ନୂଆଦିଲ୍ଲୀ: ବିଜେପି ସରକାର ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପୁଲଓ୍ବାମା ଆତଙ୍କୀ ଆକ୍ରମଣ ସମେତ ବିଭିନ୍ନ ସମ୍ବେଦନଶୀଳ ପ୍ରସଙ୍ଗରେ ଟାର୍ଗେଟ କରିଆସିଥିବା କାଶ୍ମୀରର ପୂର୍ବତନ ରାଜ୍ୟପାଳ ସତ୍ୟପାଳ ମଲ୍ଲିକ ପୁଣି ଥରେ ଏକାଧିକ ପ୍ରସଙ୍ଗରେ ମୋଦି ସରକାରକୁ ଟାର୍ଗେଟ କରିଛନ୍ତି । ଚଳିତ ବର୍ଷ ଶେଷ ସୁଦ୍ଧା 5 ରାଜ୍ୟରେ ବିଧାନସଭା ନିର୍ବାଚନ ଓ ଆସନ୍ତା ବର୍ଷ ପ୍ରାରମ୍ଭରେ ସାଧାରଣ ନିର୍ବାଚନ ଥିବା ବେଳେ ଏବେ ପୁଣି ସତ୍ୟପାଳ ମଲ୍ଲିକ ବିଜେପି ଉପରେ ସାଙ୍ଘାତିକ ଅଭିଯୋଗ ସହ ବର୍ଷିଛନ୍ତି ।
-
क्या ये संवाद ED-CBI की भाग दौड़ बढ़ा देगा?
— Rahul Gandhi (@RahulGandhi) October 25, 2023 " class="align-text-top noRightClick twitterSection" data="
पुलवामा, किसान आंदोलन और अग्निवीर जैसे महत्वपूर्ण मुद्दों पर राज्यपाल, पूर्व सांसद और किसान नेता, सत्यपाल मलिक जी के साथ दिलचस्प चर्चा!
पूरा वीडियो मेरे यूट्यूब चैनल पर देखिए। pic.twitter.com/tIGkXDRjzD
">क्या ये संवाद ED-CBI की भाग दौड़ बढ़ा देगा?
— Rahul Gandhi (@RahulGandhi) October 25, 2023
पुलवामा, किसान आंदोलन और अग्निवीर जैसे महत्वपूर्ण मुद्दों पर राज्यपाल, पूर्व सांसद और किसान नेता, सत्यपाल मलिक जी के साथ दिलचस्प चर्चा!
पूरा वीडियो मेरे यूट्यूब चैनल पर देखिए। pic.twitter.com/tIGkXDRjzDक्या ये संवाद ED-CBI की भाग दौड़ बढ़ा देगा?
— Rahul Gandhi (@RahulGandhi) October 25, 2023
पुलवामा, किसान आंदोलन और अग्निवीर जैसे महत्वपूर्ण मुद्दों पर राज्यपाल, पूर्व सांसद और किसान नेता, सत्यपाल मलिक जी के साथ दिलचस्प चर्चा!
पूरा वीडियो मेरे यूट्यूब चैनल पर देखिए। pic.twitter.com/tIGkXDRjzD
