କୋଲକାତା: ‘କୋରୋନା ଲହର ଶେଷ ହେବା ପରେ ଲାଗୁ ହେବ ନାଗରିକ ସଂଶୋଧନ ନିୟମ(Citizenship Amendment Act) ନାଗରିକ ସଂଶୋଧନ ନିୟମ ଯେପରି ପଶ୍ଚିମବଙ୍ଗରେ ତୃଣମୂଳ ସ୍ତରରେ ଲାଗୁ ନ ହେବ ସେନେଇ ମମତା ଗୁଜବ ପ୍ରଚାର କରୁଛନ୍ତି । ହେଲେ ବିଜେପି କୋଭିଡ ଲହର ଶେଷ ହେବା ପରେ ଏହାକୁ ତୃଣମୂଳ ସ୍ତରରେ ଲାଗୁ କରାଇବ । (CAA)ନାଗରିକ ସଂଶୋଧନ ନିୟମ ଥିଲା, ଅଛି ଓ ରହିବ’ ବୋଲି ପଶ୍ଚିମବଙ୍ଗ ସିଲିଗୁଡିରେ ଆୟୋଜିତ ହୋଇଥିବା ଏକ ସାଧାରଣ ସଭାକୁ ସମ୍ବୋଧିତ କରୁଥିବା ବେଳେ ଏପରି କହିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ (Home Minister Amit Shah) ।
ଶାହ ଆହୁରି କହିଛନ୍ତି କି, ‘ପଶ୍ଚିମବଙ୍ଗରେ ଟିଏମସିର ଅତ୍ୟାଚାରକୁ ବନ୍ଦ କରିବା ସହ ଗଣତନ୍ତ୍ରର ପୁନଃ ସ୍ଥାପନା ଯେ ପର୍ଯ୍ୟନ୍ତ ରାଜ୍ୟରେ ନ ହୋଇଛି । ସେ ଯାଏଁ ବିଜେପି ଏଭଳି ଭାବରେ ବିରୋଧ ଜାରି ରଖିବ । ବେଙ୍ଗଲରେ ଦୁର୍ନୀତି, ନିର୍ଯାତନା, ରାଜନୈତିକ ହିଂସା ସୀମା ଟପିଛି । ଗଣତନ୍ତ୍ରକୁ ହତ୍ୟା କରାଯାଇଛି । ଏହାକୁ ବିଜେପି ବନ୍ଦ କରିବ ।’
ପଶ୍ଚିମବଙ୍ଗରେ ଟିଏମସି ସିଏଏ(CAA) ବିରୋଧରେ ଗୁଜବ ପ୍ରଚାର କରୁଛି ବୋଲି ଅଭିଯୋଗ ଆଣିଛନ୍ତି ଶାହ । ପଶ୍ଚିମବଙ୍ଗ ନିର୍ବାଚନରେ ବିଜେପିକୁ 77 ଆସନରେ ଜିତାଇଥିବାରୁ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି । ଆସନ୍ତା ତିନି ସପ୍ତାହ ମଧ୍ୟରେ ଅମିତ ଶାହ ସାତୋଟି ରାଜ୍ୟ ଗସ୍ତରେ କରିବେ । ଆୟୋଜିତ ହେବାକୁ ଥିବା ବିଭିନ୍ନ କାର୍ଯ୍ୟକ୍ରମରେ ସେ ଯୋଗ ଦେବେ । ଦୁଇ ଦିନିଆ ପଶ୍ଚିମବଙ୍ଗ ଗସ୍ତ କରିଥିବା ବେଳେ ଆଗକୁ ଆସାମ, ତେଲେଙ୍ଗାନା, କେରଳ, ଉତ୍ତରପ୍ରଦେଶ, ଅରୁଣାଚଳ ପ୍ରଦେଶ, ମହାରାଷ୍ଟ୍ର ଏବଂ ଗୁଜରାଟ ଯାତ୍ରା କରିବେ।
