ନୂଆଦିଲ୍ଲୀ: ଗତ ବର୍ଷ ଦିଲ୍ଲୀରେ ହୋଇଥିବା ହିଂସା ମାମଲାରେ ତିହାର ଜେଲରୁ ବନ୍ଦୀ ମୁକ୍ତ ହୋଇଛନ୍ତି ନତାଶା ନରୱାଲ, ଆସିଫ ଇକବାଲ ଓ ଦେବାଙ୍ଗନା କାଲିତା । ଆକ୍ଟିଭିଷ୍ଟକୁ ବନ୍ଦୀମୁକ୍ତ ପାଇଁ କୋର୍ଟ ପକ୍ଷରୁ ତିହାର ଜେଲକୁ ନିର୍ଦ୍ଦେଶ ଦିଆଯାଇଥିଲା ।
ଦିଲ୍ଲୀର କଡକଡଡୁମା କୋର୍ଟ 3 ଜଣଙ୍କୁ ତୁରନ୍ତ ବନ୍ଦୀ ମୁକ୍ତ କରିବାର ଆଦେଶ ଦେଇଥିଲେ । ଅଦାଲ ପକ୍ଷରୁ ଜାରି ଆଦେଶ କ୍ରମେ ତିହାର ଜେଲ ପ୍ରଶାସନ 3 ଆକ୍ଟିଭିଷ୍ଟଙ୍କୁ ବନ୍ଦୀମୁକ୍ତ କରିଛି ।
3 ଜଣଙ୍କୁ କିଛି ଦିନ ପୂର୍ବେ ଜାମିନ ଦେଇଥିଲେ ଦିଲ୍ଲୀ ହାଇକୋର୍ଟ । ଗୁରୁବାର ହୋଇଥିବା ଶୁଣାଣି ସମୟରେ ଦିଲ୍ଲୀର କଡକଡଡୁମା କୋର୍ଟ ନତାଶା ନରୱାଲଙ୍କ ସମେତ 3 ଆକ୍ଟିଭଷ୍ଟଙ୍କୁ ତୁରନ୍ତ ବନ୍ଦୀ ମୁକ୍ତ କରିବାକୁ ଆଦେଶ ଦେଇଥିଲେ ।
ଗତ ବର୍ଷ ଫେବୃଆରୀରେ ଘଟିଥିବା ହିଂସା ଘଟଣାରେ ଏହି ଆକ୍ଟିଭିଷ୍ଟମାନଙ୍କୁ ମେ 2020ରେ ବେଆଇନ କାର୍ଯ୍ୟକଳାପ (ପ୍ରତିରୋଧ) ଅଧିନିୟମ ଅନୁଯାୟୀ ଗିରଫ କରାଯାଇଥିଲା । ଜାମିନ ପାଇବା ପରେ ମଧ୍ୟ ଜେଲରୁ ମୁକ୍ତ ନହେବା ନେଇ ପ୍ରଶ୍ନ ଉଠିଥିଲା ।