2019 ପୁଲଓ୍ବାମା ଆକ୍ରମଣକୁ ଭାରତୀୟ ଜନତା ପାର୍ଟି ରାଜନୈତିକ ଫାଇଦା ପାଇଁ ବ୍ୟବହାର କରିଛି । ସେ ସେତେବେଳେ କାଶ୍ମୀରର ରାଜ୍ୟପାଳ ଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜେ ତାଙ୍କୁ ଏହି ପ୍ରସଙ୍ଗରେ ଚୁପ ରହିବାକୁ କହିଥିଲେ ବୋଲି ସତ୍ୟପାଲ କହିଛନ୍ତି । ଆଜି ସତ୍ୟପାଲ କଂଗ୍ରେସ ନେତା ରାହୁଲ ଗାନ୍ଧୀଙ୍କ ସହ ଏକ ସାକ୍ଷାତକାରରେ ପୁଲଓ୍ବାମା ଆକ୍ରମଣ ସମେତ, ମଣିପୁର ହିଂସା ଓ ଆଦାନୀ ପ୍ରସଙ୍ଗରେ ଏକାଧିକ ସଙ୍ଗୀନ ଆରୋପ ଆଣିବା ସହ ବିସ୍ଫୋରକ ମନ୍ତବ୍ୟ ମଧ୍ୟ ଦେଇଛନ୍ତି ।
ରାହୁଲଙ୍କ ସହ ବାର୍ତ୍ତାଳାପରେ ସତ୍ୟପାଲ କହିଛନ୍ତି, କାଶ୍ମୀର ପ୍ରସଙ୍ଗର ସମାଧାନ କେବେ ଫୋର୍ସ ମୁତୟନ କରି ହୋଇପାରିବ ନାହିଁ, ବରଂ କାଶ୍ମୀରବାସୀଙ୍କ ବଶ୍ବାସ ଜିତିବାକୁ ପଡିବ । ସେହିପରି କାଶ୍ମୀର ବିଭାଜନ କରି ଦୁଇଟି କେନ୍ଦ୍ରଶାସିତ ଅଞ୍ଚଳ ଗଠନ କରାଯିବା ପ୍ରସଙ୍ଗରେ ସତ୍ୟପାଲ କହିଛନ୍ତି, ଶିଘ୍ର କାଶ୍ମୀରର ରାଜ୍ୟପାହ୍ୟା ପୁନଃସ୍ଥାପିତ କରାଯିବାର ଆବଶ୍ୟକତା ରହିଛି । ଏହା ସହ ସେଠାରେ ଶିଘ୍ର ନିର୍ବାଚନ ମଧ୍ୟ କରାଯିବାର ଆବଶ୍ୟକତା ଥିବା ମନ୍ତବ୍ୟକୁ ସେ ଦୋହରାଇଛନ୍ତି ।
2019 ମସିହାରେ ଦକ୍ଷିଣ କାଶ୍ମୀରର ପୁଲଓ୍ବାମାରେ ହୋଇଥିବା ଆତ୍ମଘାତୀ ଆତଙ୍କୀ ଆକ୍ରମଣରେ କେନ୍ଦ୍ରୀୟ ରିଜର୍ଭ ପୋଲିସ ଫୋର୍ସ (ସିଆରପିଏଫ)ର 40 ଯବାନ ଶହୀଦ ହୋଇଥିଲେ । ସେତେବେଳେ କାଶ୍ମୀରର ରାଜ୍ୟପାଳ ଥିବା ସତ୍ୟପାଲ କହିଛନ୍ତି, ସିଆରପିଏଫ କେନ୍ଦ୍ରକୁ ବିମାନ ମାଗିଥିଲା । ହେଲେ କେନ୍ଦ୍ର ଏହି ନିଷ୍ପତ୍ତିକୁ ଝୁଲାଇ ରଖିଥିଲା । ସେମାନେ 5 ଟି ବିମାନ ମାଗିଥିବା ବେଳେ କେନ୍ଦ୍ର ଗୃହ ମନ୍ତ୍ରଣାଳୟ 4 ମାସ ଧରି ଏହି ଆବେଦନକୁ ଝୁଲାଇ ରଖିଥିଲା । ଏହି ଆକ୍ରମଣ ସରକାର କରାଇଥିବା ବୋଲି ମଧ୍ୟ ସେ କହିନାହାନ୍ତି, ବରଂ ଏହି ଆକ୍ରମଣ ପରେ ଶାସନରେ ଥିବା ବିଜେପି ରାଜନୈତିକ ଫାଇଦା ନେଇଛି ବୋଲି କହିଛନ୍ତି । ଆକ୍ରମଣ ହେବାର ମାତ୍ର କିଛି ଦିନ ମଧ୍ୟରେ ବିଜେପି ନେତାମାନେ ପୁଲଓ୍ବାମା ଶହୀଦଙ୍କ ନାମରେ ଭୋଟ ମଧ୍ୟ ମାଗିଥିଲେ ବୋଲି ସତ୍ୟପାଲ କହିଛନ୍ତି ।
