ନୂଆଦିଲ୍ଲୀ: ନିର୍ବାଚନ ଶେଷ ହେଉ ହେଉ ତୈଳ କମ୍ପାନୀମାନେ ଦର ବଢାଇବା ଆରମ୍ଭ କରିଦେଇଛନ୍ତି । ସାରାଦେଶ ଏବେ କୋରୋନା ସଙ୍କଟ ଦେଇ ଗତି କରୁଥିବା ବେଳେ ସରକାର ଏପଟେ ତୈଳ ଦର ବୃଦ୍ଧି କରିବାରେ ଲାଗିପଡ଼ିଛନ୍ତି । ବଡ କଥା ହେଉଛି ଗତ ୨ ମାସ ମଧ୍ୟରେ ଅଶୋଧିତ ତୈଳ ଦର ବୃଦ୍ଧି ପାଇଥିଲେ ସୁଦ୍ଧା ପେଟ୍ରୋଲ ଏବଂ ଡିଜେଲ ଦର ଅପରିବର୍ତ୍ତିତ ରହିଥିଲା । କିନ୍ତୁ ଏବେ 3 ଦିନ ଧରି ଭାରତୀୟ ତେଲ ବିତରଣ କମ୍ପାନୀ ତୈଳ ଦର ବୃଦ୍ଧି କରିଛନ୍ତି ।
ଗୁରୁବାର(ଆଜି) ପେଟ୍ରୋଲ ଏବଂ ଡିଜେଲ ମୂଲ୍ୟରେ ଜାତୀୟ ରାଜଧାନୀରେ ସାମାନ୍ୟ ବୃଦ୍ଧି ଘଟି ପେଟ୍ରୋଲ ଲିଟର ପିଛା 90.99 ଟଙ୍କା ଏବଂ ଡିଜେଲ ଲିଟର ପିଛା 81.42 ଟଙ୍କା ରହିଛି। ବୁଧବାର ତୁଳନାରେ ପେଟ୍ରୋଲରେ 25 ପଇସା ବୃଦ୍ଧି ହୋଇଥିବାବେଳେ ଡିଜେଲରେ 30 ପଇସା ବୃଦ୍ଧି ପାଇଛି ।
ସେପଟେ, ମୁମ୍ବାଇରେ ପେଟ୍ରୋଲ ଏବଂ ଡିଜେଲର ମୂଲ୍ୟ ଲିଟର ପିଛା ଯଥାକ୍ରମେ 97.34 ଟଙ୍କା ଏବଂ 88.49 ଟଙ୍କା ରହିଛି । ଚେନ୍ନାଇରେ ପେଟ୍ରୋଲ ଏବଂ ଡିଜେଲର ମୂଲ୍ୟ ଯଥାକ୍ରମେ 92.90 ଟଙ୍କା ଏବଂ 86.35 ଟଙ୍କା ଏବଂ କୋଲକାତାରେ ଲିଟର ପିଛା 91.14 ଏବଂ 84.26 ଟଙ୍କା ରହିଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
