ଗାନ୍ଧୀନଗର: କଥାରେ ଅଛି ରକ୍ତଦାନ, ମହାପୂଣ୍ୟ । ମଣିଷ ରକ୍ତଦାନ କରିବା କଥା ସମସ୍ତେ ଜାଣିଥିବେ । ହେଲେ ଗୋଟିଏ କୁକୁର ରକ୍ତ ଦେଇ ଅନ୍ୟ ଏକ କୁକୁରର ଜୀବନ ବଞ୍ଚାଇବା ଘଟଣା ଆପଣ କେବେ ଶୁଣିଛନ୍ତି କି ? ଏଭଳି ଏକ ବିରଳ ଘଟଣା ପ୍ରକାଶ ପାଇଛି ଗୁଜୁରାଟ ଭଦୋଦରାରେ । ଏଠାରେ ଗୋଟିଏ କୁକୁର ରକ୍ତଦାନ କରି ଅନ୍ୟ ଏକ କୁକୁରକୁ ନୂଆ ଜୀବନ ଦେଇଛି(dog saved life of another dog by donating blood) ।
ସୂଚନା ଅନୁଯାୟୀ, ଭଦୋଦରା ଅଞ୍ଚଳରେ ଶ୍ବେତା ଦୁବେ ନାମକ ଜଣେ ମହିଳା ବାସ କରନ୍ତି । ସେ ଖୁବ୍ କୁକୁର ପ୍ରେମୀ ଅଟନ୍ତି ଏବଂ ତାଙ୍କ ପାଖରେ ପ୍ରାୟ ୨୩ଟି କୁକୁର ରହିଛି । ଅନ୍ୟ କୌଣସି ଏକ କୁକୁର ପାଇଁ ରକ୍ତର ଆବଶ୍ୟକତା ଥିଲା । ଏହା ଜାଣିବା ପରେ ଶ୍ବେତାଙ୍କ ପାଖରେ ଥିବା ଡେଜି ନାମକ କୁକୁର ଅନ୍ୟ କୁକୁରକୁ ରକ୍ତ ଦେଇଥିଲା । ଯାହାକି ସେହି କୁକୁରକୁ ନୂଆ ଜୀବନ ଦେଇଛି । ଏହି ଘଟଣା ଏବେ ଚାରିଆଡେ ଚର୍ଚ୍ଚାର ବିଷୟ ପାଲଟିଛି । ଏହାକୁ ନେଇ ଶ୍ବେତା କହିଛନ୍ତି, ''ଗୁଜୁରାଟ ଏବଂ ଭଦୋଦରାରେ କୁକୁରଙ୍କ ପାଇଁ ଏକ ବ୍ଲଡ ବ୍ୟାଙ୍କର ଆବଶ୍ୟକତା ରହିଛି । ଯଦ୍ବାରା ଆବଶ୍ୟକସ୍ଥଳେ ମଣିଷ ପରି କୁକୁରମାନଙ୍କ ଜୀବନ ମଧ୍ୟ ରକ୍ଷା ହୋଇପାରିବ ।''
