ଲକ୍ଷ୍ନୌ: ଉତ୍ତରପ୍ରଦେଶରେ ଅଭାବନୀୟ ଘଟଣା । ରୋଷେଇ କରୁଥିବା ସମୟରେ ସିଲିଣ୍ଡରରକୁ ଗ୍ୟାସ ଲିକ୍ ହେବାରୁ ବିସ୍ଫୋରଣ ଘଟି ତିନି ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଜଣେ ମହିଳା ଓ ତାଙ୍କ ଦୁଇ ଶିଶୁ ରହିଛନ୍ତି । ଉତ୍ତରପ୍ରଦେଶର ଲାଲାଉଲି ଅଞ୍ଚଳରେ ଏହି ଘଟଣା ଘଟିଥିବା ସୂଚନା ମିଳିଛି । ତିନି ମୃତକ ହେଉଛନ୍ତି ଅଳକା ଦେବୀ ଓ ତାଙ୍କ 4 ବର୍ଷର ପୁଅ ଗୌରବ କୁମାର ଓ ଦୁଇ ବର୍ଷର ଝିଅ ପରୀ ।
ଗୋଟିଏ ପରିବାରର ତିନି ମୃତ: ଅଳକା ଦେବୀ ରୋଷେଇ କରୁଥିବା ସମୟରେ ସିଲିଣ୍ଡରରୁ ଗ୍ୟାସ୍ ଲିକ୍ ହୋଇଥିଲା । ଏହାପରେ କେହି କିଛି ଜାଣିବା ଆଗରୁ ସିଲିଣ୍ଡିରଟି ବିସ୍ଫୋରଣ ହୋଇଥିଲା । ପ୍ରଚଣ୍ଡ ଶବ୍ଦ ଶୁଣି ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚି ଘର ଭିତରେ ଥିବା ମହିଳା ଓ ତାଙ୍କ ଦୁଇ ଶିଶୁଙ୍କୁ ଗୁରୁତର ଭାବେ ଉଦ୍ଧାର କରି ଜିଲ୍ଲା ହସ୍ପିଟାଲରେ ଭର୍ତ୍ତି କରିଥିଲେ। ଏହାପରେ ସ୍ବାସ୍ଥ୍ୟାବସ୍ଥା ବିଗିଡିବାରୁ ସମସ୍ତଙ୍କୁ କାନପୁର ହସ୍ପିଟାଲକୁ ରେଫର କରାଯାଇଥିଲା । ଚିକିତ୍ସାଧିନ ଅବସ୍ଥାରେ ତିନି ଜଣଙ୍କୁ ଡାକ୍ତର ମୃତ ଘୋଷଣା କରିଥିଲେ।
ଏହା ମଧ୍ୟ ପଢନ୍ତୁ-ବିଆରଏସ ବୈଠକ ବେଳେ ସିଲିଣ୍ଡର ବିସ୍ଫୋରଣ: ୪ ମୃତ, ୪ ଗୁରୁତର
ଏନେଇ ପୋଲିସ କହିଛି ଯେ, ଲାଲାଉଲି ଅଞ୍ଚଳର ଖାତାଉଲି ନିବାସୀ ଉମେଶ ବିଶ୍ୱକର୍ମା ଦୋକାନକୁ ଯାଇଥିବା ବେଳେ ତାଙ୍କ ପତ୍ନୀ ଅଲକା ଦେବୀ, ପୁଅ ଗୌରବ କୁମାର ଓ ଝିଅ ପରୀଙ୍କୁ ଘରେ ଥିଲେ । ଯେତେବେଳେ ଅଳକା ରୋଷେଇ କରିଥୁଲେ ସିଲିଣ୍ଡର ପାଇପ୍ରୁ ଗ୍ୟାସ ଲିକ୍ ହୋଇଥିଲା । ଏହାପରେ ସିଲିଣ୍ଡର ବିସ୍ଫୋରଣ ହେବାରୁ ଘରେ ନିଆଁ ଲାଗିଯାଇଥିଲା । ମାଆ ଓ ଦୁଇ ଶିଶୁ ନିଆଁରେ ଜଳି ଯାଇଥିଲେ । ଏହାପରେ ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚି ତିନି ଜଣଙ୍କୁ ଉଦ୍ଧାର କରି ଗୁରୁତର ଅବସ୍ଥାରେ ଜିଲ୍ଲା ଡାକ୍ତରଖାନାରେ ଭର୍ତ୍ତି କରିଥିଲେ । ପରେ ସ୍ବାସ୍ଥ୍ୟାବସ୍ଥା ଅଧିକ ବିଗିଡିଯିବାରୁ ତିନିଜଣଙ୍କୁ କାନପୁରକୁ ରେଫର୍ କରାଯାଇଥିଲା। ଅଧିକ ଚିକିତ୍ସା ପାଇଁ ପୁଣି ଏକଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସାଧିନ ଅବସ୍ଥାରେ ଡାକ୍ତର ସମସ୍ତଙ୍କୁ ମୃତ ଘୋଷଣା କରିଥିଲେ ଡାକ୍ତର ।
ଗତ ଏପ୍ରିଲ 13 ତାରିଖରେ ତେଲେଙ୍ଗାନାର ଖମାମ ଜିଲ୍ଲାରେ ମୁଖ୍ୟମନ୍ତ୍ରୀ କେସିଆରଙ୍କ ଭାରତ ରାଷ୍ଟ୍ର ସମିତିର ଏକ କାର୍ଯ୍ୟକ୍ରମସ୍ଥଳରେ ସିଲିଣ୍ଡର ବିସ୍ଫୋରଣ ହୋଇଥିଲା । ଏଥିରେ 4ଜଣଙ୍କର ମୃତ୍ୟୁ ହୋଇଥିବା ବେଳେ 4 ଜଣ ଗୁରୁତର ଆହତ ହୋଇଥିଲେ । ମୃତାହତଙ୍କ ମଧ୍ୟରେ ବିଆରଏସ୍ କର୍ମୀ ଓ ଜଣେ ପୋଲିସ ରହିଥିଲେ ।
