ନୂଆଦିଲ୍ଲୀ: ସିବିଆଇ ମୁଖ୍ୟଙ୍କ ନିଯୁକ୍ତି ଭଳି ମୁଖ୍ୟ ନିର୍ବାଚନ ଆୟୋଗ ଓ ନିର୍ବାଚନ ଆୟୋଗଙ୍କ ନିଯୁକ୍ତି ହେବ। ଏକ କମିଟି ଗଠନ ହେବ, ଯେଉଁ କମିଟିରେ ପ୍ରଧାନମନ୍ତ୍ରୀ ଲୋକସଭାର ବିରୋଧୀ ଦଳନେତା ଓ ପ୍ରଧାନବିଚାରପତି ସଦସ୍ୟ ରହିବେ। କମିଟି ରାଷ୍ଟ୍ରପତିଙ୍କ ପାଖକୁ ଚୂଡାନ୍ତ ନା ସୁପାରିଶ କରିବ । ରାଷ୍ଟ୍ରପତିଙ୍କ ମଞ୍ଜୁରୀ ପରେ ମୁଖ୍ୟ ନିର୍ବାଚନ ଆୟୋଗ ଓ ନିର୍ବାଚନ ଆୟୋଗ ନିଯୁକ୍ତି ହେବେ । ଭାରତୀୟ ମୁଖ୍ୟ ନିର୍ବାଚନ ଆୟୋଗ ଓ ନିର୍ବାଚନ ଆୟୋଗଙ୍କ ନିଯୁକ୍ତି କିପରି ହେବ ଏହା ଉପରେ ଶୁଣାଣି କରି ସର୍ବୋଚ୍ଚ ଅଦାଲତ ଆଜି ଏହି ଗୁରୁତ୍ବପୂର୍ଣ୍ଣ ରାୟ ଦେଇଛନ୍ତି ।
ଏହାବି ପଢନ୍ତୁ- Meghalaya Election Result 2023: ମେଘାଳୟରେ ଝୁଲା ସରକାର ! NPPର ପଲ୍ଲା ଭାରି
ସୁପ୍ରିମକୋର୍ଟରେ ଦାଖଲ ହୋଇଥିବା ଏକ ମାମାଲର ଶୁଣାଣି କରି ଆଜି ସର୍ବୋଚ୍ଚ ଅଦାଲତ କହିଛନ୍ତି‘‘ ଏକ କମିଟି ଗଠନ ହେବ, ଯେଉଁ କମିଟିରେ ପ୍ରଧାନମନ୍ତ୍ରୀ ଲୋକସଭାରେ ବିରୋଧୀ ଦଳନେତା ଓ ପ୍ରଧାନବିଚାରପତି ସଦସ୍ୟ ରହିବେ । କମିଟି ରାଷ୍ଟ୍ରପତିଙ୍କ ପାଖୁ ନା ସୁପାରିଶ କରିବ । ରାଷ୍ଟ୍ରପତିଙ୍କ ମଞ୍ଜୁରୀ ପରେ ମୁଖ୍ୟ ନିର୍ବାଚନ ଆୟୋଗ ଓ ନିର୍ବାଚନ ଆୟୋଗ ନିଯୁକ୍ତି ହେବେ । ’’ ସୁପ୍ରିମକୋର୍ଟ ସ୍ପଷ୍ଟ କରିଛନ୍ତି ଯଦି ଲୋକସଭାରେ ବିରୋଧୀ ଦଳନେତା ନାହାଁନ୍ତି, ସେହିକ୍ଷେତ୍ରରେ ସର୍ବବୃହତ ଦଳର ସଂସଦୀୟ ନେତା ଏହି କମିଟିର ସଦସ୍ୟ ରହିବେ ।
ଭାରତୀୟ ମୁଖ୍ୟ ନିର୍ବାଚନ ଆୟୋଗ, ନିର୍ବାଚନ ଆୟୋଗଙ୍କ ନିଯୁକ୍ତିକୁ ନେଇ ସୁପ୍ରିମକୋର୍ଟରେ ଏକ ଯାଚିକା ଦାୟର ହୋଇଥିଲା । ଦାୟର ଯାଚିକାରେ ପ୍ରାର୍ଥନା କରାଯାଇଥିଲା କି ମୁଖ୍ୟ ନିର୍ବାଚନ ଆୟୋଗ ଓ ନିର୍ବାଚନ ଆୟୋଗଙ୍କ ନିଯୁକ୍ତି ପାଇଁ କଲେଜିୟମ ଭଳି ଏକ ବ୍ୟବସ୍ଥା କରାଯାଉ । କାରଣ କଲେଜିୟମରେ ସୁପ୍ରିମକୋର୍ଟର ବିଚାରପତି ଥାଆନ୍ତି । ବିଚାରପତିଙ୍କ ନିଯୁକ୍ତି ନେଇ କଲେଜୟିମ କେନ୍ଦ୍ର ସରକାରଙ୍କୁ ନା ସୁପାରିଶ କରିଥାଏ । କେନ୍ଦ୍ର ସରକାରଙ୍କ ମଞ୍ଜୁର ପରେ ବିଚାରପତି ନିଯୁକ୍ତି ପାଇଥାନ୍ତି । ଠିକ ସେହିଭଳି ଏହି ନିଯୁକ୍ତି ମଧ୍ୟ କରାଯାଉ ।
ଏହାବି ପଢନ୍ତୁ- Tripura Election 2023: ପ୍ରତିମୁହୂର୍ତ୍ତରେ ବଦଳୁଛି ତ୍ରିପୁରା ଗଣତି, TMP ହେବ କି କିଙ୍ଗମେକର ?
