ନୂଆଦିଲ୍ଲୀ: ସନ୍ଦିଗ୍ଧ ଅବସ୍ଥାରେ ବିଜେପି ନେତାଙ୍କ ମୃତ୍ୟୁ । ବିଜେପି ସାଂସଦ ରାମସ୍ବରୂପ ଶର୍ମାଙ୍କ ମୃତଦେହ ଉଦ୍ଧାର । ଦିଲ୍ଲୀ ସ୍ଥିତ ବାସଭବନରୁ ଝୁଲନ୍ତା ଅବସ୍ଥାରେ ତାଙ୍କ ମୃତଦେହ ଉଦ୍ଧାର ହୋଇଛି । ହିମାଚଳପ୍ରଦେଶର ମଣ୍ଡିର ଲୋକସଭା ସାଂସଦ ଥିଲେ ସେ ।
ଦିଲ୍ଲୀ ପୋଲିସ ଅନୁସାରେ, ଆଜି ସକାଳ 8.30 ସମୟରେ ଆରଏମଏଲ ହସ୍ପିଟାଲ ସ୍ଥିତ ଗୌମତି ଆପାର୍ଟମେଣ୍ଟରୁ ବିଜେପି ସାଂସଦଙ୍କ ମୃତଦେହ ଉଦ୍ଧାର ହୋଇଛି । ଘଟଣାସ୍ଥଳରେ ପୋଲିସ ଅଧିକାରୀ ପହଞ୍ଚିଛନ୍ତି । ସାଂସଦଙ୍କ ଆତ୍ମହତ୍ୟାର କାରଣ ସ୍ପଷ୍ଟ ହୋଇନାହିଁ । ଦିଲ୍ଲୀ ପୋଲିସ ଘଟଣାର ଯାଞ୍ଚ କରୁଛି । ସେପଟେ, ରାମସ୍ବରୂପ ଶର୍ମାଙ୍କ ଦେହାନ୍ତ ପରେ ବିଜେପିର ବସିବାକୁ ଥିବା ସର୍ବଦଳୀୟ ବୈଠକକୁ ରଦ୍ଦ କରିଦିଆଯାଇଛି ।
