ନୂଆଦିଲ୍ଲୀ: ଜି20 ସମ୍ମିଳନୀ ଅବସରରେ ନୂଆଦିଲ୍ଲୀର ‘ଭାରତ ମଣ୍ଡମ’ରେ ଏକାଠି ହେଲା ସମଗ୍ର ବିଶ୍ବ । ଏହି ଶିଖର ସମ୍ମିଳନୀର ଆୟୋଜନକୁ ଭବ୍ୟ କରିବା ପାଇଁ ଭାରତ ପକ୍ଷରୁ ସମସ୍ତ ପ୍ରସ୍ତୁତି ମଧ୍ୟ କରାଯାଇଥିଲା । ହେଲେ ଗତକାଲି ରାତିରେ ପ୍ରବଳ ବର୍ଷା ପରେ ପ୍ରଗତି ମୈଦାନର ଏହି ମୁଖ୍ୟ କାର୍ଯ୍ୟକ୍ରମ କେନ୍ଦ୍ର ‘ଭାରତ ମଣ୍ଡପମ’ରେ ଜଳବନ୍ଦୀ ସମସ୍ୟା ସୃଷ୍ଟି ହୋଇଛି । ସମଗ୍ର ସ୍ଥାନରେ ଜଳବନ୍ଦୀ ସମସ୍ୟା ଦେଖାଯାଇଛି । ଜଳ ନିଷ୍କାସନ ପାଇଁ ପ୍ରୟାସ ଜାରି ରହିଛି । ଏହାକୁ ନେଇ ସରକାରକୁ ଟାର୍ଗେଟ କରିଛି କଂଗ୍ରେସ । ସରକାରଙ୍କ ପ୍ରସ୍ତୁତିର ପୋଲ ଖୋଲିଛି ବୋଲି କଂଗ୍ରେସ କହିଛି ।
-
करोड़ों रुपये की लागत से G20 के सदस्यों की मेहमाननवाजी के लिए बनाए गए 'भारत मंडपम' की तस्वीरें।
— Srinivas BV (@srinivasiyc) September 10, 2023 " class="align-text-top noRightClick twitterSection" data="
विकास तैर रहा है...https://t.co/EcQBcM7o7E
">करोड़ों रुपये की लागत से G20 के सदस्यों की मेहमाननवाजी के लिए बनाए गए 'भारत मंडपम' की तस्वीरें।
— Srinivas BV (@srinivasiyc) September 10, 2023
विकास तैर रहा है...https://t.co/EcQBcM7o7Eकरोड़ों रुपये की लागत से G20 के सदस्यों की मेहमाननवाजी के लिए बनाए गए 'भारत मंडपम' की तस्वीरें।
— Srinivas BV (@srinivasiyc) September 10, 2023
विकास तैर रहा है...https://t.co/EcQBcM7o7E
ଯୁବ କଂଗ୍ରେସ ଅଧ୍ୟକ୍ଷ ବି.ବି ଶ୍ରନିବାସ ‘ଭାରତ ମଣ୍ଡପମ’ର ଏହି ଜଳବନ୍ଦୀ ଭିଡିଓକୁ ଏକ୍ସରେ ପୋଷ୍ଟ କରି ସରକାରଙ୍କ ଉପରେ ବର୍ଷିଛନ୍ତି । ଲେଖିଛନ୍ତି, ଜି20 ସମ୍ମିଳନୀ ପାଇଁ କୋଟିକୋଟି ଟଙ୍କା ଖର୍ଚ୍ଚ କରି ପ୍ରସ୍ତୁତି ହେଲା । ହେଲେ ଏଠାରେ ବିକାଶ ସ୍ପଷ୍ଟ ଦେଖାଯାଉଛି । କଂଗ୍ରେସର ଅଫିସିଆଲ ମିଡିଆ ପ୍ଲାଟଫର୍ମରେ ମଧ୍ୟ ଏହି ଭିଡିଓ ସେୟାର କରାଯାଇ ସରକାରଙ୍କ ବିଶ୍ବସ୍ତରୀୟ ପ୍ରସ୍ତୁତିକୁ କଟାକ୍ଷ କରାଯାଇଛି । କଂଗ୍ରେସ କହିଛି, ମିଛ ବିକାଶର ପୋଲ ଖୋଲିଛି । ଜି-20 ସମ୍ମିଳନୀ ପାଇଁ ‘ଭାରତ ମଣ୍ଡପମ’ରେ 27ଶହ କୋଟି ଖର୍ଚ୍ଚ ହୋଇଛି । ହେଲେ ମାତ୍ର ଥରେ ବର୍ଷାରେ ବିକାଶରେ ପାଣି ପଶିଗଲା ।
ନୂଆଦିଲ୍ଲୀର ଐତିହାସିକ ପ୍ରଗତି ମୈଦାନରେ ଥିବା ଏହି ଅନ୍ତର୍ଜାତୀୟ କନଭୋକେସନ ସେଣ୍ଟରକୁ ନବୀକରଣ କରାଯାଇଥିଲା । ଏଥିରେ ବିଶ୍ବସ୍ତରୀୟ କାର୍ଯ୍ୟକ୍ରମ, କନଫରେନ୍ସ, ସମ୍ମିଳନୀ, ପ୍ରଦର୍ଶନୀ ଆୟୋଜନ କରିବା ପାଇଁ ସମସ୍ତ ଅତ୍ୟାବଶ୍ୟକ ବ୍ୟବସ୍ଥା ସହ ଏହାର ପୁନଃନାମକରଣ ମଧ୍ୟ କରାଯାଇଥିଲା । କେନ୍ଦ୍ର ସରକାର ଏହାର ନାମ ‘ଭାରତ ମଣ୍ଡପମ’ ରଖିଥିଲେ । ଗତକାଲି ଆରମ୍ଭ ହୋଇ ଆଜି ଶେଷ ହୋଇଥିବା ଜି-20 ରାଷ୍ଟ୍ରମୁଖ୍ୟ ସମ୍ମିଳନୀର ମୁଖ୍ୟ କାର୍ଯ୍ୟକ୍ରମ ଓ ରାଷ୍ଟ୍ରପତିଙ୍କ ଦ୍ବାରା ଆୟୋଜିତ ଭବ୍ୟ ନୈଶ୍ଯଭୋଜି ମଧ୍ୟ ଏହିଠାରେ ହୋଇଥିଲା । ଦିନ ତମାମ ଜାରି ରହିଥିବା କାର୍ଯ୍ୟକ୍ରମ 70ଦେଶର ରାଷ୍ଟ୍ରମୁଖ୍ୟ ଓ ଅନ୍ୟ ନିମନ୍ତ୍ରିତ ଅତିଥି ସାମିଲ ହୋଇଥିଲେ । ମାତ୍ର ଗତକାଲି ରାତିରେ ପ୍ରବଳ ବର୍ଷା ପରେ ଭାରତ ମଣ୍ଡପମରେ ଜଳବନ୍ଦୀ ସମସ୍ୟା ଦେଖାଯାଇଛି । ଯାହାକୁ ନେଇ ବିଶ୍ବସ୍ତରୀୟ ଆୟୋଜନରେ ବିରୋଧୀ ପ୍ରଶ୍ନ ଉଠାଇବା ସହ ସରକାରଙ୍କୁ କଟାକ୍ଷ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
