ମୁମ୍ବାଇ: ପିଜା କାହାର ବା ପସନ୍ଦ ନୁହେଁ । ଆଜିକାଲିର ଅଧିକାଂଶ ଯୁବପିଢି ଏହି ଖାଦ୍ୟକୁ ବେଶ ପସନ୍ଦ କରନ୍ତି । ତେବେ ଏହି ଘଟଣାଟି ଘଟିବା ପରେ ପିଜା ଖାଉଥିବା ବେଳେ ଟିକେ ସାବଧାନତା ଅବଲମ୍ବନ କରିବା ଜରୁରୀ ହୋଇପଡ଼ିଛି । ମୁମ୍ବାଇର ଏକ ବ୍ୟକ୍ତିଙ୍କ ଅଭିଯୋଗ ଅନୁସାରେ ଡୋମିନୋଜ ପିଜା ଭିତରୁ ମିଳିଛି କାଚ ଖଣ୍ଡ (Glass shards in Domino's Pizza) । ସେ କାଚ ଖଣ୍ଡର ଫଟୋ ଉଠାଇ ମୁମ୍ବାଇ ପୋଲିସକୁ ଟ୍ବିଟ କରିବା ପରେ କମ୍ପାନୀ (Dominos) ତୁରନ୍ତ ଘଟଣାର ଯାଞ୍ଚ ପାଇଁ ନିର୍ଦ୍ଦେଶ ଦେଇଛି ।
-
2 to 3 pieces of glass found in @dominos_india This speaks volume about global brand food that we are getting @dominos @jagograhakjago @fssaiindia Not sure of ordering ever from Domino's @MumbaiPolice @timesofindia pic.twitter.com/Ir1r05pDQk
— AK (@kolluri_arun) October 8, 2022 " class="align-text-top noRightClick twitterSection" data="
">2 to 3 pieces of glass found in @dominos_india This speaks volume about global brand food that we are getting @dominos @jagograhakjago @fssaiindia Not sure of ordering ever from Domino's @MumbaiPolice @timesofindia pic.twitter.com/Ir1r05pDQk
— AK (@kolluri_arun) October 8, 20222 to 3 pieces of glass found in @dominos_india This speaks volume about global brand food that we are getting @dominos @jagograhakjago @fssaiindia Not sure of ordering ever from Domino's @MumbaiPolice @timesofindia pic.twitter.com/Ir1r05pDQk
— AK (@kolluri_arun) October 8, 2022
ମିଳିଥିବା ସୂଚନା ଅନୁସାରେ ସ୍ବପ୍ନ ନଗରୀ ମୁମ୍ବାଇ ଅଧିବାସୀ ଅରୁଣ କୋଲ୍ଲୁରୀ ଅନଲାଇନରେ ପିଜା ଅର୍ଡର କରିଥିଲେ । ପିଜା ଖାଇବା ସମୟରେ ଏଥିରୁ ସେ ଏକ କାଚ ଖଣ୍ଡ ପାଇଥିବା ଅଭିଯୋଗ କରିଛନ୍ତି । ଏହାପରେ ଏହି ପିଜା କମ୍ପାନୀର ଖାଦ୍ୟ ଗୁଣବତ୍ତା ଉପରେ ପ୍ରଶ୍ନ ଉଠାଇଛନ୍ତି । ଏହାପରେ ସେ ପିଜା ସହିତ ଏହି କାଚ ଖଣ୍ଡର ଫଟୋକୁ ଟ୍ବିଟରରେ ପୋଷ୍ଟ କରି ମୁମ୍ବାଇ ପୋଲିସକୁ ଟ୍ୟାଗ୍ କରିଛନ୍ତି ।
