ମୁମ୍ବାଇ: ଡିଏଚ୍ଏଫଏଲ(Dewan Housing Finance Ltd) ବ୍ୟାଙ୍କ ଦୁର୍ନୀତି ମାମଲାରେ ବଡ ଧରଣର କାର୍ଯ୍ୟାନୁଷ୍ଠାନ ଗ୍ରହଣ କରିଛି ସିବିଆଇ । ୩୪,୬୧୫ କୋଟି ଟଙ୍କାର ଡିଏଚଏଫଏଲ ଘୋଟାଲା ମାମଲାରେ ସିବିଆଇ ଟିମ ପୁଣେ ସ୍ଥିତ ବିଲ୍ଡର ଅବିନାଶ ଭୋସଲେଙ୍କ ଏକ ହେଲିକପ୍ଟର ଜବତ କରିଛି । ଏନେଇ ଗତକାଲି ସିବିଆଇ ପକ୍ଷରୁ ସୂଚନା ଦିଆଯାଇଛି । ଗତ କିଛି ଦିନ ଧରି ଟିମ ବିଭିନ୍ନ ସ୍ଥାନରେ ଚଢଉ ଜାରି ରଖିଥିବା ନେଇ ସୂଚନା ରହିଛି । ଡିଏଚଏଫଏଲର ପୂର୍ବତନ ଶୀର୍ଷ ଅଧିକାରୀ କପିଲ ୱଧାୱନ, ଦୀପକ ୱଧାୱନ ଏହି ମାମଲାର ମୁଖ୍ୟ ଅଭିଯୁକ୍ତ ଥିବା ଜୁନ ୨୦ରେ ଅଭିଯୋଗ ହୋଇଥିଲା ।
ସିବିଆଇ ଅନୁସାରେ, ୟୁନିୟନ ବ୍ୟାଙ୍କ ଅଫ୍ ଇଣ୍ଡିଆର ନେତୃତ୍ୱରେ ଥିବା ୧୭ ବ୍ୟାଙ୍କ ସହ ଠକେଇ ହୋଇଥିବା ନେଇ DHFL ବିରୋଧରେ ଅଭିଯୋଗ ହୋଇଥିଲା । ଏହି ଆଧାରରେ ସିବିଆଓ ଡିଏଚଏଫଏଲର ବ୍ୟାଙ୍କ ର୍ଦୁନୀତିର ତଦନ୍ତ ଆରମ୍ଭ କରିଥିଲା । ଏହି ବ୍ୟାଙ୍କ ଦୁର୍ନୀତି ପାଖାପାଖି ୩୪,୬୧୪ କୋଟି ଟଙ୍କାର ହେବ । ଏହା ପୂର୍ବରୁ ସିବିଆଇ ସୋମବାର ୟେସ ବ୍ୟାଙ୍କ-ଡିଏଚଏଫଏଲ ଋଣ ଠକେଇ ମାମଲାରେ ଏକ ଚାର୍ଜସିଟ ମଧ୍ୟ ଦାଖଲ କରିଥିଲା । ଅବିନାଶ ଭୋସଲେ ହେଉଛନ୍ତି ABIL ଗ୍ରୁପ୍ର ପ୍ରମୋଟର । ଗତ ମେ’ ୨୬ ତାରିଖରେ ସିବିଆଇ ଅବିନାଶ ଭୋସଲେଙ୍କୁ ଗିରଫ କରିଥିଲା।
