ଲକ୍ଷ୍ନୌ: ଉତ୍ତର ପ୍ରଦେଶର ଜଣେ ବିଜେପି ବିଧାୟିକାଙ୍କ ଗାଡି ଉପରକୁ ଆକ୍ରମଣ ହୋଇଛି । ଗତକାଲି ତିଲହର ବିଧାୟିକା ସଲୋନା କୁଶବାହା ଏକ ଧାର୍ମିକ କାର୍ଯ୍ୟକ୍ରମରୁ ଘରକୁ ଫେରୁଥିବା ସମୟରେ ବାଟରେ ତାଙ୍କ କାର୍ ଉପରେ ଆକ୍ରମଣ କରାଯାଇଛି । କେହି ଦୁର୍ବୃତ୍ତ ତାଙ୍କ ଗାଡିକୁ ଗୁଳିମାଡ କରିଥିବା ବିଧାୟିକା ଆଶଙ୍କା କରୁଥିବା ବେଳେ ପୋଲିସ କାର ଭିତରୁ ପଥର ଖଣ୍ଡ ପାଇଛି । ଏହି ଆକ୍ରମଣରେ ତାଙ୍କ ଗାଡିର କାଚ ଭାଙ୍ଗି ଯାଇଛି । ତେବେ ବିଧାୟିକା ସମ୍ପୂର୍ଣ୍ଣ ସୁରକ୍ଷିତ ଅଛନ୍ତ । ଏନେଇ ଅଭିଯୋଗ ପରେ ପୋଲିସ ମାମଲାର ଛାନଭିନ୍ କରୁଛି ।
ଏହାମଧ୍ୟ ପଢନ୍ତୁ: କଲେଜ ବାହାରେ ଭାଇକୁ ଅପେକ୍ଷା କରିଥିଲେ, ଛାତ୍ରୀଙ୍କୁ ଅପହରଣ ପରେ ଗଣଦୁଷ୍କର୍ମ କଲେ ସଇତାନ
ସୂଚନା ମୁତାବକ, ଗତ ରାତିରେ ବିଜେପି ବିଧାୟିକା ସଲୋନା କୁଶବାହା ତିଲହର ଅଞ୍ଚଳରେ ଏକ ଧାର୍ମିକ କାର୍ଯ୍ୟକ୍ରମ ସାରି ଘରକୁ ଫେରୁଥିଲେ । ବାଟରେ ତାଙ୍କ ଗାଡିର ପଛଭାଗରେ ଥିବା କାଚରେ ଜୋରରେ କୌଣସି ବସ୍ତୁ ମାଡ ହୋଇଥିଲା ଏବଂ ଭୀଷଣ ଶବ୍ଦ ଶୁଭିଥିଲା । ଏହାଦେଖି ଡ୍ରାଇଭର ଦ୍ରୁତଗତିରେ ଗାଡିକୁ ଆଗକୁ ନେଇ ଯାଇଥିଲେ । ଘଟଣାସ୍ଥଳରୁ ସୁରକ୍ଷିତ ସ୍ଥାନକୁ ଯିବା ପରେ ବିଧାୟିକା ଏ ସମ୍ପର୍କରେ ପୋଲିସକୁ ସୂଚନା ଦେଇଥିଲେ ।