ମାମଲାର ଶୁଣାଣି କରି ସାମ୍ବିଧାନିକ ଖଣ୍ଡପୀଠ କହିଛନ୍ତି, ‘‘ଯେ ପର୍ଯ୍ୟନ୍ତ ସଂସଦ ନୂଆ ଆଇନ ପ୍ରଣୟନ କରିନାହିଁ ସେ ପର୍ଯ୍ୟନ୍ତ ଏହି ରାୟ ଅନୁସାରେ ସିଇସି ଓ ଇସି ନିଯୁକ୍ତି ହେବେ । ’’ ଯେକୌଣସି ନିର୍ବାଚନ ବି ହେଉ ତାହା ଅବାଧ ମୁକ୍ତ ଓ ନିରପେକ୍ଷ ହେବା ଜରୁରୀ । ଏହାର ଶୁଦ୍ଧତା ସ୍ବଚ୍ଛତା ବଜାୟ ରଖିବା ହିଁ ଭାରତୀୟ ନିର୍ବାଚନ ଆୟୋଗଙ୍କ ପ୍ରଧାନକର୍ତ୍ତବ୍ୟ ଓ ଦାୟିତ୍ବ । ମୁଖ୍ୟ ନିର୍ବାଚନ ଆୟୋଗଓ ନିର୍ବାଚନ କମିଶନର ନିଯୁକ୍ତ କରିବାର ସର୍ବୋଚ୍ଚ କ୍ଷମତା ରାଷ୍ଟ୍ରପତିଙ୍କର ରହିଛି । କିନ୍ତୁ ଚୟନ ପ୍ରକ୍ରିୟାରେ ସ୍ବଚ୍ଛତା ରହିବା ବି ଜରୁରୀ । ଏଥିପାଇଁ ପ୍ରଧାନମନ୍ତ୍ରୀ, ଲୋକସଭାର ବିରୋଧୀ ଦଳ ନେତା ଓ ପ୍ରଧାନ ବିଚାରପତିଙ୍କୁ ନେଇ ଏକ ସ୍ବତନ୍ତ୍ର ପ୍ୟାନେଲ ବା କମିଟି ଏହି ଏହି ଚୟନ କରିବ ।
ଯାଚିକାକର୍ତ୍ତା ଅନୁପ ବରାୱଂଲଙ୍କ ପକ୍ଷରୁ ଦାୟର ଏହି ମାମଲର ଶୁଣାଣି ପାଇଁ କୋର୍ଟ ଗ୍ରହଣ କରିବା ସହ ୨୩ ଅକ୍ଟୋବର ୨୦୧୮ ରେ ମାମଲାକୁ ଏକ ସାମ୍ବିଧାନିକ ପୀଠକୁ ପଠାଇଥିଲେ । ଆଜି ସାମ୍ବିଧାନିକ ଖଣ୍ଡପୀଠର ୫ ଜଣିଆ ବିଚାରପତି ଜଷ୍ଟିସ ହୃଷିକେଶ ରାୟ, ଜଷ୍ଟିସ ଅନିଋଦ୍ଧ ବୋଷ, ଜଷ୍ଟିସ ଅଜୟ ରସ୍ତୋଗୀ, ଜଷ୍ଟିସ କେଏମ ଜୋସେଫ ଓ ଜଷ୍ଟିସ ସିଟି ରବିଶ କୁମାର ଏହି ରାୟ ଶୁଣାଇଛନ୍ତି ।
ଇଟିଭି ଭାରତ, ନୂଆଦିଲ୍ଲୀ
