙ୍ଗଳବାର ଏଠାରେ ଅନୁସନ୍ଧାନ ପାଇଁ ପହଞ୍ଚିଛନ୍ତି । ଧାନବାଦ୍ ଏବଂ କୋଡର୍ମାରୁ ଆସିଥିବା ରେଳ ଅଧିକାରୀଙ୍କ ସହ ଜଣେ ଡାକ୍ତର ମଧ୍ୟ ଖାଦ୍ୟ ପରୀକ୍ଷା ପାଇଁ ଆସିଛନ୍ତି । ଏହାପରେ ସେ ସବୁ ଖରାପ ହୋଇଯାଇଥିବା ଜାଣିବା ପରେ ବସ୍ତାକୁ ମାଟିରେ ପୋତା ଯାଇଛି ।
ଦୋଷ ଘୋଡାଇବା ରେଳ ବିଭାଗର ଚେଷ୍ଟା..
ଯେତେବେଳେ ଗଣମାଧ୍ୟମରେ ଏ ଖବର ପ୍ରସାରିତ ହେଲା ରେଳ ଅଧିକାରୀ ଏବଂ ଏଫସିଆଇ ଅଧିକାରୀଙ୍କଠାରୁ ସୂଚନା ପାଇବାକୁ ଚାହୁଁଥିଲେ, କେହି କିଛି କହିବାକୁ ମନା କରିଦେଇଥିଲେ। ସମସ୍ତେ ଏହି କଥାକୁ ଏଡ଼ାଇ ଯାଉଥିଲେ ଏବଂ ନିଜକୁ ରକ୍ଷା କରୁଥିବା ଦେଖାଯାଇଥିଲା । ଘଣ୍ଟା ଘଣ୍ଟା ଅପେକ୍ଷା କରିବା ପରେ, ଯେତେବେଳେ ଚାଉଳ ଅଖାକୁ ପୋତିବା କାର୍ଯ୍ୟ ଆରମ୍ଭ ହେଲା, ସେତେବେଳେ ଗଣମାଧ୍ୟମ କର୍ମଚାରୀମାନେ ଅଧିକାରୀମାନଙ୍କୁ ଏ ବିଷୟରେ ପଚାରିଥିଲେ, କିନ୍ତୁ ରେଳବାଇ ଅଧିକାରୀମାନେ ସ୍ପଷ୍ଟ ଭାବରେ କହିଥିଲେ ଯେ ଏ ବାବଦରେ ସେମାନଙ୍କର କିଛି କହିବାର ନାହିଁ।
ଯେତେବେଳେ ଖାଦ୍ୟ ଶସ୍ୟ ନଷ୍ଟ ହେବାରେ ଅବହେଳା ବିଷୟରେ ପଚରାଗଲା, ଅଧିକାରୀମାନେ ମୁହଁ ଖୋଲି ନଥିଲେ । ଧାନବାଦରୁ ଆସିଥିବା ରେଳବାଇ ଅଧିକାରୀ ବିଜୟ ଗୌଡଙ୍କୁ ପ୍ରଶ୍ନ ପଚାରିଥିଲା ସେ କହିଥିଲେ ଯେ ଚାଉଳର ଅଖା କୁଆଡେ ଓ କାହିଁକି ନିଆଯାଉଛି ମୁଁ ଜାଣେ ନାହିଁ। ସେ ବରିଷ୍ଠ ଅଧିକାରୀଙ୍କ ନିକଟକୁ ଯାଇ କଥା ହେବା ବିଷୟରେ କହିଥିଲେ । ଏହି ପ୍ରସଙ୍ଗରେ, ନ୍ୟୁ ଗିରିଡିହ ରେଳ ଷ୍ଟେସନର ଏସଏମ ସନ୍ତୋଷ କୁମାର କ୍ୟାମେରା ବନ୍ଦ କରି କହିଛନ୍ତି ଯେ ଚାଉଳ ଖାଦ୍ୟ ଉପଯୋଗୀ ନୁହେଁ ତେଣୁ ତାକୁ ପୋତା ଯାଇଛି । ସେପଟେ ଏଫସିଆଇ ଅଧିକାରୀ ମଧ୍ୟ କିଛି କହିନାହାନ୍ତି ।
