ପାଟନା: ବିହାରରେ ଲଜ୍ଜା । ବିଳମ୍ବିତ ତାରିରେ ଘରେ ପଶି ମହିଳାଙ୍କୁ ଗଣଦୁଷ୍କର୍ମ । ସ୍ବାମୀ ସାମ୍ନାରେ ସ୍ତ୍ରୀକୁ ଗଣଦୁଷ୍କର୍ମ କଲେ କଲେ ତିନି ଯୁବକ । ଏଭଳି ଲଜ୍ଜାଜନକ ଘଟଣା ଘଟିଛି ଆରରିଆ ଅଞ୍ଚଳରେ । ପୀଡିତା ମହିଳା ଜଣଙ୍କ ଏନେଇ ଥାନାରେ ଅଭିଯୋଗ କରିବା ପରେ ପୋଲିସ ତଦନ୍ତ ଜାରି ରଖିଛି । ଜଣେ ଅଭିଯୁକ୍ତକୁ ଗିରଫ କରାଯାଇ କୋର୍ଟଚାଲାଣ କରାଯାଇଛି ।
ପୀଡିତାଙ୍କ କହିବା ମୁତାବକ, ‘‘ଗତ ଶନିବାର ରାତିରେ ଖାଇପିଇ ପରିବାର ଲୋକଙ୍କ ସହ ସେ ଶୋଇଥିଲେ । ହଠାତ୍ ବିଳମ୍ବିତ ରାତିରେ ତିନି ଯୁବକ ଘରର କବାଟ ଭାଙ୍ଗି ପ୍ରବେଶ କରିଥିଲେ । ଏହା ପରେ ଗଣଦୁଷ୍କର୍ମ କରିଥିଲେ । ଏହି ସମୟରେ ତାଙ୍କ ସ୍ବାମୀ ତିନି ଯୁବକଙ୍କୁ ବାରଣ କରିବାରୁ ତାଙ୍କୁ ଏକ ଖୁଣ୍ଟରେ ବାନ୍ଧି ମାଡ ମାରିଥିଲେ । ପରେ ସ୍ବାମୀଙ୍କ ସାମ୍ନାରେ ମହିଳାଙ୍କୁ ଗଣଦୁଷ୍କର୍ମ କରିଥିଲେ ।’’
ଏନେଇ ଜଣେ ପୋଲିସ ଅଧିକାରୀ କହିଛନ୍ତି, ‘‘ଜଣେ ମହିଳା ଗଣଦୁଷ୍କର୍ମର ଅଭିଯୋଗ ଆଣିବା ପରେ ଏକ ମାମଲା ପଞ୍ଜିକୃତ କରାଯାଇ ତଦନ୍ତ ଜାରି ରହିଛି । ଜଣେ ଯୁବକଙ୍କୁ ଅଟକ ରଖି ପଚରାଉଚରା ପରେ ଗିରଫ କରାଯାଇଛି । ଅନ୍ୟ ଦୁଇ ଯୁବକଙ୍କୁ ଗିରଫ କରିବା ପାଇଁ ପୋଲିସ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି । ଖୁବଶୀଘ୍ର ସେମାନଙ୍କୁ ଗିରଫ କରାଯିବ ।’’
ଏହା ମଧ୍ୟ ପଢନ୍ତୁ-କୋଚିଂ ଯିବା ବାଟରେ ଯୁବତୀଙ୍କୁ ଗଣଦୁଷ୍କର୍ମ ପରେ ହତ୍ୟା
ମହିଳାଙ୍କ ଇଜ୍ଜତ ଲୁଟିଲେ 3 ସଇତାନ: ନରପତଗଞ୍ଜ ପୋଲିସ ଷ୍ଟେସନ ଅନ୍ତର୍ଗତ ଏକ ଗ୍ରାମରେ ଏହି ଘଟଣା ଘଟିଥିଲା । ଗତ ଶନିବାର ବିଳମ୍ବିତ ରାତିରେ ତିନି ଯୁବକ ଘରେ ପଶି ଜଣେ ବିବାହିତ ମହିଳାଙ୍କୁ ଗଣ ଦୁଷ୍କର୍ମ କରିଥିଲେ । ଏହାପରେ ତାଙ୍କ ସ୍ବାମୀଙ୍କୁ ଏକ ଖୁଣ୍ଟରେ ବାନ୍ଧି ମାଡ ମାରିଥିଲେ । ମହିଳାଙ୍କ ଚିତ୍କାର ଶୁଣି ଘଟଣାସ୍ଥଳରେ ଗ୍ରାମବାସୀ ପହଞ୍ଚିବାରୁ ତିନି ଯୁବକ ଫେରାର ହେବାକୁ ଚେଷ୍ଟା କରିଥିଲେ । କିନ୍ତୁ ଜଣେ ଯୁବକଙ୍କୁ ଗ୍ରାମବାସୀ କାବୁ କରିଥିବା ବେଳେ ଦୁଇ ଜଣ ଫେରାର ହୋଇଯାଇଥିଲେ । ଏହାପରେ ମହିଳା ଜଣକ ନରପତଗଞ୍ଜ ପୋଲିସ ଷ୍ଟେସନରେ ତିନି ଯୁବକଙ୍କ ବିରୋଧରେ ଗଣଦୁଷ୍କର୍ମ ଅଭିଯୋଗ କରିଥିଲେ।
ଏହା ମଧ୍ୟ ପଢନ୍ତୁ-ସ୍ବାମୀକୁ ଘରେ ବନ୍ଦ କରି ସ୍ତ୍ରୀକୁ ଗଣଦୁଷ୍କର୍ମ, ଜଣେ ଗିରଫ
ସେହିପରି ଗତ ଜୁଲାଇ 9 ତାରିଖରେ ମହାରାଷ୍ଟ୍ରରେ ଏପରି ଏକ ଘଟଣା ସାମ୍ନାକୁ ଆସିଥିଲା । ସ୍ବାମୀକୁ ଗୋଟିଏ ଘରେ ବନ୍ଦ କରି ସ୍ତ୍ରୀକୁ ଗଣଦୁଷ୍କର୍ମ କରାଯାଇଥିବା ଅଭିଯୋଗ ହୋଇଥିଲା । ଫ୍ୟାକ୍ଟ୍ରିରେ କାର୍ଯ୍ୟରତ ଜଣେ ମହିଳା ଶ୍ରମିକଙ୍କୁ ମାଲିକଙ୍କ ସହ 11 ଜଣ ସାଥି ଶ୍ରମିକ ଗଣଦୁଷ୍କର୍ମ କରିଥିଲେ । ସତରା ଜିଲ୍ଲାର ଫାଲଟାନରେ ଏହି ଲଜ୍ଜାଜନକ ଘଟିଥିବା ସୂଚନା ମିଳିଥିଲା ।
