ଅହମ୍ମଦାବାଦ: ଆସନ୍ତା 28 ରେ ଗୁଜୁରାଟ ଗସ୍ତ କରିପାରନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଗସ୍ତ ସମୟରେ ସେ ଜିଡସ୍ ପ୍ଲାଣ୍ଟ ପରିଦର୍ଶନ ପରେ ଗୁଜୁରାଟରୁ କୋରୋନା ଭ୍ୟାକସିନ ବିତରଣ ନେଇ କିଛି ବଡ ଘୋଷଣା କରିପାରନ୍ତି ।
ଦେଶରେ କୋରୋନା ସଂକ୍ରମଣ ବଢିବଢି ଚାଲିଥିବାବେଳେ ଦିର୍ଘ 9 ମାସ ହେଲା ଭାରତବାସୀ କୋରୋନା ସହ ସଂଗ୍ରାମ ଜାରି ରଖିଛନ୍ତି । ଆଉ ଏଭଳି ସ୍ଥିତିରେ କୋରୋନା ଭ୍ୟାକସିନ ନେଇ ସମସ୍ତେ ଅପେକ୍ଷାରତ । ଯାହାକୁ ନେଇ ପ୍ରଧାନମନ୍ତ୍ରୀଙ୍କ ଠାରୁ ଏସମ୍ପର୍କରେ କିଛି ଘୋଷଣା କରିପାରିବା ନେଇ ଆଶା କରାଯାଉଛି ।
ଏହି ଗସ୍ତ ସମୟରେ ମୋଦି ଜିଡସ୍ ପ୍ଲାଣ୍ଟ ପରିଦର୍ଶନର ସମ୍ଭାବନା ରହିଛି । ତେବେ ଭ୍ୟାକସିନ ତିଆରିରେ ଜିଡସ୍ ପ୍ଲାଣ୍ଟ ଅନ୍ତିମ ପର୍ଯ୍ୟାୟରେ ନିଜ ଭ୍ୟାକସିନ ଜିକୋଭ-ଡି(Zykov-D) ଟୀକାକୁ ପ୍ରସ୍ତୁତ କରିଛି । ଯାହା ସମ୍ପର୍କରେ ମୋଦି କିଛି ବଡ ଘୋଷଣା କରିପାରିବା ନେଇ ଆଶା କରାଯାଉଛି ।
