ଜଳକଷ୍ଟ ଦୂର କରିବ ପରିବହନ ମନ୍ତ୍ରଣାଳୟ, ଉପାୟ ବତାଇଲେ ଗଡକରୀ

ଦେଶର ବିଭିନ୍ନ ଅଞ୍ଚଳରେ ଜଳାଭାବ ସମସ୍ୟା ରହିଛି । ରାଜରାସ୍ତା ନିର୍ମାଣ ଦ୍ବାରା ସେସବୁ ସ୍ଥାନରେ ଜଳ ସମସ୍ୟାକୁ ଦୂରୀକରଣ କରାଯାଇ ପାରିବ ବୋଲି କହିଲେ କେନ୍ଦ୍ରମନ୍ତ୍ରୀ ନୀତିନ ଗଡକରୀ । ଅଧିକ ପଢନ୍ତୁ

ବେଙ୍ଗାଲୁରୁ: ''ଦେଶର ଅନେକ ପ୍ରାନ୍ତରେ ଉତ୍କଟ ଜଳାଭାବ ସମସ୍ୟା ରହିଛି । କେନ୍ଦ୍ର ସଡକ ପରିବହନ ମନ୍ତ୍ରଣାଳୟ ସେହି ସବୁ ଅଞ୍ଚଳରେ ଲୋକଙ୍କ ଜଳକଷ୍ଟ ଦୂର କରିପାରିବ । ସେଠାରେ ରାଜରାସ୍ତା ନିର୍ମାଣ କରାଯାଇ ଛୋଟ ଛୋଟ ହ୍ରଦ ସୃଷ୍ଟି କରାଯିବ । ଯାହା ଲୋକଙ୍କ ଜଳ ଆବଶ୍ୟକତା ମେଣ୍ଟାଇପାରିବ ।'' ବେଙ୍ଗାଲୁରୁରେ ଭାରତମାଳ ଯୋଜନା ଅଧିନରେ ଆୟୋଜିତ 'ମନ୍ଥର କାର୍ଯ୍ୟକ୍ରମ'ରେ ଯୋଗ ଦେବା ଅବସରରେ ଏପରି କହିଛନ୍ତି କେନ୍ଦ୍ରମନ୍ତ୍ରୀ ନୀତିନ ଗଡକରୀ(Union Minister Nitin Gadkari) ।

ଜଳକଷ୍ଟ ଦୂର କରିବ ପରିବହନ ମନ୍ତ୍ରଣାଳୟ, ଉପାୟ ବତାଇଲେ ଗଡକରୀ

''ସମସ୍ତେ ଜାଣନ୍ତି ଯେ, ଆଜାଦୀ କା ଅମୃତ ମହୋତ୍ସବର ଏକ ଅଂଶ ଭାବେ କେନ୍ଦ୍ର ସରକାର 'ମିଶନ ଅମୃତ ସରୋବର'(Mission Amrit Sarovar) ଯୋଜନା କାର୍ଯ୍ୟକାରୀ କରୁଛନ୍ତି । ଭବିଷ୍ୟତ ଲାଗି ଜଳ ସଂରକ୍ଷଣ ଉଦ୍ଦେଶ୍ୟରେ ଚଳିତ ବର୍ଷ ଏପ୍ରିଲ ୨୪ ତାରିଖ ପଞ୍ଚାୟତରାଜ ଦିବସ ଦିନ ଏହି ଯୋଜନାର ଶୁଭାରମ୍ଭ ହୋଇଥିଲା । କିନ୍ତୁ ସଡକ, ପରିବହନ ମନ୍ତ୍ରଣାଳୟ ଏହି ଜଳ ସମସ୍ୟାର ସମାଧାନ କରିପାରିବ'' ବୋଲି କେନ୍ଦ୍ରମନ୍ତ୍ରୀ ପ୍ରକାଶ କରିଛନ୍ତି ।

