ଶ୍ରୀଲଙ୍କା ପରେ ବ୍ରାଜିଲରେ ଗୃହଯୁଦ୍ଧ ସ୍ଥିତି ! ରାଷ୍ଟ୍ରପତି ଭବନରେ ପଶି କଲେ ଭଙ୍ଗାରୁଜା, ଚିନ୍ତା ବ୍ୟକ୍ତକଲେ ପ୍ରଧାନମନ୍ତ୍ରୀ ମୋଦି

ବ୍ରାଜିଲରେ ଗୃହଯୁଦ୍ଧ ସ୍ଥିତି । ସଂସଦ, ସୁପ୍ରିମକୋର୍ଟ ଓ ରାଷ୍ଟ୍ରପତି ଭବନରେ ପଶି ଭଙ୍ଗାରୁଜା କଲେ ପୂର୍ବତନ ରାଷ୍ଟ୍ରପତିଙ୍କ ସମର୍ଥକ (Democratic Riots in Brazil)। ଚିନ୍ତା ବ୍ୟକ୍ତ କଲା ଭାରତ । ପ୍ରଧାନମନ୍ତ୍ରୀ ମୋଦି କହିଲେ ସମସ୍ତେ ସାମ୍ବିଧାନିକ ପରମ୍ପରାକୁ ସମ୍ମାନ ଦେବା ଉଚିତ । ଅଧିକ ପଢନ୍ତୁ

ହାଇଦ୍ରାବାଦ: ବ୍ରାଜିଲରେ ଦେଖାଯାଇଛି ରାଜନୈତିକ ଅସ୍ଥିରତା ଓ ହିଂସା (Democratic Riots in Brazil)। ପୂର୍ବତନ ରାଷ୍ଟ୍ରପତିଙ୍କ ହଜାର ହଜାର ସମର୍ଥକ ରାଜଧାନୀ ବ୍ରାସିଲିଆରେ ପ୍ରବେଶ କରି ସଂସଦ, ସୁପ୍ରିମକୋର୍ଟ, ରାଷ୍ଟ୍ରପତି ଭବନ ଦଖଲ କରିବାକୁ ଉଦ୍ୟମ କରିଛନ୍ତି । ରାଜଧାନୀ ବ୍ରାସିଲିଆରେ ବ୍ୟାପକ ହିଂସା ଦେଖାଯିବା ସହ ଗୃହଯୁଦ୍ଧ ପରି ସ୍ଥିତି ସୃଷ୍ଟି ହୋଇଛି । ଫଳରେ ସେନା ମୁତୟନ ହେବାକୁ ପଡିଛି ।

• Deeply concerned about the news of rioting and vandalism against the State institutions in Brasilia. Democratic traditions must be respected by everyone. We extend our full support to the Brazilian authorities. @LulaOficial

  — Narendra Modi (@narendramodi) January 9, 2023 " class="align-text-top noRightClick twitterSection" data="

  Deeply concerned about the news of rioting and vandalism against the State institutions in Brasilia. Democratic traditions must be respected by everyone. We extend our full support to the Brazilian authorities. @LulaOficial

  — Narendra Modi (@narendramodi) January 9, 2023

  ">

  Deeply concerned about the news of rioting and vandalism against the State institutions in Brasilia. Democratic traditions must be respected by everyone. We extend our full support to the Brazilian authorities. @LulaOficial

  — Narendra Modi (@narendramodi) January 9, 2023

ବ୍ରାଜିଲର ପୂର୍ବତନ ଦକ୍ଷିଣପନ୍ଥୀ ରାଷ୍ଟ୍ରପତି ଜୈର ବୋଲସୋନାର (Jair Bolsonaro)ଙ୍କ ହଜାର ହଜାର ସମର୍ଥକ ରାଜଧାନୀ ବ୍ରାସିିଲିଆରେ ଏକାଠି ହେବା ସହ ସଂସଦ ଭବନ, ସୁପ୍ରିମକୋର୍ଟ, ରାଷ୍ଟ୍ରପତି ଭବନ ସମେତ ଅନ୍ୟ କିଛି ସାମ୍ବିଧାନିକ ଅନୁଷ୍ଠାନକୁ ଅକ୍ତିଆର କରିବାକୁ ଉଦ୍ୟମ କରିଥିଲେ । ଫଳରେ ବ୍ୟାପକ ଭଙ୍ଗାରୁଜା ଓ ଦଙ୍ଗା ସ୍ଥିତି ଦେଖିବାକୁ ମିଳିଥିଲା । ନବ ନିର୍ବାଚିତ ରାଷ୍ଟ୍ରପତି ଲୁଲା ଘଟଣାକୁ ନିନ୍ଦା କରିବା ସହ ଫାସିବାଦୀ କାର୍ଯ୍ୟକଳାପ ବୋଲି କହିଥିଲେ । ଅନ୍ୟପଟେ ପୂର୍ବତନ ରାଷ୍ଟ୍ରପତି ଏଥିରେ ତାଙ୍କର କୌଣସି ସମ୍ପୃକ୍ତି ନଥିବା କହିଛନ୍ତି ।

