ଲକ୍ଷ୍ମୌ: ଅଯୋଧ୍ୟାରେ ଶ୍ରୀରାମ ମନ୍ଦିର ଉଦଘାଟନୀ ମହୋତ୍ସବରୁ ନେଇ ଉତ୍ସବମୁଖର ସମଗ୍ର ଦେଶ । ଜାନୁଆରୀ 22ରେ ମନ୍ଦିର ଗର୍ଭଗୃହରେ ରାମଲାଲାଙ୍କ ପ୍ରାଣ ପ୍ରତିଷ୍ଠା କରାଯିବ । ପ୍ରାଣ ପ୍ରତିଷ୍ଠା ପାଇଁ 84 ସେକେଣ୍ଡକୁ ଶୁଭ ମୁହୂର୍ତ୍ତ ଭାବେ ଗଣନା କରାଯାଇଛି । ଏହି 84 ସେକେଣ୍ଡ୍ ସମୟକୁ ଅତ୍ୟନ୍ତ ଶୁଭ ସମୟ ବୋଲି ଅନେକ ବିଦ୍ୱାନ ମତ ରଖିଛନ୍ତି । ଏହି ସମୟରେ ଯେଉଁ ଶିଶୁ ଜନ୍ମ ସେମାନେ ବେଶ ଭାଗ୍ୟବାନ ହେବେ ବୋଲି କୁହାଯାଉଛି । ଯେଉଁଥିପାଇଁ ଏହି ସମୟରେ ଶିଶୁକୁ ଡେଲିଭରି କରିବା ପାଇଁ ଅନେକ ବାପାମାଆ ଡାକ୍ତରଙ୍କ ସହ ଆଲୋଚନା କରିଥିବା ଜଣାପଡିଛି। ପ୍ରଖ୍ୟାତ ଜ୍ୟୋତିର୍ବିଦ ପଣ୍ଡିତ ଋଷି ଦ୍ବିବେଦୀ ନେଇ ସୂଚନା ଦେଇଛନ୍ତି ।
ଜ୍ୟୋତିର୍ବିଦ ପଣ୍ଡିତ ଋଷି ଦ୍ବିବେଦୀଙ୍କ କହିବାନୁଯାୟୀ, ଜାନୁଆରୀ 22ତାରିଖ ଦିନ ପ୍ରାଣ ପ୍ରତିଷ୍ଠା ପାଇଁ ବାହାର କରାଯାଇଥିବା 84 ସେକେଣ୍ଡ ବେଶ ବିଶେଷ ସମୟ ଅଟେ । ଏହି ବିଶେଷ ମୂହୁର୍ତ୍ତ 12ଟା ବାଜି 29 ମିନିଟ 8 ସେକେଣ୍ଡରୁ 12ଟା ବାଜି 30ମିନିଟ 32 ସେକେଣ୍ଡ ପର୍ଯ୍ୟନ୍ତ ଅଟେ । ଏହି ସମୟରେ ମେଷ ଲଗ୍ନ ଓ ମିଥୁନ ରାଶିରେ ଜନ୍ମ ଗ୍ରହଣ କରିଥିବା ଶିଶୁ ବେଶ ଭାଗ୍ୟବାନ ହେବ ବୋଲି ଜ୍ୟୋତିର୍ବିଦଙ୍କ ପକ୍ଷରୁ କୁହାଯାଇଛି । ମୃଗଶିରା ନକ୍ଷତ୍ର ଓ ଚନ୍ଦ୍ର ରହିଥିଲେ ଏହା ରାଜଯୋଗ ଅଟେ ।
ଏହାମଧ୍ୟ ପଢନ୍ତୁ.. ରାମଲାଲାଙ୍କ ପ୍ରାଣ ପ୍ରତିଷ୍ଠାକୁ ନେଇ ବିଶ୍ୱ ରାମମୟ, ଆମେରିକାରେ ୪୦ ସ୍ଥାନରେ ଲାଗିଲା ହୋଡିଂ
ଏହି ସମୟରେ କରାଯାଇଥିବା ସମସ୍ତ କାର୍ଯ୍ୟ ହେବ ସଫଳ: ପଣ୍ଡିତ ଋଷି ଦ୍ବିବେଦୀ ଆଉ ମଧ୍ୟ କହିଛନ୍ତି ଯେ, ଏହି 84 ସେକେଣ୍ଡରେ ମଧ୍ୟରେ ଯେଉଁ କାର୍ଯ୍ୟ କରିବ ତାହା ସଫଳ ହେବ । ଏହି ସମୟରେ ଯାହା ଇଚ୍ଛା ରଖିବେ ତାହା ପୂରଣ ହେବ । ଶିକ୍ଷା, ବାଣିଜ୍ୟ ଓ ଅନ୍ୟ ସମସ୍ତ କ୍ଷେତ୍ରରେ ଏହି ସମୟ ଶୁଭଫଳ ଆଣିଦେବ ବୋଲି କହିଛନ୍ତି ପଣ୍ଡିତ ଋଷି ଦ୍ବିବେଦୀ ।
ଅନ୍ୟପଟେ ଶ୍ରୀ ରାମ ଜନ୍ମଭୂମୀ ତୀର୍ଥକ୍ଷେତ୍ର ମୁଖ୍ୟ ସାଧୁ ଆଚାର୍ଯ୍ୟ ସତ୍ୟେନ୍ଦ୍ର ଦାସ କହିଛନ୍ତି ଯେ,ଏବେ ରାମ ରାଜ୍ୟ ଆସିବାକୁ ଯାଉଛି । ରାମ ମନ୍ଦିର ପ୍ରତିଷ୍ଠା ରାଜନୀତି ନୁହେଁ ବରଂ ଧର୍ମନୀତି ଅଟେ । ଏହୀ ଭଗବାନଙ୍କ ଚମତ୍କାର ଅଟେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
