ନୂଆଦିଲ୍ଲୀ: କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କ ମାତୃ ବିୟୋଗ ଘଟିଛି । ଗତ ଶନିବାର (27 ତାରିଖ) ସୋନିଆଙ୍କ ମା ପାଓଲା ମାଇନୋ (Paola Maino)ଙ୍କ ପରଲୋକ ହୋଇଛି (Sonia Gandhis Mother Dies in Italy)। ଗତକାଲି ତାଙ୍କର ଶେଷକୃତ୍ୟ ମଧ୍ୟ ସମ୍ପନ୍ନ ହୋଇଛି । ମୃତ୍ୟୁ ବେଳକୁ ତାଙ୍କୁ ପ୍ରାୟ 90 ବର୍ଷ ବୟସ ହୋଇଥିଲା ଓ ସେ ବାର୍ଦ୍ଧକ୍ୟଜନିତ ଅସୁସ୍ଥତାରେ ପୀଡିତ ଥିବା ସୂଚନା ମିଳିଛି । ଏନେଇ ଆଜି ଦଳର ବରିଷ୍ଠ ନେତା ଜୟରାମ ରମେଶ ଟ୍ବିଟ କରି ସୂଚନା ଦେଇଛନ୍ତି ।
-
"Smt Sonia Gandhi’s mother, Mrs. Paola Maino passed away at her home in Italy on Saturday the 27th August, 2022. The funeral took place yesterday," tweets Jairam Ramesh, General Secretary in-charge Communications, Congress pic.twitter.com/2sdcBU6bjs
— ANI (@ANI) August 31, 2022 " class="align-text-top noRightClick twitterSection" data="
">"Smt Sonia Gandhi’s mother, Mrs. Paola Maino passed away at her home in Italy on Saturday the 27th August, 2022. The funeral took place yesterday," tweets Jairam Ramesh, General Secretary in-charge Communications, Congress pic.twitter.com/2sdcBU6bjs
— ANI (@ANI) August 31, 2022"Smt Sonia Gandhi’s mother, Mrs. Paola Maino passed away at her home in Italy on Saturday the 27th August, 2022. The funeral took place yesterday," tweets Jairam Ramesh, General Secretary in-charge Communications, Congress pic.twitter.com/2sdcBU6bjs
— ANI (@ANI) August 31, 2022
ସୋନିଆ ଗାନ୍ଧୀ (Congress President Sonia Gandhi), ପୁଅ ରାହୁଲ ଓ ଝିଅ ପ୍ରିୟଙ୍କାଙ୍କ ସହ 23 ତାରିଖରୁ ବିଦେଶ ଗସ୍ତରେ ଅଛନ୍ତି । ଦଳ ପକ୍ଷରୁ ତାଙ୍କ ଗସ୍ତ ସମ୍ପର୍କରେ କିଛି ସବିଶେଷ ତଥ୍ୟ ପ୍ରକାଶ କରାଯାଇନାହିଁ । ଆଜି ଦଳର ବରିଷ୍ଠ ନେତା ତଥା ମହାସଚିବ ଜୟରାମ ରମେଶ ଟ୍ବିଟ କରି ସୋନିଆଙ୍କ ମାଙ୍କ ନିଧନ ନେଇ ସୂଚନା ଦେଇଛନ୍ତି । ତେବେ ସୋନିଆ ତାଙ୍କ ଅସୁସ୍ଥ ମା’ଙ୍କୁ ଭେଟିଥିବା ମଧ୍ୟ ସୂଚନା ମିଳିଛି । ପୂର୍ବରୁ ରାହୁଲ ଓ ପ୍ରିୟଙ୍କା ମଧ୍ୟ ଅନେକ ଥର ଇଟାଲୀ ଗସ୍ତ କରି ନିଜ ଜେଜେମା’ଙ୍କୁ ସାକ୍ଷାତ କରିଛନ୍ତି ।
2020 ରେ ରାହୁଲଙ୍କ ବାରମ୍ବାର ବିଦେଶ ଗସ୍ତ ନେଇ ସମାଲୋଚନା ହେବା ପରେ ଦଳ ପକ୍ଷରୁ ଏନେଇ ସୂଚନା ଦିଆଯାଇଥିଲା । ରାହୁଲ ନିଜର ଜଣେ ଅସୁସ୍ଥ ସମ୍ପର୍କୀୟଙ୍କୁ ଭେଟିବା ପାଇଁ ଇଟାଲୀ ଗସ୍ତ କରିଥିବା ଦଳ ପକ୍ଷରୁ ସ୍ପଷ୍ଟୀକରଣ ରଖାଯାଇଥିଲା । ତେବେ ସେତେବେଳେ ସେହି ଅସୁସ୍ଥ ସମ୍ପର୍କୀୟ କିଏ, ତାହା ସ୍ପଷ୍ଟ ହୋଇନଥିଲା । ରାହୁଲଙ୍କ ମାମୁଁଘର ଇଟାଲୀ ହୋଇଥିବା ଯୋଗୁ ସେ କୌଣସି ସମ୍ପର୍କୀୟଙ୍କୁ ଭେଟିବାକୁ ଯାଉଥିବା ଅନୁମାନ କରାଯାଇଥିଲା । ତେବେ ଏବେ ସୋନିଆଙ୍କ ମା’ଙ୍କ ମୃତ୍ୟୁ ଖବର ସାମ୍ନାକୁ ଆସିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
