ଡେରାଡୁନ୍: ମୁଖ୍ୟମନ୍ତ୍ରୀ ତ୍ରିବେନ୍ଦ୍ର ସିଂ ରାୱତଙ୍କ ସହ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ କେଦାରନାଥରେ ପହଞ୍ଚିଛନ୍ତି । ସେଠାରେ ସେ ବାବା କେଦାରଙ୍କୁ ପୂଜା କରିଛନ୍ତି । ଏହି ସମୟରେ ତ୍ରିବେନ୍ଦ୍ର ସିଂ ରାୱତ ଏବଂ ୟୁପି ସିଏମ ଯୋଗୀ ଆଦିତ୍ୟନାଥ କେଦାରପୁରୀରେ ପୁନଃନିର୍ମାଣ କାର୍ଯ୍ୟର ଅଂଶ ଗ୍ରହଣ କରିଥିଲେ।
ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଉତ୍ତରାଖଣ୍ଡ ଗସ୍ତରେ ଯାଇ କେଦାରନାଥ ଏବଂ ବଦ୍ରିନାଥ ପରିଦର୍ଶନ କରିଛନ୍ତି। କେଦାରପୁରୀରେ ପୂଜା କରିବା ପରେ ଯୋଗୀ ସେଠାରେ ରାତି ବିଶ୍ରାମ କରିବେ। ସୋମବାର ଯୋଗୀ ଆଦିତ୍ୟନାଥ ବଦ୍ରିନାଥ ଧାମରେ ପ୍ରଭୁ ବଦ୍ରିନାଥଙ୍କୁ ଭେଟିବେ। ଏହାପରେ ସେ ୟୁପି ସରକାରଙ୍କ ଗେଷ୍ଟ ହାଉସର ଉଦଘାଟନ କରିବେ। ଏହି ସମୟରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ତ୍ରିବେନ୍ଦ୍ର ସିଂ ରାୱତ ମଧ୍ୟ ଉପସ୍ଥିତ ରହିବେ। ପ୍ରକାଶଥାଉକି, ବିହାର ନିର୍ବାଚନରେ ବିଜେପିର ଚମତ୍କାର ବିଜୟ ଏବଂ ୟୁପି ଉପ-ନିର୍ବାଚନରେ ଦଳର ବିଜୟ ପରେ ଯୋଗୀ ପ୍ରଥମ ଥର ପାଇଁ ରାଜ୍ୟ ବାହାରକୁ ଯାଉଛନ୍ତି।
ଏଥିସହ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ତ୍ରିବେନ୍ଦ୍ର ସିଂ ରାୱତଙ୍କ ଗସ୍ତକୁ ଦୃଷ୍ଟିରେ ରଖି କେଦାରନାଥ ଏବଂ ବଦ୍ରିନାଥରେ କଡା ସୁରକ୍ଷା ବ୍ୟବସ୍ଥା କରାଯାଇଛି । ପୋଲିସ୍ ଫୋର୍ସ ସହିତ ଧାମରେ ଏଟିଏସ୍ କମାଣ୍ଡୋ ମଧ୍ୟ ନିୟୋଜିତ କରାଯାଇଛି। ଅନ୍ୟପକ୍ଷେ କେଦାରନାଥରେ ଶୀତ ତୁଷାରପାତ ଆରମ୍ଭ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