ଜଳକଷ୍ଟ ଦୂର କରିବ ପରିବହନ ମନ୍ତ୍ରଣାଳୟ, ଉପାୟ ବତାଇଲେ ଗଡକରୀ

ଗଡକରୀ ଆହୁରିମଧ୍ୟ କହିଛନ୍ତି ଯେ, ''ଗ୍ରାମୀଣ ବିକାଶ ମନ୍ତ୍ରଣାଳୟ 'ଅମୃତ ସରୋବର' ମିଶନ ଲଞ୍ଚ କରିଛି । ଏହି ମିଶନରେ ଦେଶର ପ୍ରତ୍ୟେକ ଜିଲ୍ଲାରେ ୭୫ଟି ଜଳଉତ୍ସ ବିକାଶ କରିବା ନେଇ ଲକ୍ଷ୍ୟ ରଖାଯାଇଛି । ଏଥିପାଇଁ କେନ୍ଦ୍ର ଓ ରାଜ୍ୟର ଅଧିକାରୀମାନଙ୍କ ସମେତ ମନ୍ତ୍ରୀମାନେ ଦୁଇ ଦିନି କାର୍ଯ୍ୟକ୍ରମରେ ଅଂଶଗ୍ରହଣ କରୁଛିନ୍ତି । ଏହି କାର୍ଯ୍ୟକ୍ରମର ଥିମ୍ Ideas to Action-Towards a smart, ସ୍ଥାୟୀ ସଡକ ଭିତ୍ତିଭୂମି(sustainable road infra), ଗତିଶୀଳତା(mobility) ଏବଂ ଲଜିଷ୍ଟିକ୍ ଇକୋସିଷ୍ଟମ(logistics ecosystem) ରହିଛି । କିନ୍ତୁ ରାଜରାସ୍ତା ନିର୍ମାଣ କରାଯାଇ ଲୋକଙ୍କ ଜଳଯନ୍ତ୍ରଣା ଦୂର କରାଯାଇ ପାରିବ ।''

କେନ୍ଦ୍ରମନ୍ତ୍ରୀ କହିଛନ୍ତି କି, ସେ ବିଦର୍ଭ ଅଞ୍ଚଳରୁ ଆସିଛନ୍ତି । ସେଠାରେ ବିଗତ ବର୍ଷମାନଙ୍କରେ ହଜାର ହଜାର କୃଷକ ଆତ୍ମହତ୍ୟା କରିଛନ୍ତି । ଫସଲ ନଷ୍ଟ ଯୋଗୁଁ ଏହି ଚାଷୀମାନେ ଆତ୍ମହତ୍ୟା କରୁଥିବାବେଳେ, କୃଷି ସମସ୍ୟାର ପ୍ରମୁଖ କାରଣ ଜଳସଙ୍କଟ ରହିଆସିଛି । ଦେଶର ଅନେକ ଅଞ୍ଚଳରେ ଜଳ ସମସ୍ୟା ରହିଛି । ସେହି ସବୁ ଅଞ୍ଚଳରେ ଜଳର କୌଣସି ଅଭାବ ନାହିଁ, ହେଲେ ଜଳର ସୁପରିଚାଳନା ମୁଖ୍ୟ ସମସ୍ୟା ସାଜିଛି । ସେଠାରେ ରାଜରାସ୍ତା ନିର୍ମାଣ କରି ଆମେ ଲୋକଙ୍କ ପାଇଁ ଛୋଟ ଛୋଟ ହ୍ରଦ ତିଆରି କରିପାରିବୁ ବୋଲି ନୀତିନ ଗଡକାରୀ କହିଛନ୍ତି ।

ମନ୍ତ୍ରୀଙ୍କ କହିବାନୁଯାୟୀ, ''ରାଜରାସ୍ତା ନିର୍ମାଣ ପାଇଁ ମାଟିର ଆବଶ୍ୟକତା ପଡିଥାଏ । ମାଟିକୁ ଏପରି ଭାବେ ଉଠାଯିବ ଯାହାଦ୍ବାରା ସେହି ସ୍ଥାନରେ ଏକ ଜଳଉତ୍ସ ସୃଷ୍ଟି ହୋଇପାରିବ । ଯାହା ନା କେବଳ ରାସ୍ତା ନିର୍ମାଣ ପାଇଁ ଆବଶ୍ୟକତା ପୂରଣ କରିପାରିବ, ତତ୍‌ସହିତ ନୂଆ ହ୍ରଦ ବା ଜଳଉତ୍ସ ସୃଷ୍ଟି ହୋଇ ଗ୍ରାମୀଣ ଲୋକଙ୍କ ଆବଶ୍ୟକତା ପୂରଣ କରିବାରେ ସକ୍ଷମ ହେବେ । ଏଭଳି ନୂତନ ପଦକ୍ଷେପ ଦ୍ବାରା ପ୍ରକଳ୍ପ ବ୍ୟୟ ଅଟକଳ ମଧ୍ୟ ହ୍ରାସ ପାଇବ ।''