ତାଙ୍କ ଅଭିଯୋଗ ଅନୁସାରେ ସେ ପିଜା ମଧ୍ୟରୁ ୨ରୁ ୩ ଖଣ୍ଡ କାଚକୁ ଠାବ କରିଛନ୍ତି । ମାତ୍ର ସେ ନିଜ ଅର୍ଡର ଓ ବାସଭବନ ଠିକଣା ସମ୍ପର୍କରେ କୌଣସି ତଥ୍ୟ ସେୟାର କରିନାହାନ୍ତି । ଏହାପରେ ଡୋମିନୋଜର କଷ୍ଟମର କେୟାର (Customer care centre)କୁ ଯୋଗାଯୋଗ କରିବାକୁ ମୁମ୍ବାଇ ପୋଲିସ ପରାମର୍ଶ ଦେଇଥିଲା । କମ୍ପାନୀ କଷ୍ଟମର କେୟାର ସେଣ୍ଟର କୌଣସି ପ୍ରତିକ୍ରିୟା ନ ଦେଲେ ଆଇନର ଦ୍ବାରସ୍ଥ ହେବାକୁ ମୁମ୍ବାଇ ପୋଲିସ କହିଥିଲା ।
ଏହା ବି ପଢନ୍ତୁ- ଉତ୍ତର ପ୍ରଦେଶରେ ଅଘଟଣ: ବିଦ୍ୟୁତ୍ ସଂସ୍ପର୍ଶରେ ଆସି ୩ ଶିଶୁଙ୍କ ସମେତ ୭ ମୃତ
ଏ ନେଇ ଡୋମିନୋଜ କମ୍ପାନୀର ମୁଖପାତ୍ର କହିଛନ୍ତି, "ଖାଦ୍ୟ ତିଆରି ବେଳେ ରୋଷେଇ ଘରେ ନୋ-ଗ୍ଲାସ ପିଲିସି (NO-GLASS POLICY) ର ପାଳନ କରିଥାଉ । ଗ୍ରାହକଙ୍କୁ ସୁରକ୍ଷିତ ଭାବରେ ଉତ୍ତମ ଗୁଣବତ୍ତା ବଜାୟ ରଖୁଥିବା ଖାଦ୍ୟ ବା ଉନ୍ନତମାନର ଖାଦ୍ୟ ଦେଇଥାଉ । ଆମେ ଘଟଣାର ତଦନ୍ତ ଜାରି ରଖିଛୁ । ଗ୍ରାହକଙ୍କ ପିଜାର ସାମ୍ପଲ୍ ସଂଗ୍ରହ କରାଯାଇ ତଦନ୍ତ ଚାଲିଛି । କୌଣସି ତ୍ରୁଟି ଜଣାପଡ଼ିଲେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।"
ଅନ୍ୟପଟେ ଅରୁଣଙ୍କ ଟ୍ବିଟରେ ମଧ୍ୟ ଅନ୍ୟ ଜଣେ ଗ୍ରାହକ କମେଣ୍ଟ କରି ଅନ୍ୟ ଏକ କମ୍ପାନୀ ଜମାଟୋ ବିରୋଧରେ ସମାନ ଅଭିଯୋଗ ଆଣିଛନ୍ତି । ସେ କହିଛନ୍ତି, "ଦିଲ୍ଲୀରେ ମୁଁ ଚିକେନ ଠୁକପା ଓ ମୋମୋ ମଗାଇଥିଲି । ମୋମୋ ଭିତରୁ ଏକ ଛୋଟ ମେଟାଲ ଖଣ୍ଡ ବାହାରିଥିଲା । ଏଭଳି ଘଟଣାକୁ ରୋକିବା ଲାଗି ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ଆବଶ୍ୟକ । "
ଆଜିକାଲି ଯୁବପିଢି ଘର ଖାଦ୍ୟ ଖାଇବା ଅପେକ୍ଷା ବାହାର ଖାଦ୍ୟ ଖାଇବାକୁ ଅଧିକ ପସନ୍ଦ କରୁଛନ୍ତି । ଏହା ଶରୀର ପ୍ରତି ହାନିକାରକ ହୋଇଥିଲେ ମଧ୍ୟ ଏହି ଖାଦ୍ୟ ଗୁଡ଼ିକ ସେମାନଙ୍କର ପ୍ରଥମ ପସନ୍ଦ । ମାତ୍ର ଡୋମିନୋଜ ପିଜା ଭିତରୁ କାଚ ବାହାରିବା ଖବର ମିଳିବା ପରେ କମ୍ପାନୀର ବେପାର ମାନ୍ଦା ପଡ଼ିଛି । ଲୋକେ ଭୟଭୀତ ହୋଇ ଡୋମିନୋଜ ପିଜା ମଗାଉନଥିବା ଜଣାପଡ଼ିଛି ।
