ନୂଆଦିଲ୍ଲୀ: ପଞ୍ଚଭୂତରେ ବିଲୀନ ହେଲେ ଦେଶର ପ୍ରଥମ ସିଡିଏସ ଜେନରାଲ ବିପିନ ରାୱତ (CDS Bipin Rawat funeral )। ସମ୍ପୂର୍ଣ୍ଣ ରାଷ୍ଟ୍ରୀୟ ମର୍ଯ୍ୟଦା (Full of state Honor) ସହ ସିଡିଏସ ଜେନରାଲ ଓ ତାଙ୍କ ପତ୍ନୀ ମଧୁଲିକା ରାୱତଙ୍କୁ ଦିଆଗଲା ଅନ୍ତିମ ବିଦାୟ ।
ଦିଲ୍ଲୀ କେଣ୍ଟନମେଣ୍ଟ ସ୍ଥିତ ବ୍ରାର ଶ୍ମଶାନରେ ସେନାର ୧୭ ତୋପ ସାଲମୀ ସହ ଦିଆଗଲା ବିଦାୟ । ତାଙ୍କ ଦୁଇ ଝିଅ ମୁଖାଗ୍ନି ଦେଇଥିଲେ । ତାମିଲନାଡୁର କୁନ୍ନୁର ହେଲିକପ୍ଟର ଦୁର୍ଘଟଣାରେ ଦେଶର ସିଡିଏସ ଜେନରାଲ ଓ ତାଙ୍କ ପତ୍ନୀ ସମେତ ୧୩ ଜଣ ପ୍ରାଣ ହରାଇଥିଲେ ।
ଶୁକ୍ରବାର ସିଡିଏସ ବିପିନ ରାୱତଙ୍କ ଶୋଭାଯାତ୍ରା ବାସଭବନରୁ ଦିଲ୍ଲୀ କେଣ୍ଟନମେଣ୍ଟ ସ୍ଥିତ ବ୍ରାର ଶ୍ମଶାନ ଅଭିମୁଖେ ବାହାରିବା ପରେ ଲୋକାରଣ୍ୟ ହୋଇଥିଲ । ବହୁ ବିଶିଷ୍ଠ ବ୍ୟକ୍ତି ଶେଷ ଦର୍ଶନ ପରେ ଆରମ୍ଭ ହୋଇଥ ଥିଲା ଶୋଭାଯାତ୍ରା। ଅନ୍ତିମ ଶୋଭାଯାତ୍ରା ବେଳେ ରାସ୍ତାର ଉଭୟ ପାର୍ଶ୍ବରେ ଲୋକେ ତାଙ୍କୁ ଅନ୍ତିମ ବିଦାୟ ଜଣାଇଥିଲେ । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ସମେତ ତିନି ସେନାର ସେନାଧ୍ୟକ୍ଷ ସମେତ ବହୁ ସେନା ଅଧିକାରା ସାମିଲ ହୋଇଥିଲେ । ଏହା ସହ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କରସିଂହ ଧାମୀ ମଧ୍ୟ ସାମିଲ ହୋଇଥିଲେ ।
ସୂଚନାଥାଉକି ଗତ ବୁଧବାର ଦିନ ତାମିଲନାଡୁର ସୁରୁର ଏୟାର ବେସର ୱେଲିଂଟନ ଏୟାର ଡିଫେନ୍ସ କଲେଜରେ ଯିବାବେଳେ ନୀଳଗିର ଅଞ୍ଚଳରେ ହେଲିକପ୍ଟର Mi 17V5 ଦୁର୍ଘଟଣା ହୋଇଥିଲା ।
ଯେଉଁଥିଲେ ୧୪ ଜଣଙ୍କ ମଧ୍ୟରୁ ସିଡିଏସ ବିପିନ ରାୱତ ସମେତ ୧୩ ଜଣଙ୍କ ମୃତ୍ୟୁ ଘଟିଛି । ତେବେ ଏହି ଘଟାଣାର ତଦନ୍ତ ପାଇଁ ଏୟାର ମାର୍ଶାଲ ମାନଭେନ୍ଦ୍ର ସିଂହଙ୍କୁ ଦାୟିତ୍ବ ଦିଆଯାଇଛି । ଦୁର୍ଘଟଣା ସ୍ଥଳରୁ ହେଲିକପ୍ଟରର ବ୍ଲାକ ବକ୍ସ ଉଦ୍ଧାର କରାଯାଇଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