ଏହି ଆକ୍ରମଣର ଘଟଣାର ପୁରା କାହାଣୀ ବର୍ଣ୍ଣନା କରି ସତ୍ୟପାଲ କହିଛନ୍ତି, 2019 ରେ ଏହି ଆକ୍ରମଣ ହେବା ଦିନ ପ୍ରଧାନମନ୍ତ୍ରୀ ଜିମ କାର୍ବେଟ ଜାତୀୟ ଉଦ୍ୟାନରେ ଏକ କାର୍ଯ୍ୟକ୍ରମ ସୁଟିଂରେ ବ୍ୟସ୍ତ ଥିଲେ । ସେ ଏହି ଘଟଣା ସମ୍ପର୍କରେ ତାଙ୍କୁ ଫୋନ କରି ସୂଚନା ଦେଲେ । ଏହି ଘଟଣା ସରକାରୀ ଓ ପ୍ରଶାସନିକ ଦାୟିତ୍ବହିନତା ପାଇଁ ଘଟିଛି ବୋଲି ସତ୍ୟପାଲ ପ୍ରଧାନମନ୍ତ୍ରୀଙ୍କୁ କହିଥିଲେ । ମାତ୍ର ପ୍ରଧାନମନ୍ତ୍ରୀ ତାଙ୍କୁ ଚୁପ ରହିବାକୁ କହିଥିଲେ । ପରେ ଜାତୀୟ ସୁରକ୍ଷା ପରାମର୍ଶଦାତା (ଏନଏସଏ) ଅଜିତ ଡୋଭାଲ ମଧ୍ୟ ସତ୍ୟପାଲଙ୍କୁ ଫୋନ କରି ଏହି ପ୍ରସଙ୍ଗରେ କୌଣସି ପ୍ରତିକ୍ରିୟା ନଦେଇ ଚୁପ ରହିବାକୁ କହିଥିଲେ । ସତ୍ୟପାଲ ଭାବିଥିଲେ, ସରକାର ଏକ ଉଚ୍ଚସ୍ତରୀୟ କମିଟି ଗଠନ କରି ଆକ୍ରମଣର ତଦନ୍ତ କରିବେ । ମାତ୍ର ପରବର୍ତ୍ତୀ ସମୟରେ ସେପରି କିଛି ହୋଇନଥିଲା ବୋଲି ସତ୍ୟପାଲ କହିଛନ୍ତି ।
ଏହା ମଧ୍ୟ ପଢନ୍ତୁ:- ଇଣ୍ଡିଆ ପରିବର୍ତ୍ତେ ଭାରତ ପଢିବେ ଛାତ୍ରଛାତ୍ରୀ, NCERT ପ୍ୟାନେଲ କଲା ସୁପାରିଶ
ସେହିପରି ମଣିପୁର ହିଂସା ପ୍ରସଙ୍ଗରେ ମଧ୍ୟ ସତ୍ୟପାଲ ବିଜେପି ସରକାରର କାର୍ଯ୍ୟଦକ୍ଷତା ଓ ତ୍ରୁଟିପୂର୍ଣ୍ଣ ନିଷ୍ପତ୍ତି ଉପରେ ବର୍ଷିଛନ୍ତି । ସ୍ଥାନୀୟ ବିରେନ ସିଂ ସରକାର ହିଂସା ନିୟନ୍ତ୍ରଣ କରିବାରେ ସମ୍ପୂର୍ଣ୍ଣ ବିଫଳ । ମୁଖ୍ୟମନ୍ତ୍ରୀଙ୍କୁ ବରଖାସ୍ତ କରାଯିବା କଥା । ହେଲେ କେନ୍ଦ୍ର ସରକାର ସେପରି କିଛି କଲେ ନାହିଁ । ଏବେ ମୋଦି ସରକାର ‘ମେଗାଲୋମାନିଆ’ କ୍ୟାମ୍ପେନ ଆରମ୍ଭ କରିଛନ୍ତି । ଯାହାର ଅର୍ଥ ହେଉଛି, ପ୍ରତ୍ୟେକ ଛୋଟ ଘଟଣାକୁ ଅତିରଞ୍ଜିତ ଭାବେ ଲୋକଙ୍କ ସାମ୍ନାରେ ଉପସ୍ଥାପନ କରାଯାଉଛି । ତେବେ ସେ ଏହି ସବୁ ପ୍ରସଙ୍ଗରେ ସରକାରଙ୍କୁ ଟାର୍ଗେଟ କରିବା ଫଳରେ ତାଙ୍କୁ ମଧ୍ୟ ଜେରାର ସମ୍ମୁଖୀନ ହେବାକୁ ପଡିଛି ବୋଲି ମଧ୍ୟ କହିଛନ୍ତି ସତ୍ୟପାଲ ।
ବ୍ୟୁରୋ ରିପୋର୍ଟ, ଇଟିଭି ଭାରତ