ବର୍ତ୍ତମାନର ରାଷ୍ଟ୍ରପତି ଲୁଲା ଦା ସିଲଭା (Luiz Inácio Lula da Silva) ହେଉଛନ୍ତି ବାମପନ୍ଥୀ ନେତା । ସେ ଅକ୍ଟୋବରରେ ହୋଇଥିବା ନିର୍ବାଚନରେ ବୋଲସୋନାରଙ୍କୁ ପରାଜିତ କରି ରାଷ୍ଟ୍ରପତି ଭାବେ ନିର୍ବାଚିତ ହୋଇଛନ୍ତି । ନିର୍ବାଚନ ଫଳାଫଳ ଠାରୁ ବ୍ରାଜିଲରେ ରାଜନୈତିକ ଉତ୍ତେଜନା ଲାଗି ରହିଥିବା ବେଳେ ଏହା କ୍ରମଶଃ ଅସ୍ଥିରତା ଓ ଦଙ୍ଗାର ରୂପ ନେବା ପରି ସ୍ଥିତି ସୃଷ୍ଟି କରିବାକୁ ଲାଗିଲାଣି । ପୂର୍ବତନ ରାଷ୍ଟ୍ରପତିଙ୍କ ସମର୍ଥକ ଲୁଲାଙ୍କୁ ରାଷ୍ଟ୍ରପତି ଭାବେ ଗ୍ରହଣ ନକରିବା ସହ ତାଙ୍କୁ କ୍ଷମତାରୁ ବିତାଡିତ କରିବା ପାଇଁ ରାଜଧାନୀ ବ୍ରାସିଲିଆ ସମେତ ବିଭିନ୍ନ ସହରରେ ପ୍ରତିବାଦ ଜାରି ରଖିଛନ୍ତି ।

ବ୍ରାଜିଲରେ ଗୃହଯୁଦ୍ଧ ପରିସ୍ଥିତି

ଅନ୍ୟପଟେ ବ୍ରାଜିଲରେ ଆରମ୍ଭ ହୋଇଥିବା ରାଜନୈତିକ ଅସ୍ଥିରତା ଓ ହିଂସା ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚିନ୍ତା ବ୍ୟକ୍ତ କରିଛନ୍ତି (PM Modi Deeply Concerned on Brazil Riots)। ସେ ଏନେଇ ବ୍ରାଜିଲ ରାଷ୍ଟ୍ରପତିଙ୍କୁ ଟ୍ୟାଗ କରି ଏକ ସମର୍ଥନମୂଳକ ଟ୍ବିଟ ମଧ୍ୟ କରିଛନ୍ତି । ଟ୍ବିଟରେ ପ୍ରଧାନମନ୍ତ୍ରୀ ଲେଖିଛନ୍ତି, ‘‘ବ୍ରାଜିଲରେ ଦେଖାଯାଇଥିବା ହିଂସା ଓ ସାମ୍ବିଧାନିକ ଅନୁଷ୍ଠାନ ଉପରେ ଏପରି ଆକ୍ରମଣ ଆଦୌ ଗ୍ରହଣୀୟ ନୁହେଁ । ସମସ୍ତଙ୍କୁ ସାମ୍ବିଧାନିକ ପରମ୍ପରାକୁ ସମ୍ମାନ ଦେବାକୁ ହେବ । ଏପରି ସମୟରେ ବ୍ରାଜିଲ ସରକାରଙ୍କ ପ୍ରତି ଆମର ପୂର୍ଣ୍ଣ ସମର୍ଥନ ରହିଛି ।’’

ବ୍ୟୁରୋ ରିପୋର୍ଟ, ଇଟିଭି ଭାରତ