ଗୌହାଟୀ: ଆସାମରେ ଫୁଟିଲା ପଦ୍ମ । ମହାମେଣ୍ଟକୁ ବହୁମତରେ ହରାଇଛି ବିଜେପି, ଆକଳନ ଠାରୁ ଅଧିକ ଆସନ ହାତେଇଛି ବିଜେପି । ଆସାମର ମୋଟ୍ 126 ଆସନ ମଧ୍ୟରୁ 75ଟି ଆସନରେ ବିଜୟୀ ହୋଇଛି ବିଜେପି । ତିନୋଟି ହାଇଭୋଲଟେଜ ନିର୍ବାଚନ ପରେ ଆଜି ରାଜ୍ୟରେ ବିଜେପି ପୁଣି ଏହାର ଦବଦବା ଜାହିର କରିଛି । 2016ରେ 15 ବର୍ଷର କଂଗ୍ରେସ ଶାସନକୁ ଧୂଳି ଚଟେଇ ମୁଖ୍ୟମନ୍ତ୍ରୀ ସରବାନନ୍ଦ ସୋନୋୱାଲ ବିଜୟ ହୋଇଥିବାବେଳେ 126 ଆସନରୁ 86ଟି ଆସନ ହାତେଇଥିଲେ । ଦ୍ବିତୀୟ ଥର ମଧ୍ୟ ରାଜ୍ୟବାସୀ ତାଙ୍କୁ ନିଜର ମୁଖ୍ୟମନ୍ତ୍ରୀ ରୂପେ ଦେଖିବାକୁ ଚାହାଁନ୍ତି ।
ପ୍ରଥମରୁ ହିଁ ସରବାନନ୍ଦ ସୋନୋୱାଲ ଅଗ୍ରଣୀ ଥିଲେ । ପ୍ରଥମ ରାଉଣ୍ଡରେ 2723 ଭୋଟରେ ଆଗୁଆ ଥିଲେ । ଏହାସହ ଅନ୍ୟଜଣେ ଚର୍ଚ୍ଚିତ ଚେହେରା ସ୍ବାସ୍ଥ୍ୟମନ୍ତ୍ରୀ ହିମନ୍ତ ବିଶ୍ବ ଶର୍ମା 5000 ଭୋଟରେ ଆଗୁଆ ରହିଥିଲେ । ପ୍ରଥମରୁ ଉଭୟ ନିଜ ନିଜ ଆସନ ମାଜୁଲୀ ଓ ଜାଲକୁବାରୀରେ ଆଗୁଆ ରହିଥିଲେ । ସୋନୋୱାଲଙ୍କ ବିଜୟ ଚୁଡାନ୍ତ ହେବା ପୂର୍ବରୁ ହିଁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଶୁଭେଚ୍ଛା ଜଣାଇ ସାରିଥିଲେ । ଅପରାହ୍ନ 4ଟା 10 ସୁଦ୍ଧା ବିଜେପି 76ଟି ଆସନରେ ଆଗୁଆ ଥିଲା ।
ମୁଖ୍ୟମନ୍ତ୍ରୀ ସରବାନନ୍ଦ ସୋନୋୱାଲ ବିଜୟ ପୂର୍ବରୁ ହିଁ ଆସାମରେ ପୁଣି ଥରେ ବିଜେପି ସରକାର ଆସିବ ବୋଲି ନିଜ ପ୍ରତିକ୍ରିୟା ରଖିଥିଲେ । ଏହାସହ ମାଜୁଲୀ ଆସନରୁ 42,788 ଭୋଟ ବ୍ୟବଧାନରେ ବିଜୟୀ ହୋଇଥିଲେ ସରବାନନ୍ଦ ।
ଚଳିତ ବର୍ଷ ବିଜେପି ଏବଂ କଂଗ୍ରେସ ନେତୃତ୍ୱାଧୀନ ମହାମେଣ୍ଟ ମଧ୍ୟରେ ଜୋରଦାର ପ୍ରତିଯୋଗିତା ହୋଇଥିଲା । ତେବେ ବିଜେପି ନେତୃତ୍ୱାଧୀନ ମିଳିତ ମେଣ୍ଟରେ ଆସାମ ଗଣ ପରିଷଦ (ଏଜିପି) ଏବଂ ୟୁନାଇଟେଡ୍ ପିପୁଲ୍ସ ପାର୍ଟି ଲିବେରାଲ୍ (ୟୁପିପିଏଲ୍) ମଧ୍ୟ ରହିଥିଲା। ‘ମହାଜଠ’ କହୁଥିବା କଂଗ୍ରେସ ମେଣ୍ଟରେ ଅଲ୍ ଇଣ୍ଡିଆ ୟୁନାଇଟେଡ୍ ଡେମୋକ୍ରାଟିକ୍ ଫ୍ରଣ୍ଟ (AIUDF), କମ୍ୟୁନିଷ୍ଟ ପାର୍ଟି ଅଫ୍ ଇଣ୍ଡିଆ, କମ୍ୟୁନିଷ୍ଟ ପାର୍ଟି ଅଫ୍ ଇଣ୍ଡିଆ, କମ୍ୟୁନିଷ୍ଟ ପାର୍ଟି ଅଫ୍ ଇଣ୍ଡିଆ ଲିବେରେସନ, ଆଙ୍କାଲିକ୍, ଗାନା ମାର୍ଚ୍ଚା (ଏଜିଏମ୍) ଏବଂ ବୋଡୋଲାଣ୍ଡ ପିପୁଲ୍ସ ଫ୍ରଣ୍ଟ (ବିପିଏଫ୍) ସାମିଲ ଥିଲେ ।
ତୃତୀୟ ପର୍ଯ୍ୟାୟ ପୂର୍ବରୁ ରାଜ୍ୟରେ ପ୍ରଚାର କରୁଥିବା ବିଜେପି ନେତାମାନେ ଦାବି କରିଥିଲେ ଯେ ସେମାନେ ପ୍ରଥମ ଦୁଇଟି ପର୍ଯ୍ୟାୟ ପରେ ସରକାର ଗଠନ ପାଇଁ ମ୍ୟାଜିକ୍ ନମ୍ବରରେ ପହଞ୍ଚି ଯାଇଛନ୍ତି ଏବଂ ଶେଷ ପର୍ଯ୍ୟାୟରେ ଭୋଟ୍ ଗ୍ରହଣ କରି ସେମାନେ ଆସାମରେ ବହୁ ସଂଖ୍ୟାରେ ସରକାର ଗଠନ କରିବେ। କଂଗ୍ରେସ ଦଳର ନେତା ରାହୁଲ ଗାନ୍ଧୀ ଏବଂ ପ୍ରିୟଙ୍କା ଗାନ୍ଧୀ ଭଦ୍ରା ମଧ୍ୟ ରାଜ୍ୟରେ ପ୍ରଚାର କରିଥିଲେ । ଶେଷ ପର୍ଯ୍ୟାୟରେ ମଧ୍ୟ ପ୍ରଚାର କରିବାକୁ ସ୍ଥିର ହୋଇଥିଲା କିନ୍ତୁ ପ୍ରିୟଙ୍କା ଗାନ୍ଧୀଙ୍କ ସ୍ୱାମୀ ରବର୍ଟ ଭଦ୍ରା କୋଭିଡ ପଜିଟିଭ୍ ଚିହ୍ନଟ ହେବା ପରେ ରାଲିକୁ ବାତିଲ୍ କରାଯାଇଥିଲା ।
କଂଗ୍ରେସ 5 ବର୍ଷ ମଧ୍ୟରେ 5 ଲକ୍ଷ ସରକାରୀ ଚାକିରୀ, 200 ୟୁନିଟ୍ ମାଗଣା ବିଦ୍ୟୁତ୍, ଚା ବଗିଚା କର୍ମଚାରୀଙ୍କ ଦୈନିକ ମଜୁରୀ 365 ଟଙ୍କା କରିବା ଏବଂ ଗୃହ ନିର୍ମାଣକାରୀଙ୍କୁ ମାସକୁ 2,000 ଟଙ୍କା ବୃଦ୍ଧି କରିବାକୁ ପ୍ରତିଶୃତି ଦେଇଛି । ଅନ୍ୟପକ୍ଷେ ବିଜେପି ନେତାଙ୍କ ଆଦର୍ଶ ଆଚରଣ ବିଧି ଉଲ୍ଲଂଘନ ଅଭିଯୋଗରେ କଂଗ୍ରେସ ମତଦାନ ପ୍ୟାନେଲରେ ପ୍ରତିନିଧିତ୍ୱ କରିଥିଲା । ତେବେ ସମସ୍ତ କଳ୍ପନା ଜଳ୍ପନା ପରେ କିନ୍ତୁ ଶେଷରେ ସୋନୋୱାଲଙ୍କ ସୁନାର ସରକାରକୁ ଭରଷା କରିଛନ୍ତି ରାଜ୍ୟବାସୀ ଆଉ ବିପୁଳ ପରିମାଣରେ ଭୋଟ୍ ଦେଇ ବିଜେପିକୁ ପୁଣି ଫେରେଇ ଆଣିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
